বিতা ইলাহিয়ান

বিতা ইলাহিয়ান (ফাৰ্চী ভাষা: بیتا الهیان) এগৰাকী ইৰানী-আমেৰিকান চলচ্চিত্ৰ নিৰ্মাতা আৰু অভিনেত্ৰী, যিয়ে কেলিফৰ্ণিয়াৰ লছ এঞ্জেলছত বসবাস কৰে।^১২ তেওঁ নিউয়ৰ্ক ফিল্ম একাডেমীৰপৰা চলচ্চিত্ৰ নিৰ্মাণৰ শিক্ষা গ্ৰহণ কৰিছিল। ইলাহিয়ানে ড্ৰামা চলচ্চিত্ৰসমূহৰ পৰিচালনাৰ বাবে বিভিন্ন বঁটা লাভ কৰিছে।^২ তেওঁ ‘ৱমেন ইন ফিল্ম এলএ’ আৰু ‘নিউয়ৰ্ক ৱমেন ইন ফিল্ম এণ্ড টেলিভিছন’ৰ এগৰাকী সদস্য।^২৩

প্ৰাৰম্ভিক জীৱন

বিতা ইলাহিয়ানৰ জন্ম তেহৰানত হৈছিল, য’ত তেওঁ নিজৰ শৈশৱৰ বেছিভাগ সময় কটাইছিল।^১

কৰ্মজীৱন

বিতা ইলাহিয়ানে মধ্য প্ৰাচ্যত নিজৰ চলচ্চিত্ৰ কেৰিয়াৰ আৰম্ভ কৰিছিল। এগৰাকী অভিনেত্ৰী আৰু থিয়েটাৰ পৰিচালক হিচাপে তেওঁ জনপ্ৰিয়তা অৰ্জন কৰে। তেওঁ ক্ৰাইমছ অৱ দ্য হাৰ্ট নাটখনিৰ এটা প্ৰদৰ্শন পৰিচালনা কৰিছিল। ইয়াৰ উপৰি তেওঁ ইৰানত অনুষ্ঠিত ফাজৰ আন্তঃৰাষ্ট্ৰীয় থিয়েটাৰ ফেষ্টিভেলত প্ৰদৰ্শিত হোৱা লবী নামৰ এটা নাট্য অভিযোজনো পৰিচালনা কৰে।^{৪৫৬৭৮}

কৰ্মজীৱনৰ পৰৱৰ্তী সময়ত, ইলাহিয়ানে থিয়েটাৰৰপৰা চলচ্চিত্ৰ নিৰ্মাণৰ ক্ষেত্ৰখনলৈ যোৱাৰ সিদ্ধান্ত লয়। তেওঁ দ্য চেভেণ্ট ডে নামৰ এখন চলচ্চিত্ৰ নিৰ্মাণ কৰে, যিখন ২০খনতকৈও অধিক চলচ্চিত্ৰ মহোৎসৱত প্ৰদৰ্শিত হৈছিল।^{১৯১০১১১২}

চলচ্চিত্ৰ পৰিচালক হিচাপে নিজৰ কৰ্মজীৱনক আগবঢ়াই নিবলৈ ইলাহিয়ান আমেৰিকা যুক্তৰাষ্ট্ৰলৈ যায়। নিউয়ৰ্ক ফিল্ম একাডেমীৰ শিক্ষাৰ্থী হিচাপে তেওঁ পাঠ্যক্ৰমৰ অংশ হিচাপে বিউটিফুল ড্ৰিম আৰু ব্লেম নামৰ চলচ্চিত্ৰ দুখন পৰিচালনা কৰিছিল।^{১১৩১৪১৫১৬১৭} ভিডা তেওঁৰ শেহতীয়া চুটি চলচ্চিত্ৰ, যিখন তেওঁ পৰিচালনা কৰাৰ লগতে তাত অভিনয়ো কৰিছে।^{১৮১৯২০}

ইয়াৰ উপৰি তেওঁ ‘উইণ্টাৰ ফিল্ম এৱাৰ্ডছ’ৰ বাছনি সমিতিৰ এগৰাকী সদস্য আছিল।^২১২২

প্ৰভাৱ

তেওঁৰ কৰ্মৰাজিয়ে মূলতঃ মহিলাৰ সবলীকৰণৰ ওপৰত গুৰুত্ব আৰোপ কৰে।^২৩ বৰ্তমান তেওঁ ‘নিউয়ৰ্ক ৱমেন ইন ফিল্ম এণ্ড টেলিভিছন’ আৰু ‘ৱমেন ইন ফিল্ম এলএ’ৰ এগৰাকী সদস্য।^১২৪