বিবি বাকাৰে-ইউছুফ

বিবি বাকাৰে-ইউছুফ (Bibi Bakare-Yusuf, জন্ম: ১৯৭০) নাইজেৰিয়াৰ লাগোছৰ এজন নাইজেৰিয়ান শিক্ষাবিদ, লেখক আৰু সম্পাদক। ২০০৬ চনত জেৰেমি ৱেইটৰ সৈতে প্ৰকাশন কোম্পানী কাছাভা ৰিপাব্লিক প্ৰেছৰ সহযোগী প্ৰকাশন গোষ্ঠী প্ৰতিষ্ঠা কৰে।^১ ব্যয়সাধ্যতা, স্থানীয় প্ৰতিভা বিচাৰি উলিওৱাৰ প্ৰয়োজনীয়তা আৰু বিকাশৰ প্ৰয়োজনীয়তা আৰু কেৱল ইউৰোপ আৰু আমেৰিকাত সঘনাই উদযাপন কৰা আফ্ৰিকান লেখক প্ৰকাশৰ ওপৰত গুৰুত্ব আৰোপ কৰি কাছাভা ৰিপাব্লিক প্ৰেছৰ সৃষ্টি হৈছিল৷^২বাকাৰে-ইউছুফ ২০১৯ চনত ৰয়েল ছ'চাইটি অৱ লিটাৰেচাৰৰ সন্মানীয় ফেলো নিৰ্বাচিত হোৱাৰ লগতে ইয়েল ৱৰ্ল্ড ফেলো, ডেচমণ্ড টুটু ফেলো আৰু ফ্ৰেংকফৰ্ট বুক ফেয়াৰ ফেলো হিচাপে নিৰ্বাচিত হয়।^৩

নাইজেৰিয়াৰ লাগোছত জন্মগ্ৰহণ কৰা বিবি বাকাৰে-ইছুফে ১৩ বছৰ বয়সত ইংলেণ্ডলৈ গুচি যায়। লণ্ডন বিশ্ববিদ্যালয়ৰ গোল্ডস্মিথ কলেজত পঢ়িছিল আৰু তাৰ পৰা যোগাযোগ আৰু নৃতত্ত্ব অধ্যয়ন কৰিছিল আৰু ৱাৰউইক বিশ্ববিদ্যালয়ৰ পৰা লিংগ অধ্যয়নত পি এইচ ডি লাভ কৰিছিল।.^৪৫

সন্মান

১. ২০১৮ চনৰ ডিচেম্বৰ মাহত সাহিত্যিক ব্লগ ব্ৰিটল পেপাৰে বিবি বাকাৰে-ইউছুফক বছৰৰ আফ্ৰিকান সাহিত্যিক ব্যক্তি হিচাপে বাছি লয়, যিটো বঁটাত "প্ৰদত্ত বছৰত আফ্ৰিকান সাহিত্য প্ৰতিষ্ঠানটোক ধৰি ৰাখিবলৈ পৰ্দাৰ আঁৰত কাম কৰা ব্যক্তিসকলক স্বীকৃতি দিয়া হয়"।^৬ ২. ২০১৮ চনত দক্ষিণ আফ্ৰিকাৰ ছ'ৱেট'ত অনুষ্ঠিত হোৱা তৃতীয় আবণ্টু বুক ফেষ্টিভেলত মূল ভাষণ দিবলৈ বাকাৰে-ইউছুফক নিৰ্বাচিত কৰা হৈছিল।^৭ ৩. ২০১৯ চনত বাকাৰে-ইউছুফ ৰয়েল ছ'চাইটি অৱ লিটাৰেচাৰৰ সন্মানীয় ফেলো নিৰ্বাচিত হয়।^৮৯ ৪. ২০২০ চনত বাকাৰে-ইউছুফে আফ্ৰিকান অধ্যয়নৰ ক্ষেত্ৰখনত ব্যতিক্ৰমী অৱদান আগবঢ়োৱা লোকসকলক শ্ৰদ্ধাঞ্জলি জনোৱা ASAUK "Distinguished Africanist" বঁটা লাভ কৰে।^{১০১১১২}