বেহনৌছ টাবাটাবেই

বেহনৌছ টাবাটাবেই (ফাৰ্চী ভাষা: بهنوش طباطبایی; জন্ম ১৭ মে' ১৯৮১) হৈছে এখন ইৰানী অভিনেত্ৰী। তেওঁ দুটাকৈ হাফেজ বঁটাকে ধৰি বিভিন্ন সন্মান লাভ কৰিছে। ২০১৯ চনৰ মিডডে এডভেঞ্চাৰ: ট্ৰেচ অৱ ব্লাড চলচ্চিত্ৰখনত কৰা অনৱদ্য অভিনয়ৰ বাবে তেওঁ ক্ৰিষ্টাল চিমৰ্গ মনোনয়ন লাভ কৰিবলৈ সক্ষম হৈছিল।^১২৩৪

প্ৰাৰম্ভিক জীৱন

তেওঁ কম্পিউটাৰ ইঞ্জিনিয়াৰিং বিষয়ত অধ্যয়ন কৰিছিল আৰু তেহৰান বিশ্ববিদ্যালয়ত এক চুটি সময়ৰ বাবে অভিনয়ৰ প্ৰশিক্ষণ লৈছিল।^৫

বেহনৌছ টাবাটাবেইৰ জন্ম ১৯৮১ চনৰ ১৭ মে'ত ইৰানৰ তেহৰানত হৈছিল। তেওঁৰ পিতৃ চৈয়দ নাছাৰ টাবাটাবেই প্ৰাক্তন গৃহ আৰু নগৰ উন্নয়ন মন্ত্ৰ্যালয়ৰ এজন চিভিল ইঞ্জিনিয়াৰিং বিশেষজ্ঞ আছিল আৰু মাতৃ এগৰাকী স্কুলৰ শিক্ষয়িত্ৰী আছিল। তেওঁ পৰিয়ালৰ দ্বিতীয় সন্তান আৰু তেওঁৰ তীনৌছ নামেৰে এগৰাকী ডাঙৰ ভগ্নী আছে। টাবাটাবেইৰ প্ৰাথমিক বিদ্যালয়ত পঢ়ি থকা দিনৰেপৰা অভিনয়ৰ প্ৰতি আগ্ৰহ গঢ়ি উঠিছিল, য'ত তেওঁ অভিনেত্ৰী মেৰিলা শ্বাৰিফিনিয়াৰ সহপাঠী আছিল। দ্য ডল থিফ চলচ্চিত্ৰখনত শ্বাৰিফিনিয়াৰ চৰিত্ৰৰদ্বাৰা অনুপ্ৰাণিত হৈ টাবাটাবেয়ে অভিনয়ৰ প্ৰতি থকা নিজৰ আগ্ৰহক আগবঢ়াই লৈ যায় আৰু ১৯৯৩ চনত আনুষ্ঠানিক প্ৰশিক্ষণ আৰম্ভ কৰে। তেওঁ কম্পিউটাৰ ইঞ্জিনিয়াৰিং বিষয়ত স্নাতক ডিগ্ৰী আৰু মনোবিজ্ঞান বিষয়ত ডক্টৰেট ডিগ্ৰী লাভ কৰিছে। ইয়াৰ উপৰি তেওঁ তেহৰান বিশ্ববিদ্যালয়ৰ চাৰুকলা ফেকাল্টিত এটা অভিনয় পাঠ্যক্ৰম সম্পূৰ্ণ কৰিছিল।^৬

ব্যক্তিগত জীৱন

তেওঁ ২০০৭ চনত অভিনেতা মহদী পাকদেলক লগ পায় আৰু ২০১১ চনৰ মাৰ্চ মাহত তেওঁৰ সৈতে বিবাহপাশত আবদ্ধ হয়। ২০১৬ চনত তেওঁলোকৰ বিবাহ বিচ্ছেদ হয়।^৭

টাবাটাবেয়ে মিছ ডাইলীমা চলচ্চিত্ৰখনত কাম কৰি থকাৰ সময়তে অভিনেতা মহদী পাকদেলক লগ পাইছিল। ২০১১ চনৰ ২ মাৰ্চত তেওঁলোকৰ বিবাহ সম্পন্ন হয়, কিন্তু বিবাহৰ ছয় বছৰৰ পাছত ২০১৬ চনত তেওঁলোকৰ বিবাহ বিচ্ছেদ হয়।^৬

বাহ্যিক সংযোগ

• Behnoosh Tabatabaei at Sureh cinema centre
• Behnoosh Tabatabaei in Simin story(film)
• Behnoosh Tabatabaei in Mikaeel(TV serial)