লি সল্ক

লি সল্ক (Lee Salk; মৃত্যু ২ মে', ১৯৯২) হ'ল এজন আমেৰিকান শিশু মনোবিজ্ঞানী আৰু লেখক যিজনক কেঁচুৱাৰ ওপৰত হৃদস্পন্দনৰ শব্দৰ শান্ত প্ৰভাৱ আৱিষ্কাৰৰ কৃতিত্ব প্ৰদান কৰা হয়।^১

জীৱনৰ শেষৰ তৃতীয়াংশত, সল্ক‍ে বিভিন্ন টেলিভিছন শ্ব’ আৰু বক্তৃতা-মঞ্চত অসংখ্য লোকৰ উপস্থিতত আলোচনা আগবঢ়াইছিল। তেওঁ এই স্থানসমূহ ব্যৱহাৰ কৰি শিশু বিশেষকৈ কেঁচুৱাক কেনেকৈ লালন-পালন কৰিব লাগে তাৰ পৰামৰ্শ আগবঢ়াইছিল।^২

প্ৰাথমিক জীৱন

সল্ক আছিল ৰাছিয়াৰ ইহুদী অনুপ্ৰৱেশকাৰী ড’ৰা (প্ৰেছ) আৰু ডেনিয়েল সল্কৰ কনিষ্ঠ পুত্ৰ। তেওঁৰ জন্ম হৈছিল নিউয়ৰ্কত আৰু আৰু ডাঙৰ-দীঘল হৈছিল তাতেই। পলিঅ’ ভেকচিনৰ উদ্ভাৱক জোনাছ সল্ক আছিল তেওঁৰ ডাঙৰ ভাতৃ।^১২

সল্কৰ পঢ়া-শুনা মিছিগান বিশ্ববিদ্যালয়ত।^১

পেছাদাৰী কাম

লি সল্কৰ প্ৰকাশিত কৰ্মই মৃত্যুৰ হাৰত অৱসৰৰ প্ৰভাৱ,^৩ নৱজাতকৰ ওপৰত মাতৃৰ হৃদস্পন্দনৰ প্ৰভাৱ,^৪ আৰু মাতৃ আৰু প্ৰসৱৰ সময়ৰ প্ৰতিকূল অৱস্থা আৰু পাছৰ আত্মবিনাশকাৰী আচৰণৰ মাজৰ সম্পৰ্ক^৫ বিষয়ে অনুসন্ধান কৰিছিল। তেওঁ আঠখন গ্ৰন্থৰ লেখক।^১

ব্যক্তিগত জীৱন

লি সল্ক দুবাৰ বিবাহপাশত আৱদ্ধ হৈছিল, প্ৰথমবাৰ কেৰ্ষ্টিনৰ সৈতে আৰু তাৰ পাছত মেৰী জেনৰ সৈতে। প্ৰথম পক্ষৰ পৰা তেওঁৰ দুটি সন্তান আছিল, তেওঁল‍োকৰ এজন পুত্ৰ - নাম এৰিক আৰু আনগৰাকী কন্যা - নাম পিয়া।^১

সল্ক কিছু সময়ৰ বাবে দক্ষিণ কেৰ’লিনাৰ কেথেৰিন এইচ ৱাটাৰ্ছৰ সৈতেও বিবাহপাশত আৱদ্ধ হৈছিল৷ ১৯৮২ চনত নিউয়ৰ্কত তেওঁলোকৰ বিবাহ হৈছিল।^৬

লি সল্ক কৰ্কট ৰোগত আক্ৰান্ত হয় আৰু ১৯৯২ চনৰ ২ মে’ত ৬৫ বছৰ বয়সত মানহাটানৰ চিকিৎসালয়ত মৃত্যু হয়।^১ তেওঁ ছালক কৰ্নেল ইউনিভাৰ্চিটি মেডিকেল চেণ্টাৰৰ অধ্যাপক আছিল।^২