লুইকিন

লুইকিন (চীনা: 柳琴; পিনয়িন: liǔqín) হৈছে এটা মুকুতা-সদৃশ শৰীৰৰ তিনি, চাৰি বা পাঁচ ডাল তাৰযুক্ত চীনাবাদ্য যিটো চীনা মাণ্ডলিনৰ দৰে। ইয়াৰ মাতৰ পৰিসৰ অন্যান্য চীনা তুলনামূলক তাৰযুক্ত বাদ্যযন্ত্ৰতকৈ বহুত ওপৰত, আৰু ইয়াক চীনা সংগীতৰ অৰ্কেষ্ট্ৰা সংগীত আৰু একক বাদন দুয়োটাতে ব্যৱহাৰ কৰা হয়। সাম্প্ৰতিক বছৰবোৰত ইয়াৰ ব্যৱহাৰৰ আধুনিকীকৰণৰ ফলস্বৰূপে লুইকিনৰ মৰ্যাদা ক্ৰমাৎ বৃদ্ধি পাইছে, লোকপ্ৰিয় চীনা অপেৰাৰ সংগত বাদ্যযন্ত্ৰৰপৰা ইয়াৰ অনন্য সুৰীয়া আৰু ধ্বনিগত গুণৰ বাবে পৰিচিত এটা বাদ্যযন্ত্ৰলৈ পৰিৱৰ্তিত হৈছে। এই বাদ্যযন্ত্ৰটো চীনা ৰুয়ান আৰু য়ুয়েকিনৰ দৰে কৰ্ণাইকৈ (ডাঁহিকৈ) ধৰা হয়। ইয়াৰ তাৰবোৰ এটা দলং বা ব্ৰীজৰদ্বাৰা ওপৰলৈ তুলি লোৱা হয় আৰু শব্দব'ৰ্ডখনত দুটা প্ৰধান শব্দৰ বিন্ধা থাকে। অৱশেষত, বাদ্যযন্ত্ৰটো ৰুয়ান আৰু য়ুয়েকিন দুয়োটাৰে সৈতে একে কৌশলেৰে এটা পিক বা টোকাৰীৰে বজোৱা হয়। সেইবাবে লুইকিন সাধাৰণতে ৰুয়ান আৰু য়ুয়েকিনৰ অভিজ্ঞতা থকা লোকসকলেই বেছিকৈ বজায় আৰু ইয়াৰদ্বাৰা দ্বিগুণ কাম চলায়।

ইতিহাস

লুইকিনৰ বিভিন্ন নাম আছিল, প্ৰথমতে ইয়াক লিউয়েকিন (柳葉琴) বুলি কোৱা হৈছিল, যাৰ অৰ্থ হৈছে 'উইলো গছৰ পাতৰ আকৃতিৰ বাদ্যযন্ত্ৰ'। এইটোৱেই আছিল লুইকিনৰ মূল নাম, যিটো লিউয়েকিন শব্দৰেই এটা সংক্ষিপ্ত ৰূপ। লুইকিনৰ আন এটা নাম হৈছে তু পিপিআ (土琵琶), যাৰ আক্ষৰিক অৰ্থ হৈছে 'অৰ্ধ-পৰিশোধিত পিপিআ', কিয়নো লুইকিন আকৃতিগতভাৱে সৰু আৰু পিপিআৰ সৈতে সাদৃশ্যপূৰ্ণ।

ইয়াৰ ইতিহাস জুৰি, লুইকিনৰ বিভিন্ন প্ৰকাৰ দেখা গৈছিল যিবোৰ দুডাল তাৰৰপৰা (যাৰ পৰিসৰ মাত্ৰ ডেৰ অক্টেভ আছিল) চাৰিডাল তাৰলৈকে আছিল। অৱশ্যে, আধুনিক চাৰিডাল তাৰযুক্ত সংস্কৰণটোৰ আটাইতকৈ পুৰণি পূৰ্বৰূপটো কুইং বংশৰ শাসনকালত আবিৰ্ভাৱ হৈছিল আৰু জনপ্ৰিয়তা লাভ কৰিছিল। এই সংস্কৰণটোত দুডাল তাৰ আছিল, আৰু ইয়াক কেৱল পৰম্পৰাগত অপেৰাত সংগত বাদ্য হিচাপেহে ব্যৱহাৰ কৰা হৈছিল।

কুইং বংশৰপৰা কুৰি শতিকাৰ শেষলৈকে চীনৰ ৰাজবংশী যুগৰ বেছিভাগ সময়তে দুডাল তাৰযুক্ত লুইকিনৰ ব্যৱহাৰ চলি আছিল। ১৯৭০ৰ দশকত পৰম্পৰাগত চীনা সংগীতৰ আধুনিকীকৰণৰ লগে লগে, ইয়াৰ সংগীতৰ পৰিসৰ বৃদ্ধি কৰাৰ উদ্দেশ্যে চাৰিডাল তাৰযুক্ত লুইকিন বিকশিত কৰা হৈছিল, আৰু বাদকসকলে বাদ্যযন্ত্ৰটো অধিক সহজে ব্যৱহাৰ কৰিব পৰাকৈ ইয়াৰ শৰীৰটো ডাঙৰ কৰা হৈছিল।

