মাছাকি চুদা

টাইশ্ব’ চুগো, পেচাগতভাৱে মাছাকি চুদা; ইংৰাজী ভাষা: Masaki Suda নামেৰে পৰিচিত এজন জাপানী ভাষা অভিনেতা আৰু গায়ক। তেওঁ ৱাইল্ডাৰনেছ চলচ্চিত্ৰখনত কৰা অভিনয়ৰ বাবে শ্ৰেষ্ঠ অভিনেতাৰ জাপান একাডেমী চলচ্চিত্ৰ বঁটা লাভ কৰিছিল।^১২

প্ৰাৰম্ভিক জীৱন

চুদাৰ জন্ম ওছাকা প্ৰান্তৰ মিনোহত হৈছিল। তেওঁৰ পিতৃ আৰাতা চুগো এগৰাকী পৰিচালনা উপদেষ্টা, সাংবাদিক, লেখক আৰু দূৰদৰ্শনৰ ব্যক্তিত্ব।^৩ তেওঁৰ দুজন সৰু ভাতৃ আছে: গায়ক তথা ইণ্টাৰনেট ব্যক্তিত্ব কোচ্চি নো কেণ্টো আৰু মডেল আৰাকী চুগো।^৪

কেৰিয়াৰ

অভিনয়

স্কুলত পঢ়ি থকা সময়তে চুদাই টেলেণ্ট এজেণ্টসকলক লগ পাইছিল। তেওঁ এমিউজ ইনকপ’ৰেটেড আৰু জুনন ছুপাৰবয় প্ৰতিযোগিতাত কেইবাটাও অডিচন দিছিল। তেওঁ টকুছাত্ছু ধাৰাবাহিক কামেন ৰাইডাৰ ডব্লিউত অভিনয় কৰিছিল। তেওঁ টামা চিনেমা ফৰামত শ্ৰেষ্ঠ নবাগত অভিনেতাৰ বঁটা আৰু ৱাইল্ডাৰনেছ ছবিত কৰা অভিনয়ৰ বাবে শ্ৰেষ্ঠ অভিনেতাৰ জাপান একাডেমী চলচ্চিত্ৰ বঁটা লাভ কৰে।^৫ চুদাই ৰ’বিক’ৰ মাংগা ধাৰাবাহিকৰ লাইভ-একচন চলচ্চিত্ৰ ৰূপান্তৰ মাই লিটল মনষ্টাৰত অভিনয় কৰিছিল।^৬ ইয়াৰ উপৰিও তেওঁ হায়াও মিয়াজাকীৰ এনিমে ছবি দ্য বয় এণ্ড দ্য হেৰনত অভিনয় কৰিছিল।

সংগীত

চুদাই গ্ৰুপ Greeeen-ৰ ‘হাইড’ নামৰ সদস্যজনৰ জীৱনভিত্তিক ছবিত অভিনয় কৰিছিল। তেওঁলোকে ‘গ্ৰীণ বয়জ’ নামৰ এটা ইপি (EP) মুকলি কৰিছিল।^৭ তেওঁ প্লে আৰু লাভ নামৰ এলবাম মুকলি কৰিছে।^৮

ব্যক্তিগত জীৱন

চুদাই ২০২১ চনৰ ১৫ নৱেম্বৰত অভিনেত্ৰী নানা কোমাৎচুৰ সৈতে বিবাহপাশত আৱদ্ধ হয়।^৯ তেওঁলোকে একেলগে ড্ৰাউনিং লাভ আৰু থ্ৰেডচ: আৱাৰ টেপেষ্ট্ৰী অৱ লাভ নামৰ চলচ্চিত্ৰত অভিনয় কৰিছে।^১০ ২০২৪ চনৰ ৯ মাৰ্চত চুদাই তেওঁৰ এজেণ্টৰ জৰিয়তে ঘোষণা কৰে যে তেওঁ আৰু কোমাৎসুৱে তেওঁলোকৰ প্ৰথম সন্তানক আদৰণি জনাইছে।^১১