বৰ্তিকা ঝা

বৰ্তিকা ঝা ( Vartika Jha; জন্ম: ৮ এপ্ৰিল ২০০০) এগৰাকী ভাৰতীয় কৰিঅ’গ্ৰাফাৰ, নৃত্যশিল্পী, আৰু অভিনেত্ৰী। তেওঁ ২০১৮ চনৰ ষ্টাৰ প্লাছৰ ডান্স ৰিয়েলিটি শ্ব' ডান্স প্লাছ, ৪ৰ্থ ছিজনৰ প্ৰতিযোগী আৰু ৰানাৰ্ছ আপ আছিল। ^১ তেতিয়াৰ পৰাই ভাৰতৰ অন্যতম জনপ্ৰিয় নৃত্যশিল্পী আৰু কৰিঅ’গ্ৰাফাৰ হিচাপে নিজকে প্ৰতিষ্ঠা কৰিবলৈ সক্ষম হৈছে।

কৰ্মজীৱন

কেইবাবাৰো প্ৰত্যাখ্যানৰ সন্মুখীন হোৱাৰ পিছত ২০১৮ চনত ষ্টাৰ প্লাছত প্ৰচাৰিত ধৰ্মেশ য়েলাণ্ডেৰ দলত ডান্স প্লাছ ছিজন ৪-ত ঝাক নিৰ্বাচিত কৰা হয়। শ্ব’টোত তেওঁ ফাইনেলত প্ৰৱেশ কৰে য’ত তেওঁ ২য় ৰানাৰ্ছ আপ হয়।

দ্য ডান্স প্লাছৰ বিচাৰক, কৰিঅ’গ্ৰাফাৰ আৰু বলীউডৰ পৰিচালক ৰেমো ডিছুজাই তেওঁৰ ছবি ‘ষ্ট্ৰীট ডান্সাৰ থ্ৰীডি’ত বৰুণ ধাৱান আৰু শ্ৰদ্ধা কাপুৰৰ সৈতে বৰ্তিকাক অভিনয়ৰ বাবে নিৰ্বাচিত কৰিছিল। ^{২ ৩ ৪ ৫}

ইয়াৰ পিছত তেওঁ চনী টিভিৰ নৃত্য অনুষ্ঠান ইণ্ডিয়াজ বেষ্ট ডান্সাৰ ছিজন-১ৰ কৰিঅ’গ্ৰাফাৰ হিচাপে অংশগ্ৰহণ কৰে, য'ত বৰ্তিকা প্ৰতিযোগী টাইগাৰ পপৰ (অজয় সিং) বিজয়ী কৰিঅ'গ্ৰাফাৰ আছিল। ^{৬ ৭}