লুচিক আগুলেট্চি

লুচিক আগুলেট্চি (Lusik Aguletsi; আৰ্মেনিয়ান: Լուսիկ Ագուլեցի); জন্ম নাম লুচিক ঝোৰজিকি হাৰুত্যুনিয়ান; নাখিচেভানত জন্মগ্ৰহণ কৰা এগৰাকী আৰ্মেনিয়ান চিত্ৰশিল্পী, নৃতত্ত্ববিদ, আৰু আৰ্মেনিয়াৰ সন্মানীয় সাংস্কৃতিক কৰ্মী আছিল।^১২

আগুলেট্চি ইয়েৰেভানত নিয়মিতভাৱে নিজৰ পৰম্পৰাগত আৰ্মেনিয়ান সাজ-পোছাক পিন্ধা শেষগৰাকী আৰ্মেনিয়ান হিচাপে বিখ্যাত আছিল।^২৩

জীৱনী

১৯৪৬ চনৰ ৩১ মে’ত নাখিচেভানৰ ভেৰিন আগুলিছ গাঁৱত হাৰুত্যুনিয়ান পৰিয়ালত জন্মগ্ৰহণ কৰা লুচিক আগুলেট্সিৰ; ১৯১৯ চনত আজাৰবাইজানসকলে সংঘটিত কৰা আগুলিছ হত্যাকাণ্ডৰ পিছত আগুলিছত বাস কৰা শেষৰগৰাকী আৰ্মেনিয়ান। আগুলিছত তেওঁৰ অভিজ্ঞতাই আজাৰবাইজানৰ লেখক আক্ৰাম আয়লিছলিৰ ষ্টোন ড্ৰিমছ উপন্যাসখনৰ “লুচিক” চৰিত্ৰটোৰ বাবে প্ৰেৰণা যোগাইছিল।^২৪ ১৯৫৩ চনত আগুলেট্সিৰ পৰিয়াল ইয়েৰেভানলৈ গুচি যায়। ১৯৬৩-১৯৬৭ চনত ইয়েৰেভানৰ পানোছ টেৰলেমেজিয়ান আৰ্ট কলেজত অধ্যয়ন কৰে। পঢ়া-শুনাৰ সময়ত "এভাংগাৰ্ড" কাকতৰ পৰা বিশেষ পুৰস্কাৰ লাভ কৰিছিল। ১৯৭৪ চনৰ পৰা আৰ্মেনিয়াৰ আৰ্টিষ্ট ইউনিয়নৰ সদস্য আছিল।^৫

লুচিক আগুলেট্সিৰ ছবিসমূহ বিদেশৰ সংগ্ৰহালয় আৰু ব্যক্তিগত সংগ্ৰহত আছে। চিত্ৰকলাৰ উপৰিও আগলেট্সি আছিল এজন সক্ৰিয় নৃতাত্ত্বিক। তেওঁ অস্ত্ৰ-শস্ত্ৰ, সাজ-পোছাক, সজ্জা, প্ৰাচীন জাৰ সংগ্ৰহ কৰিছিল। ইয়াৰে কিছুমান তেওঁৰ জন্মভূমি আগুলিছৰ পৰা আৰু বাকীবোৰ পশ্চিম আৰু পূব আৰ্মেনিয়াৰ বিভিন্ন কোণৰ পৰা অনা হৈছিল।^৩

২০১৮ চনৰ ১৩ জুলাইত ৭২ বছৰ বয়সত লুচিক আগুলেট্চিৰ মৃত্যু হয়।^৬

প্ৰদৰ্শনী

১৯৬৮ চনৰ পৰা আৰ্মেনিয়া আৰু বিদেশৰ বিভিন্ন গণতান্ত্ৰিক প্ৰদৰ্শনীত অগুলেট্চিয়ে অংশগ্ৰহণ কৰে।

একক প্ৰদৰ্শনী

• ১৯৯৬ চনত আৰ্মেনিয়াৰ নেচনেল গেলেৰী
• ১৯৯৭ চনত ষ্টেপানাকেৰ্ট
• ১৯৯৭ চনত "Mkrtchyan" প্ৰদৰ্শনী হল
• ১৯৯৯ গ্ৰীচ, থেছালনিকী

দলীয় প্ৰদৰ্শনী

• ১৯৭৭ চনত পেৰিছ
• ১৯৭৭ চনত আমেৰিকা
• ১৯৭৮ চনত জাৰ্মানী
• ১৯৮১ ইৰাক
• ১৯৮৩ চনত লছ এঞ্জেলছ, ডেট্ৰাইট, টৰণ্টো, মণ্ট্ৰিয়েল
• ১৯৮৫ চনত মস্কো
• ১৯৮৬ চনত জাপান
• ১৯৮৭ চনত গ্ৰীচ
• ১৯৮৯ "আৰ্মেনিয়ান আৰ্টিষ্ট টু দ্য হায়াস্তান অল-আৰ্মেনিয়ান ফাণ্ড", আৰ্মেনিয়াৰ নেচনেল গেলেৰী
• ১৯৯৪ বেলজিয়াম, নৰ্মাণ্ডি, ফ্ৰান্স
• ১৯৯৫, ১৯৯৭ আৰ্টছাখত চিম্পোজিয়াম
• ১৯৯৮ "এবিংশ শতিকাৰ থ্ৰেছহোল্ডত সমসাময়িক কলা।"
• ২০০৩ চনৰ মিনস্ক, আৰ্মেনিয়াৰ স্বাধীনতা দিৱসৰ বাবে উৎসৰ্গিত প্ৰদৰ্শনী
• ২০০৩ চনত "আৰ্মেনিয়া-প্ৰব্ৰজনকাৰী" সন্মিলনৰ বাবে উৎসৰ্গিত প্ৰদৰ্শনী

লুচিক আগুলেট্চি হাউচ-মিউজিয়াম

ইয়েৰেভানৰ ৭৯ নং মুৰাটছান ষ্ট্ৰীটত থকা ঘৰটো, য’ত লুচিক আগুলেট্চিয়ে প্ৰায় ৪৫ বছৰ ধৰি বাস কৰিছিল আৰু কাম কৰিছিল, পৰিয়ালৰ সদস্যৰ উদ্যোগত গৃহ-সংগ্ৰহালয়লৈ ৰূপান্তৰিত কৰা হৈছিল। সংগ্ৰহালয়ত লোক কনচাৰ্ট, চিত্ৰকলা, নৃত্য আৰু মাষ্টাৰ ক্লাছৰ আয়োজন কৰা হয়। সংগ্ৰহালয়টোৰ কাষতে আছে আগুলেট্চি আৰ্ট কেফে, য'ত আগুলিছৰ খাদ্যৰ সৈতে পৰম্পৰাগত আৰ্মেনিয়ান খাদ্যৰ বৈশিষ্ট্য আছে।^৩৭