মেৰী ৱালকট

১৬৯২-৯৩ চনৰ আৰম্ভণিতে চেলেম ডাইনী বিচাৰত সাক্ষী হিচাপে মাতি অনা "দোষী" ছোৱালীবোৰৰ ভিতৰত অন্যতম আছিল মেৰী ৱালকট (৫ জুলাই, ১৬৭৫ – প্ৰায় ১৭৫২)।

জীৱন

মেৰী ৱালকটৰ জন্ম ৫ জুলাই, ১৬৭৫ চনত। তেওঁ আছিল কেপ্তেইন জনাথন ৱালকটৰ (১৬৩৯–১৬৯৯), আৰু তেওঁৰ পত্নী মেৰী চিবলি (বা চিবলি; ১৬৪৪–১৬৮৩) কন্যা, দুয়োজনেই চেলেমৰ। আঠ বছৰ বয়সত মাকৰ মৃত্যু হয় আৰু পিতৃয়ে ডেলিভাৰেন্স পুটনাম (১৬৫৬-১৬৯৯)ক বিয়া কৰায়। দুবছৰৰ পাছত তেওঁৰ সতীয়া ভগ্নী এন্নে ৱালকট ফেল্ট (১৬৮৫-১৭৩৬)ৰ জন্ম হয়।^১

১৬৯২ চনত যেতিয়া এই অভিযোগ আৰম্ভ হৈছিল তেতিয়া মেৰীৰ বয়স আছিল প্ৰায় সোতৰ বছৰ। চেমুৱেল চিবলি (বা চিবলি; ১৬৫৭–১৭০৮)ৰ পত্নী তেওঁৰ পেহী মেৰী (জন্ম উলকট) আছিল সেই ব্যক্তি যিয়ে প্ৰথমে টিটুবা আৰু টিটুবাৰ স্বামী জন ইণ্ডিয়ানক কুকুৰক খুৱাবলৈ "ডাইনী কেক" কেনেকৈ বনাব লাগে দেখুৱাইছিল যাতে তেওঁ আৰু তেওঁৰ বন্ধুসকলে সঠিকভাৱে নিশ্চিত কৰিব পাৰে যে তেওঁলোকক কোনে ক্ষতিগ্ৰস্ত কৰিছে। জোচেফ বি ফেল্টৰ উদ্ধৃতি দ্য এনালছ অৱ চেলেম (১৮৪৯ সংস্কৰণ) খণ্ড: ২, পৃ: ৪৭৬ [চহৰৰ ৰেকৰ্ডৰ পৰা]:- ১৬৯২ চনৰ ১১ মাৰ্চ – “চেমুৱেল চিবলিৰ পত্নী মেৰীক ওপৰৰ পৰীক্ষাটো কৰিবলৈ জন [টিটুবাৰ স্বামী]ক দিয়া পৰামৰ্শৰ বাবে তাত থকা গীৰ্জাৰ সৈতে মিলনৰপৰা নিলম্বিত কৰা হৈছিল, তেওঁৰ উদ্দেশ্য নিৰ্দোষী আছিল বুলি স্বীকাৰ কৰি পুনৰ ঘূৰাই অনা হয়।’’

বিবাহ

১৬৯৬ চনৰ ২৮ এপ্ৰিলত মেৰী ৱালকটে মেছাচুচেটছৰ ৱবাৰ্নৰ জন ফাৰাৰৰ পুত্ৰ আইজাক ফাৰাৰৰ সৈতে বিবাহপাশত আবদ্ধ হয়। তেওঁলোকৰ কেইবাটাও সন্তান জন্ম হয়, আৰু শেষত তেওঁ মেছাচুচেটছৰ টাউনচেণ্ডলৈ গুচি যায়। দ্বিতীয়তে ১৭০১ চনত মেছাচুচেটছৰ ছাটনত ডেভিদ হাৰউডৰ সৈতে তেওঁৰ বিবাহ হয়। তেওঁলোকৰ নটা সন্তান আছিল: মেৰী হাৰউড, এমা হাৰউড, হান্না হাৰউড, ডেভিদ হাৰউড, এলিজাবেথ হাৰউড, এজৰা হাৰউড, এলিছ হাৰউড, এবচালম হাৰউড আৰু ছলমন হাৰউড।

১৭২৯ চনৰ ওচৰত তেওঁলোকে ছাটনলৈ গুচি যায় আৰু তেওঁলোকৰ বেছিভাগ সন্তান চেলেমত থাকে। ডেভিদ বৃত্তিত বয়নকাৰী আছিল। ১৭৪৪ চনৰ আগতে ডেভিদৰ মৃত্যু হয়। মেৰী ৱালকট হাৰউডৰ মৃত্যু সম্ভৱতঃ ১৭৫২ চনৰ আগতেই হৈছিল।^২

উৎস

• Perley, Sidney. (1928). The History of Salem Massachusetts. Higginson Book Company. ISBN 9780740460319
• Essex Institute. (1927). Vital Records of Salem Massachusetts. ISBN 1153428784
• Sanborn, Melinde Lutz. (1987). Essex County Massachusetts Probate Records, 1630–1840. M.L. Sanborn. ISBN 0961871105
• Sawtelle, Ithamar B. (1878). History of the Town of Townsend, Middlesex County, Massachusetts: 1676–1878. ISBN 978-1112145001
• Hallowell, Henry C. (1992). Vital Records of Townsend, Massachusetts. New England Historic Genealogical Society. ISBN 9780880820301
• Stearns, Ezra S. (1908). Genealogical and Family History of the State of New Hampshire. Рипол Классик. পৃ. 591. ISBN 9781462261413