মহম্মদ গোৰ্জেস্তানী

মহম্মদ গোৰ্জেস্তানী (জন্ম: ৮ ফেব্ৰুৱাৰী, ১৯৮৪) এগৰাকী ইৰানীয়-আমেৰিকান লেখক, পৰিচালক আৰু প্ৰযোজক।^১২ তেওঁ মূলতঃ এক্সিট ১২, চিষ্টাৰ হাৰ্টছ আৰু ৰিফিউজ নামৰ চলচ্চিত্ৰসমূহৰ বাবে পৰিচিত।^৩৪৫

জীৱন আৰু কৰ্মজীৱন

গোৰ্জেস্তানীৰ জন্ম তেহৰাণত হৈছিল। ইৰান-ইৰাক যুদ্ধৰ বাবে ১৯৮৮ চনত তেওঁৰ পৰিয়ালে আমেৰিকা যুক্তৰাষ্ট্ৰলৈ পলায়ন কৰে। তেওঁ কিউপাৰ্টিনো হাইস্কুলত পঢ়িছিল আৰু পৰৱৰ্তী সময়ত ভ্যাংকুভাৰ ফিল্ম স্কুলত অধ্যয়ন কৰে।^১ ২০০৭ চনত ত্ৰিবেকা চলচ্চিত্ৰ মহোৎসৱত তেওঁৰ থিছিছ চলচ্চিত্ৰ দা শ্বেড প্ৰদৰ্শিত হৈছিল আৰু পিছলৈ বিবিচিয়ে ইয়াৰ স্বত্ব লাভ কৰিছিল।^৬

নিকোল বুশ্বেৰী অভিনীত আৰু নিকট ভৱিষ্যতৰ পটভূমিত নিৰ্মিত হ্ৰস্বদৈৰ্ঘ্য চলচ্চিত্ৰ ৰিফিউজ-ৰ বাবে গোৰ্জেস্তানীয়ে আইটিভিএছৰ পৰা অনুদান লাভ কৰিছিল। এই চলচ্চিত্ৰখন ত্ৰিবেকা চলচ্চিত্ৰ মহোৎসৱ আৰু এছএক্সএছডব্লিউ চলচ্চিত্ৰ মহোৎসৱত প্ৰদৰ্শিত হৈছিল।^৭ তেওঁক ফিল্মমেকাৰ মেগাজিনৰ ২৫ গৰাকী নতুন মুখৰ এগৰাকী হিচাপে মনোনীত কৰা হৈছিল।^৮ তেওঁৰ আটাইতকৈ শেহতীয়া হ্ৰস্বদৈৰ্ঘ্য চলচ্চিত্ৰ এক্সিট ১২-ৰ স্বত্ব ফক্স চাৰ্চলাইট পিকচাৰ্ছে অধিগ্ৰহণ কৰিছিল।^৯

গোৰ্জেস্তানীয়ে তেওঁৰ কামৰ বাবে ৯ বাৰ ভিমিঅ' ষ্টাফ পিকছ সন্মান লাভ কৰিছে।^২ তেওঁ আমেৰিকাত আৰক্ষীৰ হত্যাকাণ্ডক লৈ "দা হেপ্পী বাৰ্থডে প্ৰজেক্ট" নামৰ এলানি হ্ৰস্বদৈৰ্ঘ্য চলচ্চিত্ৰ নিৰ্মাণ কৰিছিল।^১০ বৰ্তমান নিৰ্মাণাধীন অৱস্থাত থকা তেওঁৰ পূৰ্ণদৈৰ্ঘ্য চলচ্চিত্ৰখনৰ বাবে ছান ফ্ৰান্সিস্কো ফিল্ম ছচাইটিৰ কেনেথ ৰেইনিং ফাউণ্ডেচন চলচ্চিত্ৰ নিৰ্মাণ অনুদান দুবাৰকৈ লাভ কৰিছে। তেওঁ ইভেন/অডৰ সহ-প্ৰতিষ্ঠাপক।^১১