লায়লা সাৰাহাত ৰুশানী

লায়লা সাৰাহাত ৰুশানী (প্ৰায় ১৯৫২-৫৪^১ – ২১ জুলাই ২০০৪) এগৰাকী আফগান কবি আছিল। তেওঁৰ প্ৰথম নাম লায়লা ৰূপেও পোৱা যায়।^১

তেওঁ সাংবাদিক সাৰশাৰ ৰুশানীৰ কন্যা আছিল, যাক শাসনাধিষ্ঠ কমিউনিষ্ট দলে ফাঁচী দিছিল।^১ তেওঁ চাৰিকাৰত জন্মগ্ৰহণ কৰিছিল^২ আৰু কাবুল বিশ্ববিদ্যালয়ত অধ্যয়ন কৰিছিল। তেওঁৰ ভগ্নী অষ্ট্ৰেলিয়াত মৃত্যু মুখত পৰিছিল আৰু তাৰ পাছতেই তেওঁৰ মাতৃৰো মৃত্যু হয়। তেওঁ প্ৰধানকৈ আধুনিক ফাৰ্চী কবিতাৰ সংকলন প্ৰকাশ কৰিছিল।^১

ৰোশানীয়ে আফগানিস্তান এৰি নেদাৰলেণ্ডলৈ গুচি যায়, কাৰণ তালিবান শাসনৰ সময়ত মহিলাসকলৰ ওপৰত দমন-পীড়ন চলিছিল। তেওঁ ফাৰ্চী ভাষাত Eve in Exile নামৰ এখন সাহিত্যিক আলোচনী প্ৰকাশ কৰিছিল। ২০০৪ চনত মস্তিষ্কৰ কেঞ্চাৰে আক্ৰান্ত হৈ তেওঁৰ মৃত্যু হয়।^২