মুহিবুল্লাহ বাবুনগৰী

শ্বাহ মহম্মদ মুহিবুল্লাহ বাবুনাগৰী (শাহ মোহম্মদ মুহিব্বুল্লাহ বাবুনগব়ী, জন্ম ১৫ ফেব্ৰুৱাৰী ১৯৩৪) এজন দেওবন্দী ইছলামিক পণ্ডিত, ৰাজনীতিবিদ আৰু শিক্ষাবিদ।^১ তেওঁ হেফাজাত-ই-ইছলাম বাংলাদেশৰ বৰ্তমান আৰু তৃতীয় আমিৰ,^২৩ আল-জামিয়াতুল ইছলামিয়া আজিজুল উলুম বাবুনগৰৰ ৰেক্টৰ। তেওঁ ইছলামী ঐক্য জোটে, বেফাকুল মাদাৰিচিল আৰব বাংলাদেশ আৰু আল-হাইয়াতুল উলিয়া লিল-জমিয়াতিল কাৱমিয়া বাংলাদেশতো আগশাৰীৰ পদবীত অধিষ্ঠিত হৈছিল। তেওঁক বাংলাদেশৰ দেওবন্দ আন্দোলনৰ অন্যতম পথ-প্ৰদৰ্শক হিচাপে গণ্য কৰা হয়।^৪

প্ৰাৰম্ভিক জীৱন আৰু পৰিয়াল

১৯৩৪ চনৰ ১৫ ফেব্ৰুৱাৰীত পাকিস্তানৰ (বৰ্তমান বাংলাদেশ) পূব বংগ (বৰ্তমান বাংলাদেশ)ৰ চট্টগং জিলাৰ ফটিকচৰি থানাৰ বাবুনগৰ গাঁৱৰ এগৰাকী বঙালী মুছলমান ধৰ্মতত্ত্ববিদৰ পৰিয়ালত মুহিবুল্লাৰ জন্ম হয়। তেওঁৰ পিতৃ আল-জামিয়াতুল ইছলামিয়া আজিজুল উলুম বাবুনগৰৰ প্ৰতিষ্থাপক হাৰুণ বাবুনাগাৰী আৰু মাতৃৰ নাম উম্মে ছালমা। ৫ জন ভাই-ভনীৰ ভিতৰত বাবুনাগৰী আছিল জ্যেষ্ঠ। তেওঁৰ ককাক চুফী আজিজুৰ ৰহমান হাথাজাৰীৰ আল-জামিয়াতুল আহলিয়া দাৰুল উলুম মইনুল ইছলামৰ অন্যতম প্ৰতিষ্থাপক আছিল।^৫

শিক্ষা

বাবুনগৰীয়ে পিতৃৰ প্ৰতিষ্ঠান আল-জামিয়াতুল ইছলামিয়া আজিজুল উলুম বাবুনগৰত অষ্টম শ্ৰেণীলৈকে অধ্যয়ন কৰিছিল। ইয়াৰ পিছত তেওঁ হাথাজাৰীৰ আল-জামিয়াতুল আহলিয়া দাৰুল উলুম মইনুল ইছলামত নৱম শ্ৰেণীৰপৰা অধ্যয়ন আৰম্ভ কৰে। ইছলামিক পঢ়া-শুনা আৰু অধিক স্তৰলৈ সম্প্ৰসাৰণ কৰিব বিচৰা বাবুনগৰীয়ে বংগ এৰি উত্তৰ ভাৰতৰ দাৰুল উলুম দেওবন্দত নামভৰ্তি কৰে। দেওবন্দত বাবুনগৰীয়ে আকৌ নৱম শ্ৰেণীৰপৰা পঢ়িবলৈ আৰম্ভ কৰিলে। ১৯৫৯ চনত তেওঁ এই প্ৰতিষ্ঠানত হাদীছ অধ্যয়ন সম্পূৰ্ণ কৰে। তেওঁ হুছেইন আহমেদ মাদানীৰ অধীনত হিদায়াহ আখিৰাইন, চৈয়দ ফখৰুদ্দিন আহমদৰ অধীনত ছহীহ আল বুখাৰী, ইব্ৰাহিম বলিয়াৱীৰ অধীনত ছহীহ মুছলিম আৰু জামি’ আল তিৰমিধি তথা ফখৰুল হাছানৰ অধীনত ছুনান আবু দাউদ অধ্যয়ন কৰিছিল। .^৫

কৰ্মজীৱন

পঢ়া-শুনা শেষ কৰি বংগলৈ উভতি অহাৰ পাছত বাবুনগৰীয়ে আল-জামিয়াতুল ইছলামিয়া আজিজুল উলুম বাবুনগৰত শিক্ষকতা কৰিবলৈ আৰম্ভ কৰে আৰু পিছলৈ উপ-অধ্যক্ষ হয়।^৫

২০২০ চনৰ ১৫ নৱেম্বৰত তেওঁ হেফাজাত-ই-ইছলাম বাংলাদেশৰ মুখ্য উপদেষ্টা হিচাপে নিৰ্বাচিত হয়। ইয়াৰ পূৰ্বে তেওঁ এই সংগঠনৰ উপ-সভাপতি আছিল।^{৬৭৮৯১০}

ৰাজনীতি

চাৰমোনাই পীৰ ফজলুল কৰিমৰ জীৱনকালত তেওঁ ইছলামী আন্দোলন বাংলাদেশৰ প্ৰেচিডিয়ামৰ সদস্য আছিল। ফজলুল হক আমিনিৰ জীৱনকালত তেওঁ ইছলামী ঐক্য জোটে আৰু ইছলামিক আইন ৰূপায়ণ সমিতিৰ সৈতে জড়িত আছিল। পিছলৈ তেওঁ ইছলামী ঐক্য জোটেৰ উপ-সভাপতি নিৰ্বাচিত হয়। ২০১৮ চনত ইছলামী অইকিয়া জোটেৰপৰা তেওঁ পদত্যাগ কৰে। বৰ্তমান তেওঁ কোনো ৰাজনৈতিক দলৰ সৈতে প্ৰত্যক্ষভাৱে জড়িত নহয়।^{১১১২১৩১৪১৫}