মাইগ্ৰেণ

মনত ৰাখিব, ৱিকিপিডিয়াই কোনো চিকিৎসাৰ পৰামৰ্শ নিদিয়ে। 'মাইগ্ৰেণ' এক প্ৰকাৰৰ মূৰত হোৱা বেদনা। সাধাৰণতে মূৰৰ এফালে হয় যদিও দুয়োফালে হোৱাও দেখা যায়। মূৰৰ বিষ থকা লোকসকলৰ, শব্দ, পোহৰ, গন্ধ, বায়ুৰ চাপৰ তাৰতম্য আৰু কিবা খোৱাৰ যেনে চকলেট, আঙুৰৰ ৰস, পনিৰ ইত্যাদিৰ প্ৰভাৱত পুনৰ নতুনকৈ ভয়ঙ্কৰ মূৰৰ বিষ আৰম্ভ হ'ব পাৰে। মাইগ্ৰেণৰ লগত আৰু বহুকেইটা স্নায়বিক উপসৰ্গ জড়িত হৈ থাকে, যেনে কিছুমান শব্দ আৰু পোহৰৰ অনুভূতি। উপসৰ্গ অনুহৰি মাইগ্ৰেণক বিভিন্ন প্ৰকাৰত ভাগ কৰা হৈছে।

"মাইগ্ৰৰেণ" শব্দৰ উৎপত্তি হৈছে গ্ৰীক শব্দ ἡμικρανία (হেমিক্ৰ'ণিয়া)ৰ পৰা, যাৰ অৰ্থ "মূৰৰ এফালৰ বেদনা"^১। ἡμι- (হেমি-), "অৰ্ধ", আৰু κρανίον (ক্ৰ'ণিয়ন), "লাওখোলা"ৰ পৰা ইয়াৰ সৃষ্টি হৈছে।^২

ৰোগতত্ত্ব

মাইগ্ৰেণক একপ্ৰকাৰৰ নিউৰ'ভাস্কুলাৰ বিসংগতি বুলি গণ্য কৰা হয়।^৩ কাৰণ এই সমস্যা প্ৰথমে মস্তিষ্কত সৃষ্টি হয় আৰু লাহে লাহে ৰক্তবাহিকালৈ প্ৰৱাহিত হয়।^৪