ভেৰা হিংগোৰানি

ভেৰা হিংগোৰাণী (Vera Hingorani; ২৩ ডিচেম্বৰ ১৯২৪ – ২৩ এপ্ৰিল ২০১৮) এগৰাকী ভাৰতীয় স্ত্ৰীৰোগ বিশেষজ্ঞ, প্ৰসূতি বিশেষজ্ঞ, আৰু চিকিৎসা বিষয়ক লেখিকা, তেওঁ অল ইণ্ডিয়া ইনষ্টিটিউট অৱ মেডিকেল ছায়েন্সৰ স্ত্ৰীৰোগ আৰু প্ৰসূতি বিভাগৰ অধ্যাপিকা আৰু মুৰব্বী আছিল।

ভাৰতৰ প্ৰধানমন্ত্ৰী ইন্দিৰা গান্ধী আৰু ভাৰতৰ ৰাষ্ট্ৰপতি প্ৰতিভা পাটিলৰ সন্মানীয় স্ত্ৰীৰোগ বিশেষজ্ঞ আৰু প্ৰসূতি বিশেষজ্ঞ আছিল।^১ ভাৰত চৰকাৰে ১৯৮৪ চনত পদ্মশ্ৰীৰ চতুৰ্থ সৰ্বোচ্চ ভাৰতীয় অসামৰিক সন্মান প্ৰদান কৰে।^২

জীৱনী

১৯২৪ চনৰ ২৩ ডিচেম্বৰত ভাৰতৰ বুবাকত টেকলাণ্ড আৰু লিলাৱতী হটচাণ্ডৰ ঘৰত জন্মগ্ৰহণ কৰিছিল ভেৰা হিংগোৰাণীয়ে, আৰু ১৯৪৭ চনত লেডী হাৰ্ডিং মেডিকেল কলেজৰ পৰা চিকিৎসা বিজ্ঞানত স্নাতক ডিগ্ৰী লাভ কৰে। স্ত্ৰীৰোগ আৰু প্ৰসূতি বিজ্ঞানত বিশেষজ্ঞ হোৱাৰ পিছত ১৯৫৯ চনত নতুন দিল্লীৰ অল ইণ্ডিয়া ইনষ্টিটিউট অৱ মেডিকেল ছায়েন্সত যোগদান কৰি স্ত্ৰীৰোগ আৰু প্ৰসূতি বিভাগৰ মুৰব্বী হিচাপে পদবীত উন্নীত হয় আৰু ১৯৮৬ চনলৈকে এই পদত অধিষ্ঠিত হয়। ১৯৮৭ চনত এইমছৰ পৰা চুপাৰ এনুয়েচনৰ পিছত বটৰা মেডিকেল ৰিচাৰ্চ চেণ্টাৰ হস্পিতালত যোগদান কৰে আৰু ১৯৯৬ চনলৈকে তাত কাম কৰিছিল আৰু ১৯৯৭ চনত এইমছলৈ উভতি আহি পৰামৰ্শদাতা হিচাপে কাম কৰিছিল।

হিংগোৰাণীয়ে বিশ্ব স্বাস্থ্য সংস্থাৰ (WHO) ক্লিনিকেল ডাইৰেক্টৰ হিচাপে কাম কৰি স্ত্ৰীৰোগ আৰু প্ৰসূতি বিজ্ঞান বিষয়ত কেইবাটাও প্ৰবন্ধ আৰু চিকিৎসা পত্ৰ লিখিছিল।^১ তেখেতে আমেৰিকান কংগ্ৰেছ অৱ অব্ষ্টেট্ৰিচিয়ান এণ্ড গাইনেক'লজিষ্টৰ সন্মানীয় ফেলো (১৯৭৭) আৰু নেচনেল একাডেমী অৱ মেডিকেল ছায়েন্সৰ নিৰ্বাচিত ফেলো আছিল, ১৯৮৪ চনত ভাৰত চৰকাৰৰ পৰা পদ্মশ্ৰী অসামৰিক বঁটা লাভ কৰে।^৩৪২

হিংগোৰাণী ভাৰতৰ পৰা যক্ষ্মা ৰোগ নিৰ্মূলৰ বাবে কাম কৰা বেচৰকাৰী সংস্থা অপাৰেচন আশাৰ সৈতে তেওঁলোকৰ পৰিচালনা দলৰ সদস্য হিচাপে জড়িত আছিল। তেওঁ আই বি হিংগোৰাণীৰ সৈতে বিবাহপাশত আৱদ্ধ হৈ নতুন দিল্লীৰ বৃহত্তৰ কৈলাস অঞ্চলত বাস কৰিছিল।^৫

২০১৮ চনৰ ২৩ এপ্ৰিলত টেক্সাছৰ হিউষ্টনত ৯৩ বছৰ বয়সত তেওঁৰ মৃত্যু হয়।

নিৰ্বাচিত গ্ৰন্থপঞ্জি

• প্ৰসৱৰ পিছত আই. ইউ. চি. ডি. প্ৰৱেশ কৰা মহিলাসকলৰ ক্ষেত্ৰত লচিয়া আৰু ঋতুস্ৰাৱৰ ধৰণ ^৬
• তুমি আৰু তোমাৰ স্বাস্থ্য ^৭
• গৰ্ভাৱস্থাৰ সৈতে ডিভাৰিয়ান টিউমাৰৰ বিভেদমূলক ৰোগ নিৰ্ণয়ৰ বাবে এটা নতুন লক্ষণ ^৮
• পোৰ্ট-পাৰ্টাম আই. ইউ. চি. ডি. সন্নিৱে‍শৰ সৈতে দুগ্ধপান আৰু দুগ্ধপানজনিত এমেন 'ৰিয়া ^৯
• গৰ্ভাৱস্থাৰ সৈতে জননাংগৰ ট্ৰেক্ট পেপিলোমা ^১০