মুম্বাইৰ ভিক্টৰীয়ান আৰু আৰ্ট ডেক' এনচেম্বেল

মুম্বাইৰ ভিক্টৰীয়ান আৰু আৰ্ট ডেক' এনচেম্বেল মহাৰাষ্ট্ৰৰ মুম্বাইত অৱস্থিত ১৯ শতিকাৰ ভিক্টৰীয়ান নিঅ' গথিক স্থাপত্য কলাৰ ৰাজহুৱা ভৱন আৰু ২০ শতিকাৰ মুম্বাই ফৰ্টৰ আশে-পাশে থকা আৰ্ট ডেক' এনচেম্বেলৰ সংগ্ৰহ।^১ এই ভিক্টৰীয়ান গথিক স্থাপত্যকলাৰ ভৱন আৰু আৰ্ট ডেক' এনচেম্বেলৰ সংগ্ৰহ মুম্বাইৰ অভেল ময়দানত অৱস্থিত। এসময়ত অভেল ময়দানক স্প্লেনডে বুলি জনা গৈছিল।^১ ইয়াৰ পূবফালে নৱ ভিক্টৰীয়ান গথিক স্থাপত্যকলাৰ ৰাজহুৱা ভৱন সমূহ আৰু পশ্চিমফালে ফৰাচী স্থাপত্যৰ আৰ্ট ডেক' এনচেম্বেলৰ সংগ্ৰহসমূহ মুম্বাইৰ ব্লেকবে আৰু মেৰাইন ড্ৰাইভৰ মাজত অৱস্থিত।^১ ইয়াত মুঠতে ৯৪টা ভৱন আছে।^২৩

১৯ শতিকাৰ ভিক্টৰীয়ান গথিক স্থাপত্যৰ ৰাজহুৱা ভৱন সমূহ হ'ল বোম্বে উচ্চ ন্যায়ালয়, মুম্বাই বিশ্ববিদ্যালয় আৰু নগৰ সত্ৰ ন্যায়ালয়ৰ পুৰণি সচিবালয় ভৱন আৰু ৰাজাবাঈ ক্ল'ক টাৱাৰ।^৪১ ২০ শতিকাৰ আৰ্ট ডেক' সমূহ মূলতঃ ব্যক্তিগত আৱাসিক ভৱন আৰু ইৰছ চিনেমাৰ ভৱন।^১

২০১৮ চনৰ ৩০ জুন তাৰিখে বাহৰেইনৰ মানামাত অনুষ্ঠিত হোৱা ৰাষ্ট্ৰসংঘ শিক্ষা, বিজ্ঞান আৰু সংস্কৃতি সংস্থাৰ ৪২তম অধিবেশনত মুম্বাইৰ ভিক্টৰীয়ান আৰু আৰ্ট ডেক' এনচেম্বেলক বিশ্ব ঐতিহ্য তালিকাৰ অন্তৰ্ভুক্ত কৰা হয়।^৫ ইয়াৰ ফলত ভাৰতৰ বিশ্ব ঐতিহ্য তালিকাৰ অন্তৰ্ভুক্ত স্থানৰ সংখ্যা ৩৭টালৈ বৃদ্ধি হয়।

ঐতিহ্য গাঁথনিসমূহ বা স্থানসমূহ

ভিক্টোৰিয়ান

নিঅ' গথিক

• চিটি চিভিল এণ্ড ছেচন কোৰ্ট (পুৰণি সচিবালয়)
• মুম্বাই বিশ্ববিদ্যালয় - ৰাজাবাঈ ক্লক টাৱাৰ,

বিশ্ববিদ্যালয় পুথিভঁৰাল, সমাৱৰ্তন প্ৰেক্ষাগৃহ

• বোম্বে উচ্চ ন্যায়ালয়
• লোকনিৰ্মাণ বিভাগ ভৱন
• এছপ্লেণ্ডে মেনচন
• ডেভিড ছাচচুন পুথিভঁৰাল
• এলফাইনষ্টন কলেজ
• মহাৰাষ্ট্ৰ আৰক্ষীৰ মুখ্য কাৰ্যালয়
• ইণ্ডিয়ান মাৰচেণ্টাইল মেনচন
• ৱেলিংটন ফাউণ্টেইন

নিঅ'ক্লাছিকেল

• ষ্টেণ্ডাৰ্ড চাৰ্টাৰ্ড বেংক ভৱন
• থলসেনা আৰু নৌসেনা ভৱন
• বিজ্ঞান প্ৰতিষ্ঠান
• ছাৰ কাউৱাছজী জাহাংগীৰ হ'ল, নেচনেল গেলাৰী অফ মডাৰ্ণ আৰ্ট

ইণ্ডো-চেৰাচেনিক

• পশ্চিম ৰেলৱে মূখ্য কাৰ্যালয় ভৱন
• ছত্ৰপতি শিৱাজী মহাৰাজ বাস্তু সংগ্ৰাহালয়
• মেজিষ্টিক আমাদৰ নিৱাস

আৰ্ট ডেক'

• ৰেগেল চিনেমা
• মতাভয় মেনচন
• চুনা মহল
• কেভাল মহল
• অভেল ময়দান আৰু মেৰাইন ড্ৰাইভৰ আশে-পাশে অৱস্থিত ভৱনসমূহ

বাহ্যিক সংযোগ

• বোম্বেৰ আৰ্ট ডেক' ভৱন