মীনা সাদাতী

মিনা সাদাতি (ফাৰ্চী ভাষা: مینا ساداتی, জন্ম ২৪ নৱেম্বৰ, ১৯৮১) হৈছে এগৰাকী ইৰানী অভিনেত্ৰী। ২০১৫ চনৰ লোনলিনেছ অৱ লেইলা ধাৰাবাহিকত লেইলা চৰিত্ৰত কৰা অভিনয়ৰ বাবে তেওঁ আটাইতকৈ বেছি পৰিচিত।^১২

প্ৰাৰম্ভিক জীৱন আৰু কৰ্মজীৱন

মিনা সাদাতিৰ জন্ম ১৯৮১ চনৰ ১ ডিচেম্বৰত তহেৰানত হৈছিল। তেওঁ ১৯৯৯ চনত ইউনিভাৰ্চিটি অৱ আৰ্টত নাম ভৰ্তি কৰে, য’ত তেওঁৰ স্নাতক আৰু স্নাতকোত্তৰ ডিগ্ৰীৰ গৱেষণা পত্ৰ চিনেমাৰ ওপৰত আধাৰিত আছিল।^৩ সাদাতিয়ে তহেৰান বিশ্ববিদ্যালয়ৰ চাৰুকলা অনুষদৰপৰা গ্ৰাফিক ডিজাইন বিষয়ত ডিগ্ৰী লাভ কৰে। তেওঁ থিয়েটাৰৰ জৰিয়তে অভিনয় জীৱনৰ পাতনি মেলিছিল আৰু চলচ্চিত্ৰ নিৰ্মাণ তথা চুটি ছবিৰ প্ৰাৰম্ভিক ক্লাছত অংশ লোৱাৰ লগতে আব্বাছ কিয়াৰোস্তামীৰ শৈক্ষিক কৰ্মশালাত অংশগ্ৰহণ কৰি নিজৰ প্ৰশিক্ষণ আগবঢ়াই লৈ গৈছিল। ইয়াৰ উপৰি তেওঁ কাৰণামেহ ইনষ্টিটিউটতো কিছুসময় অতিবাহিত কৰিছিল। ২০০৭ চনত ২৬ বছৰ বয়সত হুছেইন ঘানাত পৰিচালিত দ্য ওণ্ড অৱ ইভছ ছ’ল্ডাৰ ছবিৰ জৰিয়তে সাদাতিয়ে চলচ্চিত্ৰ জগতত খোজ পেলায়। এবছৰৰ পাছত কেৰেট ১৪ ছবিত কৰা অভিনয়ৰ জৰিয়তে তেওঁ ব্যাপক পৰিচিতি লাভ কৰে।^৪

২০১৪ চনত সাদাতিয়ে মজিদ মজিদীৰ ঐতিহাসিক ছবি মহম্মদ: দ্য মেচেঞ্জাৰ অৱ গড-ত ইছলাম ধৰ্মৰ পয়গম্বৰ মহম্মদৰ মাতৃ আমনাহ বিন্ত ৱাহাবৰ চৰিত্ৰত অভিনয় কৰিছিল। চৰিত্ৰটোৰ প্ৰস্তুতিৰ বাবে তেওঁ ধৰ্মীয় চলচ্চিত্ৰসমূহ অধ্যয়ন কৰাৰ লগতে চৰিত্ৰটোৰ বিষয়ে বিশদভাৱে পঢ়া-শুনা কৰিছিল। একে বছৰতে আইচ এজ ছবিত আগবঢ়োৱা অভিনয়ৰ বাবে তেওঁ ফাজৰ চলচ্চিত্ৰ মহোৎসৱত শ্ৰেষ্ঠ সহযোগী অভিনেত্ৰীৰ ক্ৰিষ্টাল চিমৰ্গ বঁটাৰ মনোনয়ন লাভ কৰে।^৫

২০১৭ চনৰ ফেব্ৰুৱাৰী মাহত ৩৫সংখ্যক ফাজৰ চলচ্চিত্ৰ মহোৎসৱত সাদাতিয়ে আন এক সফলতা অৰ্জন কৰে। ইয়াৰ পূৰ্বে ২০১৫ চনত ৩৪ বছৰ বয়সত মহম্মদ হুছেইন লাটিফী পৰিচালিত লেইলাজ লোনলিনেছ ধাৰাবাহিকৰ জৰিয়তে তেওঁ দূৰদৰ্শনত আত্মপ্ৰকাশ কৰে, যিয়ে তেওঁলৈ বিপুল জনপ্ৰিয়তা কঢ়িয়াই আনিছিল। তেওঁ মিনাজ পচিবিলিটি (২০১৫) আৰু হট চাম্বাৰ (২০১৬) দৰে ছবিত নিজৰ উৎকৃষ্ট অভিনয় ধাৰা অব্যাহত ৰাখি ফাজৰ চলচ্চিত্ৰ মহোৎসৱত ক্ৰমে শ্ৰেষ্ঠ অভিনেত্ৰী আৰু শ্ৰেষ্ঠ সহযোগী অভিনেত্ৰীৰ ক্ৰিষ্টাল চিমৰ্গ বঁটাৰ মনোনয়ন লাভ কৰিছিল।^৬৭

২০১৬ চনৰ মাৰ্চ মাহত এক বিশেষ নৱবৰ্ষৰ (নৌৰুজ) দূৰদৰ্শন কাৰ্যসূচীত সাদাতি আৰু বাবক হামিদিয়ানে তেওঁলোকৰ বিবাহৰ কথা ঘোষণা কৰিছিল।^৮

নম্ৰ আৰু দয়ালু চৰিত্ৰ ৰূপায়ণৰ বাবে পৰিচিত সাদাতিয়ে ২০২৩ চনৰ ধাৰাবাহিক নোটবুক-ত এক বিপৰীতধৰ্মী চৰিত্ৰত অভিনয় কৰিছিল, য’ত তেওঁ পিতৃৰ মৃত্যুৰ প্ৰতিশোধ ল’ব বিচৰা এগৰাকী দৃঢ়মনা মহিলাৰ ভূমিকাত অৱতীৰ্ণ হৈছিল।^৯

থিয়েটাৰ

লেখিকা আৰু পৰিচালিকা হিচাপে

বঁটা আৰু মনোনয়ন

বাহ্যিক সংযোগ

• Mina Sadati, Cannes Film Festival
• Mina Sadati on SourehCinema (in Persian)