মোগলাই পৰঠা

মোগলাই পৰঠা (Mughlai paratha; Moglai pôroṭa) হৈছে এবিধ জনপ্ৰিয় বঙালী পথৰ খাদ্য (Street food)। এটা ফ্লেটব্ৰেড (পৰঠা)ৰ ভিতৰত কীমা (মচলাযুক্ত কীমা মাংস) বা কণীৰে পূৰ্ণ কৰি বা মেৰিয়াই এই খাদ্যবিধ প্ৰস্তুত কৰা হয়।^১২ মোগল সাম্ৰাজ্যৰ সময়ত বংগ চুবাহত তুৰ্কী গʼজলেমে বা য়েমেনৰ মতাব্বাকৰ ব্যুৎপত্তি হিচাপে ইয়াৰ উৎপত্তি হৈছিল বুলি বিশ্বাস কৰা হয়।^৩৪ এই খাদ্যবিধ মোগল সম্ৰাট জাহাংগীৰৰ ৰাজদৰবাৰৰ বাবে প্ৰস্তুত কৰা হৈছিল বুলিও ধাৰণা কৰা হয়।^৫৬৭

মোগলাই পৰোঠা এবিধ জনপ্ৰিয় বঙালী খাদ্য। বাংলাদেশৰ পুৰণি ঢাকাত এই খাদ্যবস্তুবিধ উৎপন্ন হোৱা বুলি কোৱা হয়। ই মুঘলীয় ৰন্ধনশৈলীৰ এবিধ খাদ্য আৰু ভাৰতৰ পশ্চিমবংগতো খুবেই জনপ্ৰিয়।^৬ মোগলাই পৰোঠা শাহী পৰোটা, পাৰাটায়ে কিমা তকমা নামেৰেও পৰিচিত। ই নৰম ৰুটিজাতীয় খাদ্য যাৰ ভিতৰত মাংসৰ কিমা, কণী, পিঁয়াজ আৰু জলকীয়া ইত্যাদিৰে পূৰ্ণ হৈ থাকে।^৮৯

ইতিহাস

মোগল সাম্ৰাজ্যৰ সময়ত বঙালী ৰন্ধনশৈলীত প্ৰৱেশ কৰা মোগল ব্যঞ্জনসমূহৰ ভিতৰতমোগলাই পৰঠা অন্যতম। মোগল সম্ৰাট জাহাংগীৰৰ ৰাজত্বকালত মোগলাই পৰঠাৰ উৎপত্তি হোৱা বুলি বিশ্বাস কৰা হয় আৰু তুৰ্কীসকলেই বাঙালীসকলক গʼজলেমে নামৰ এবিধ সুস্বাদু পৰম্পৰাগত তুৰ্কী জলপানৰ সৈতে পৰিচয় কৰাই দিছিল। গʼজলেমে হʼল মচলাযুক্ত আৰু কুটি লোৱা মাংস ভৰাই থোৱা এবিধ ফ্লেটব্ৰেডৰ ব্যঞ্জন। ইয়াৰ মোগলাই পৰঠাৰ লগত কিছু মিল আছে আৰু ইয়াক মোগলাই পৰঠাৰ পূৰ্বসূৰী বুলি ক’ব পাৰি। মোগল শাসনে বংগৰ গ্ৰাম্য অংশতকৈ বংগৰ প্ৰশাসনিক ৰাজধানী, যেনে ঢাকা আৰু মুৰ্ছিদাবাদৰ ৰন্ধনশৈলীৰ ওপৰত প্ৰভাৱ পেলাইছিল।^৬ এই অঞ্চলৰ ৰান্ধনী পৰম্পৰাৰ ওপৰত মোগল সাম্ৰাজ্যৰ প্ৰভাৱৰ বাবে বাংলাদেশৰ বিশেষকৈ ঢাকাৰ অন্যতম বিখ্যাত খাদ্য।^১০ ব্ৰিটিছ ৰাজৰ অধীনত কলকাতা নতুনকৈ গঠিত বংগ ৰাষ্ট্ৰপতিৰ ৰাজধানী হোৱাৰ পিছত ঢাকা আৰু মুৰ্ছিদাবাদৰ দৰে বংগৰ পুৰণি ৰাজধানী ঢাকা আৰু মুৰ্ছিদাবাদৰপৰা পশ্চিম বংগৰ কলকাতালৈ এই খাদ্য যাত্ৰা কৰিছিল আৰু এই খাদ্য কলকাতাত অতি সাধাৰণ আৰু জনপ্ৰিয় ৰাজপথৰ জলপান হৈ পৰিছিল।^৪১১

উপকৰণ

মোগলাই পৰঠা প্ৰস্তুতৰ উপকৰণৰ ভিতৰত- গোটা ঘেঁহুৰ আটা, ঘিউ, কণী, মিহিকৈ কটা পিঁয়াজ, কটা সেউজীয়া জলকীয়া আৰু কটা ধনিয়া পাত আদি অন্তৰ্ভুক্ত থাকে।^১২

কেতিয়াবা কিছুমান ভিন্নতাত কুকুৰা বা মাটন কিমাও ব্যৱহাৰ কৰা হয়। ষ্টাফিঙৰ বাবে মাংস নোহোৱাকৈও পৰিৱেশন কৰিব পাৰি।

লগতে চাওক

• বাংলাদেশী খাদ্য
• বাংলাদেশী খাদ্যৰ তালিকা
• ভাৰতীয় খাদ্য
• ভাৰতীয় খাদ্যৰ তালিকা
• ৰাজপথৰ খাদ্যৰ তালিকা
• মুৰ্তাবাক
• মাহজৌবা