বজোৱাৰ কৌশল

বজোৱাৰ কৌশল মেণ্ডোলিনৰ দৰেই, প্লেক্ট্ৰম ব্যৱহাৰ কৰা হয় আৰু সঘনাই ট্ৰেম’লো কৌশল ব্যৱহাৰ কৰা হয়। ইয়াৰ ষ্ট্ৰিংবোৰ হয় পঞ্চম অংশত টিউন কৰা হয়, G-D-A-E (মেণ্ডোলিন বা ভায়লিন হিচাপে), নহয় চতুৰ্থ আৰু পঞ্চম অংশৰ মিশ্ৰণত, যেনে G-D-G-D, যিটো লুইকিনৰ মূলসুঁতিৰ খেলুৱৈসকলে ব্যৱহাৰ কৰা অধিক সাধাৰণ টিউনিং। এই লুইকিনৰ বজোৱা ঝংৰুৱানৰ সৈতে একে কৰি তোলে, যিটো এটা অষ্টক কম টিউন কৰা হয়, সেয়েহে লুইকিন বা ৰুয়ানৰ বজোৱাসকলে প্ৰায়ে দুয়োটা বাদ্যযন্ত্ৰতে দুগুণ হ'ব পাৰে।

লুইকিনৰ সতেজ, উল্লসিত আৰু সূক্ষ্ম টোনাল গুণ আছে।

আধুনিক লুইকিনত চাৰিটা তীখাৰ ডোঙা আছে। ৰুয়ানৰ দৰেই ২০ শতিকাৰ ভিতৰত লুইকিনৰ ফ্ৰেটৰ সংখ্যা ৭ৰপৰা ২৯লৈ বৃদ্ধি কৰা হৈছিল। এই ফ্ৰেটবোৰ আধা খোজৰ ব্যৱধানত সজোৱা হয়। যিহেতু সকলো চীনা লুটৰ ফ্ৰেট বেছি, আঙুলিয়ে বাদ্যযন্ত্ৰৰ শৰীৰ স্পৰ্শ নকৰে—পশ্চিমীয়া ফ্ৰেটযুক্ত বাদ্যযন্ত্ৰৰপৰা স্বতন্ত্ৰভাৱে পৃথক। ইয়াৰ ফলত পশ্চিমীয়া সমকক্ষতকৈ টিম্বাৰ আৰু ইনটনেচনৰ ওপৰত অধিক নিয়ন্ত্ৰণ সম্ভৱ হয়, কিন্তু কৰ্ডাল বজোৱা (ডাবল, ট্ৰিপল, কোৱাড্ৰপল ষ্টপিং) অধিক কঠিন হৈ পৰে।

লুইকিনৰ উল্লেখযোগ্য বাদক

1. ৱাং হুইৰাণ (王惠然, ১৯৩৬-২০২৩), এজন সন্মানীয় "লুইকিনৰ পিতৃ।"
2. ৱাং হংই (王红艺), ৱাং হুইৰানৰ কন্যা
3. নিনি সংগীত
4. মেই হান, গুজেং যিয়ে লুইকিনৰ দ্বৈত বাদক

লুইকিন বাদ্যযন্ত্ৰৰ পৰিৱেশন তালিকা

ৱাং হুইৰান (王惠然) ৰদ্বাৰা ৰচিত / যুটীয়াভাৱে ৰচিত / ৰূপান্তৰিত

• কেনেল ৱৰ্কছ অফ হেপিনেচ
• মেলিডি অন এ মুনলাইট ৰিভাৰ
• ছিং এ মাউণ্টেন চং অফ লাভ
• স্প্ৰিং কামছ টু ৰিভাৰ য়ি (春到沂河)
• দ্য লাৰ্ক — ৰোমানিয়ান লোকসংগীত
• ৱাৰিয়ৰ চুইট

অন্যান্য সুৰকাৰসকলৰদ্বাৰা

• চৰ্ড ডান্স (劍器)
• বিয়ণ্ড দ্য হৰাইজনছ (天地星空)
• ক’ৰ্টয়াৰ্ড আফটাৰ দ্য ৰেইন (雨后庭院)

লগতে চাওক

অতিৰিক্ত তথ্য:-লুটৰ ইতিহাস আৰু বিৱৰ্তন

• পৰম্পৰাগত চীনা বাদ্যযন্ত্ৰ

তথ্যসূত্ৰ

• ইউ ইউনফেই,"লুইকিনৰ চৰিত্ৰসমূহৰ পৰিৱৰ্তন", জিয়াও ছিয়াং-জাৰ্নেল অৱ ছিয়ান কনজাৰ্ভেটৰী অৱ মিউজিক, মাৰ্চ.২০০৫,৯০-৯২।
• ৱাং হুইৰাণ,"লুইকিনৰ বিপ্লৱ আৰু ইয়াৰ বৰ্তমানৰ পৰিস্থিতি", পিপলছ মিউজিক, মে'.২০০৬,৪৮-৫১।

অধিক তথ্য

বাদ্যযন্ত্ৰৰ ওপৰত

• লুইকিনৰ ফটোগ্ৰাফ (প্ৰথম শাৰী)
• লুইকিন
• লিউ কিন (ইয়াতো উপলব্ধ এটা Mp3 ৰেকৰ্ডিং)
• লুইকিনৰ তথ্য (অন্য প্লাকড-ষ্ট্ৰিং বাদ্যযন্ত্ৰৰ তথ্য আৰু বাদ্যযন্ত্ৰৰ টোনাল পৰিসৰৰ সংকেতৰ বিৱৰণো অন্তৰ্ভুক্ত কৰা হৈছে)

লুইকিনৰ বাদকসকলৰ ওপৰত

• ৱাং হুইৰানৰ ওপৰত কনচাৰ্টৰ তথ্য
• ৱাং হংইৰ ওপৰত প্ৰেছ বিজ্ঞপ্তি
• ৱাং হুইৰান আৰু ৱাং হংইৰ বিষয়ে তথ্য

অডিঅ'

• Liuqin Mp3s (ব্যক্তিগত ট্ৰেক শুনিবলৈ হেডফোন ক্লিক কৰক)
• লুইকিন Mp3s on Yahoo! জিঅ'চিটিজ