মিনু মাজিদি

মিনু মাজিদি, জন্ম: ১৯৬০ চন – মৃত্যু: ২০ ছেপ্টেম্বৰ ২০২২ চন; ২০২২ চনৰ ছেপ্টেম্বৰ মাহত ইৰাণৰ প্ৰতিবাদৰ সময়ত ইৰাণী কৰ্তৃপক্ষই হত্যা কৰা এগৰাকী ৬২ বছৰ বয়সীয়া ইৰাণী মহিলা।^১

জীৱন

১৯৬০ চনত কাছৰ-ই শ্বিৰিন চহৰৰ ইয়াৰছান পৰিয়ালত জন্মগ্ৰহণ কৰা কুৰ্দি জনগোষ্ঠীৰ এগৰাকী ইৰাণী মহিলা আছিল মিনু মাজিদি। তেওঁ স্বামী আৰু তিনিটা সন্তানৰ সৈতে কেৰমানশ্বাহ চহৰত বাস কৰিছিল।^২

মৃত্যু

ইৰাণৰ ম’ৰেল আৰক্ষীৰ জিম্মাত মাহছা আমিনিৰ মৃত্যু হোৱাৰ পাছত —মাহছা আমিনিৰ জন্ম আৰু সমাধিস্থল— ছাককেজত শাসন-ব্যৱস্থা বিৰোধী প্ৰতিবাদৰ ঢৌ আৰম্ভ হয়, যিটো ইৰাণ আৰু সমগ্ৰ বিশ্বতে দ্ৰুতগতিত বিয়পি পৰে।^৩৪ ২০২২ চনৰ ২০ ছেপ্টেম্বৰত ইছলামিক ৰিপাব্লিকান বাহিনীয়ে গুলীচালনা কৰি হত্যা কৰা কেৰমানশ্বাহৰ ৰাজপথত প্ৰতিবাদ কৰাসকলৰ ভিতৰত মিনু মাজিদি আছিল অন্যতম।^৫৬

সমাধিস্থ

২০২২ চনৰ ২২ ছেপ্টেম্বৰত কেৰমানশ্বাহৰ মিনা আবাদ কবৰস্থানত মাজিদীৰ অন্ত্যেষ্টিক্ৰিয়া চৰকাৰ বিৰোধী বিক্ষোভলৈ ৰূপান্তৰিত হয়।^৭৮৯ অনুষ্ঠানত উপস্থিত থকা মহিলাসকলে প্ৰতিবাদৰ চিন স্বৰূপে হিজাব খুলি “নাৰী, জীৱন, স্বাধীনতা" আৰু শাসন-ব্যৱস্থা বিৰোধী শ্লোগান দিয়ে।^{১০১১১২}

ছবি

মাজিদিক সমাধিস্থ কৰাৰ কিছুদিন পাছত, য'ত মহিলাসকলে নিজক হিজাবমুক্ত কৰিছিল আৰু উপস্থিতসকলে প্ৰতিবাদৰ ধ্বনি দিছিল, তেওঁৰ কন্যাৰ এখন ফটো ভাইৰেল কৰা হৈছিল।^১৩১৪ ফটোখনত তেওঁৰ ছোৱালীজনীয়ে নিজৰ চুলিখিনি উন্মুক্ত কৰি হাতেৰে চুলিখিনি ধৰি মাকৰ কবৰৰ কাষত থিয় হৈ আছে আৰু অনমনীয় অৱজ্ঞাৰে কেমেৰাৰফালে চাই আছে।^১৫১৬ ইটালীৰ ক'ৰিয়েৰ ডেলা চেৰা কাকতে মাজিদীৰ কন্যাৰ মাকৰ সমাধিস্থলৰ এখন ছবি প্ৰকাশ কৰি ইয়াক ইৰাণী মহিলাৰ স্বাধীনতাৰ সংগ্ৰামৰ নতুন প্ৰতীক বুলি অভিহিত কৰে।^১৭