বিয়নী সাবটা (বৈজ্ঞানিক নাম: Desmodium laburnifolium) লেগুমিনেছি (Leguminaceae) পৰিয়ালৰ অন্তৰ্ভুক্ত এবিধ বনৰীয়া গছ৷১
বিৱৰণ
বিয়নী সাবটাৰ মূল ঠাৰিডাল সৰু আৰু সেউজ-বুলীয়া হয়৷ এই ঠাৰিৰ মাজে মাজে সেৰেঙাকৈ গাঁঠিৰ উৎপত্তি হয়৷ প্ৰত্যেকটো গাঁঠিত দুখিলা দুখিলাকৈ বিপৰীতমুখী আৰু সেউজীয়া পাত ওলায়৷ পাতবোৰ পাতল চানেকীয়া, লেহুকা আৰু ডিম্বাকৃতিৰ হয়৷ পাতৰ সিৰ আৰু উপসিৰাবিলাক স্পষ্টকৈ বিকশিত নহয়৷ গাঁঠিত আৱিৰ্ভাৱ হোৱা পাত দুখিলা ওপৰৰ পৰা একো একোডাল দীঘল ঠানিৰ উৎপত্তি হয়৷ এই ঠানিবোৰৰ পৰা সৰু আকাৰৰ সেউজীয়া ফুলৰ পাহি ওলায়৷
বিয়নী সাবটাৰ ফুলৰ সন্মুখভাগ কাইটৰ দৰে জোঙা হয়৷ কাপোৰত এই ফুলবোৰ লাগি ধৰে৷১
তথ্যসূত্ৰ
- ↑ ফটিক চন্দ্ৰ গগৈ (ডিছেম্বৰ ২০০৭). অসমৰ উদ্ভিদ কোষ. অসম প্ৰকাশন পৰিষদ
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “বিয়নী সাবটা” প্ৰবন্ধৰ সংশোধন ৫৪০৫৫৯ (৩০ ছেপ্তেম্বৰ ২০২৫)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।