ভীম এপ

ভীম (BHIM; ভাৰত ইণ্টাৰফেছ ফৰ মানি) হৈছে ভাৰত চৰকাৰৰ উদ্যোগত উন্নয়ন কৰা এক ডিজিটেল পেমেণ্ট মোবাইল এপ্লিকেশ্যন, যি ইউনিফাইড পেমেণ্টছ ইণ্টাৰফেছ (UPI) প্ৰণালীৰ ওপৰত আধাৰিত। এই এপ্লিকেশ্যনৰ সহায়ত ব্যৱহাৰকাৰীয়ে সহজে মোবাইলৰ জৰিয়তে টকা পঠিওৱা, গ্ৰহণ কৰা আৰু অনলাইন লেনদেন সম্পন্ন কৰিব পাৰে।

ইতিহাস

ভীম এপ্লিকেশ্যনটো ২০১৬ চনৰ ৩০ ডিচেম্বৰত ভাৰতৰ প্ৰধানমন্ত্ৰী নৰেন্দ্ৰ মোদীৰদ্বাৰা উন্মোচন কৰা হৈছিল। ডিজিটেল ভাৰত অভিযানৰ অংশ হিচাপে নগদবিহীন অৰ্থনীতি গঢ়ি তুলিবলৈ এই এপ্লিকেশ্যনটো আৰম্ভ কৰা হয়। সংবিধান প্ৰণেতা বি আৰ আম্বেদকাৰৰ সন্মানস্বৰূপে এই এপটোৰ নাম ভীম ৰখা হয়।^১২৩

বিকাশ আৰু পৰিচালনা

ভীম এপ্লিকেশ্যনটো National Payments Corporation of India (NPCI)দ্বাৰা বিকাশ কৰা হৈছে। NPCI হৈছে ভাৰতৰ এক মুখ্য প্ৰতিষ্ঠান যি খুচুৰা পেমেণ্ট আৰু নিষ্পত্তি প্ৰণালীসমূহ পৰিচালনা কৰে।

বৈশিষ্ট্যসমূহ

ভীম এপ্লিকেশ্যনৰ মুখ্য বৈশিষ্ট্যসমূহ তলত উল্লেখ কৰা হৈছে—

• UPI ৰ জৰিয়তে তৎক্ষণাত টকা পঠিওৱা আৰু গ্ৰহণ কৰা সুবিধা
• বহুতো ভাৰতীয় ভাষাৰ সমৰ্থন
• QR কোড স্কেন কৰি পেমেণ্ট কৰা সুবিধা
• বেংক একাউণ্টৰ সৈতে পোনপটীয়াকৈ সংযোগ
• সুৰক্ষিত আৰু সহজ ব্যৱহাৰযোগ্য ব্যৱস্থা

ব্যৱহাৰ পদ্ধতি

ভীম ব্যৱহাৰ কৰিবলৈ ব্যৱহাৰকাৰীৰ এটা সক্ৰিয় বেংক একাউণ্ট আৰু মোবাইল নম্বৰ থাকিব লাগিব। এপ্লিকেশ্যনটো ইনষ্টল কৰাৰ পাছত মোবাইল নম্বৰ আৰু বেংক একাউণ্ট সংযোগ কৰি UPI পিন সৃষ্টি কৰিব লাগে। তাৰ পিছত সহজে লেনদেন কৰিব পাৰি।

সুৰক্ষা ব্যৱস্থা

ভীম এপ্লিকেশ্যনত UPI পিন, মোবাইল ভেৰিফিকেশ্যন আৰু এনক্ৰিপশ্বন ব্যৱস্থা ব্যৱহাৰ কৰি লেনদেন সুৰক্ষিত কৰা হয়। ই ব্যৱহাৰকাৰীৰ ব্যক্তিগত আৰু আৰ্থিক তথ্য সুৰক্ষিত ৰাখে।

গুৰুত্ব

ভীম এপ্লিকেশ্যনে ভাৰতত ডিজিটেল পেমেণ্ট ব্যৱস্থাক সহজ আৰু জনপ্ৰিয় কৰি তুলিছে। ই গ্ৰাম্য আৰু চহৰীয়া দুয়ো অঞ্চলতেই নগদবিহীন লেনদেন বৃদ্ধি কৰাত গুৰুত্বপূৰ্ণ ভূমিকা পালন কৰিছে। বাহ্যিক সংযোগ BHIM ৰ চৰকাৰী ৱেবছাইট