মাতা কৌশল্যা মন্দিৰ

মাতা কৌশল্যা মন্দিৰ মাতা কৌশল্যা মন্দিৰ হৈছে এক হিন্দু মন্দিৰ। ভগৱান ৰামৰ মাতৃ মাতা কৌশল্যাৰ নামত উৎসৰ্গিত এই মন্দিৰটো আৰু এইটো মাতা কৌশল্যাৰ প্ৰতি সমৰ্পিত পৃথিৱীৰ একমাত্ৰ মন্দিৰ।^১ এই মন্দিৰটো ছত্তীসগঢ়ৰ ৰায়পুৰৰ পৰা প্ৰায় ২৭ কিলোমিটাৰ দূৰত চান্দখুৰী গাঁৱত অৱস্থিত।^২২০২০ চনত ছত্তীশগড়ৰ মুখ্যমন্ত্ৰী শ্ৰী ভূপেশ বাঘেলে অযোধ্যাৰ ৰাম মন্দিৰৰ আধাৰশিলা স্থাপন কৰাৰ কেইদিনমান আগতে মন্দিৰৰ সম্প্ৰসাৰণৰ আধাৰশিলা স্থাপন কৰে।^৩ মুখ্যমন্ত্ৰীয়ে কৈছিল যে প্ৰাচীন মাতা কৌশল্য মন্দিৰক ইয়াৰ মূল ৰূপ অক্ষুণ্ণ ৰাখি এক সুন্দৰ ৰূপ দিয়া হ'ব

অৱস্থিতি

মন্দিৰটো ছত্তীশগড় ৰাজ্যৰ ৰাজধানী চহৰ ৰায়পুৰৰ পৰা প্ৰায় ২২^৪ কিলোমিটাৰৰ পৰা ২৭ কি.মি. দূৰত অৱস্থিত। মন্দিৰটো চাদখুৰী গাঁৱত চাৰিওফালে আৱৰি থকা এটা হ্ৰদৰ মাজত অৱস্থিত। মন্দিৰটো হনুমান পুল নামৰ দলংখনত খোজ কাঢ়ি প্ৰৱেশ কৰা হয় য'ত হনুমানৰ এটা মূৰ্তি আছে।

বৰ্ণনা

মন্দিৰটোত মাতা কৌশল্যাৰ মূৰ্তি আছে আৰু মাতৃয়ে ভগৱান শ্ৰীৰামক কোলাত ধৰি আছে। মন্দিৰটো অষ্টম শতিকাত নিৰ্মাণ কৰা হৈছিল বুলি ধাৰণা কৰা হয়। মন্দিৰটো বহুবাৰ ক্ষতিগ্ৰস্ত হৈছিল আৰু পুনৰ নিৰ্মাণ কৰা হৈছিল। ১৯৭৩ চনত মন্দিৰটো পুনৰ নিৰ্মাণ কৰা হয়।^৫

ৰামৰ বনবাসৰ গমন পথ

ছত্তীসগঢ় আৰু ভগৱান ৰামৰ মাজৰ সম্পৰ্ক গভীৰ। কিয়নো ছত্তীসগঢ় ছত্তীশগড় হৈছে ভগৱান ৰামৰ মাতৃগৃহ তথা কৌশল্যাৰ জন্মস্থান। কোৱা হয় যে, তেওঁৰ নিৰ্বাসনৰ সময়ত তথা বনবাসৰ সময়ত তেওঁ এই প্ৰদেশৰ অৰণ্যত যথেষ্ট সময় অতিবাহিত কৰিছিল যাক আগতে দণ্ডকাৰণ্য বুলি জনা গৈছিল।^৬ৰাজ্যখনৰ মহান পৌৰাণিক তাৎপৰ্যৰ ব প্ৰতি লক্ষ্য ৰাখি বৰ্তমানৰ মুখ্যমন্ত্ৰী ভূপেশ বাঘেলে 'ৰাম বন গমন পথ' নামৰ দৃষ্টান্তমূলক প্ৰকল্পটো আৰম্ভ কৰে। এইটো এটা পৰ্যটনৰ লক্ষ্য যাৰ উদ্দেশ্য হৈছে শ্ৰী ৰামে নিৰ্বাসনৰ সময়ত ৰৈ থকা সকলো ঠাইক সংযোগ কৰা। চান্দখুৰীৰ মাতা কৌশল্য মন্দিৰ হৈছে প্ৰথম স্থান য'ত ২০২১ চনৰ অক্টোবৰত উন্নয়নৰ কাম আৰম্ভ কৰা হৈছিল। এই মন্দিৰটো পুনৰুদ্ধাৰ কৰা হৈছে আৰু ইয়াৰ মৌলিকতা অক্ষুণ্ণ ৰাখিছে।^৭