বাৰ্বাৰা স্লেট

বাৰ্বাৰা স্লেট ( Barbara Slate; জন্ম: ৯ মে', ১৯৪৭) এগৰাকী আমেৰিকান শিল্পী, কাৰ্টুনকাৰ, গ্ৰাফিক ঔপন্যাসিক, কমিক বুক সৃষ্টিকৰ্তা আৰু লেখিকা। ডিচি আৰু মাৰ্ভেল কমিক্স দুয়োটাৰে বাবে কমিকছ সৃষ্টি, লিখা আৰু অংকন কৰা কেইগৰাকীমান মহিলা শিল্পীৰ ভিতৰত তেওঁ অন্যতম।^১ তেওঁৰ পাঠ্যপুথি ইউ কেন ডু এ গ্ৰাফিক নভেল প্ৰথম প্ৰকাশ কৰিছিল ২০১০ চনত আলফা বুকছ (পেংগুইন/পুটনাম)ৰ দ্বাৰা।^২ ১৯৮৬ চনত বাৰ্বাৰাই কিশোৰ-কিশোৰীসকলৰ বাবে প্ৰাপ্তবয়স্ক থিমৰ ধাৰাবাহিক ডিচি কমিক্সৰ বাবে এঞ্জেল লাভ নিৰ্মাণ কৰে। এটা প্ৰদৰ্শনী পৰ্যালোচনাত নিউয়ৰ্ক টাইমছে তেওঁৰ শিল্পক "আমাৰ সময়ৰ আবেগ, বন্দুকৰ হিংসা আৰু নাৰীৰ আত্মবিশ্বাসৰ আখ্যানৰ সৈতে জোৰ দিয়া" বুলি বৰ্ণনা কৰা হৈছে।^৩

কেৰিয়াৰ

আৰম্ভণিৰ কাম

১৯৭৪ চনত স্লেটৰ নাৰীবাদী কাৰ্টুন চৰিত্ৰ “মিছেছ লিজে’’^৪ লাখ লাখ গ্ৰিটিং কাৰ্ডত, কচমোপলিটান আলোচনীৰ নিয়মীয়া কমিক ষ্ট্ৰিপত আৰু ১৯৮২ চনত এনবিচিৰ টুডে শ্ব'ৰ এনিমেটেড খণ্ডৰ ধাৰাবাহিকত তাৰকা হিচাপে দেখা দিয়ে।^৫ বহুতো আলোচনী আৰু বাতৰি কাকতে বাৰ্বাৰা স্লেট আৰু মিছেছ লিজৰ বিষয়ে বিস্তৃত প্ৰবন্ধ প্ৰকাশ কৰিছিল।^৬ ১৯৮৩ চনত কাৰ্টুনিষ্ট প্ৰফাইলছত সাত পৃষ্ঠাৰ এটা বৈশিষ্ট্যৰ বাবে স্লেটক লিজৰ চৰিত্ৰটোৰ বিষয়ে সাক্ষাৎকাৰ লোৱা হৈছিল।^৭

কমিক্স

কমিক বুক ৰিচ'ৰ্চে ২০১৩ চনৰ ১৩ মে'ত “এঞ্জেল লাভ’’ৰ বিষয়ে এটা স্তম্ভৰে বাৰ্বাৰা স্লেট উইক আৰম্ভ কৰে।^৮ মাৰ্ভেল কমিক্সৰ বাবে তেওঁ ছুইট চিক্সটিন সৃষ্টি, ৰচনা আৰু অংকন কৰে,^৯ ৬৫খন বাৰ্বি আৰু বাৰ্বি ফেশ্বন কমিক্স লিখিছিল আৰু ডিজনীৰ ছবি বিউটি এণ্ড দ্য বিষ্ট আৰু পকাহণ্টাছত নিজৰ স্পিন দিছিল। তেখেতে হাৰ্ভি কমিক্সৰ বাবে কমিক নিউ কিডছ অন দ্য ব্লকৰ বাবে আৰু ডিচি কমিক্সৰ বাবে স্কুবি ডুৰ লেআউট লিখিছিল আৰু কৰিছিল।^১০ বাৰ্বাৰাই ১৯৯০ আৰু ২০০০ চনৰ ভিতৰত আৰ্চি কমিক্সৰ বাবে এশৰো অধিক বেটী আৰু ভেৰ'নিকাৰ কাহিনী লিখিছিল।^১১

কমিক ষ্ট্ৰীপচ্

১৯৮০ চন: মিছ. লিজকচমোপলিটান, ৱৰ্কিং উইমেন, SELF, আৰু নিউ উইমেনত চিত্ৰিত কৰিছিল।

১৯৮৯-৯০: ইউপিজ ফ্ৰম হেল (মাৰ্ভেল কমিক্স)ৰ উদ্ধৃতি কচমোপলিটানত। ১৯৯৩-৯৪: মেকিং এণ্ডছ মিটফাৰ্ষ্ট ফৰ উইমেন আলোচনীত প্ৰকাশ পাইছিল; ১৯৯৫ চনত ভায়োলেটআন্তঃৰাষ্ট্ৰীয় আলোচনীত প্ৰকাশ পায়^১২

১৯৯৮ চনত স্পিনভিলে ৰিয়াক্ট আলোচনীত প্ৰকাশ পায়

স্তম্ভ

২০০৮-২০১০: ইউ কেন ডু এ গ্ৰাফিক নভেল] আৰ্চি ডাইজেষ্টছ, দ্য ইণ্ডিপেণ্ডেণ্ট নিউজপেপাৰ, দ্য কলম্বিয়া নিউজপেপাৰত

২০০৯: দ্য কলম্বিয়া নিউজপেপাৰত "আই গট মেৰিয়েড এণ্ড অদাৰ মিষ্টেকছ"^১৩

গ্ৰাফকচ্ উপন্যাস

২০১২ চনত অন্য প্ৰেছে বিবাহ আৰু অন্যান্য ভুল প্ৰকাশ কৰে।^১৪জো এগৰাকী সফল বিয়াৰ ফটোগ্ৰাফাৰ যিয়ে মাকৰ পৰামৰ্শ মানি স্বামীক স্নেগ কৰিছিল। ন বছৰৰ অসুখী বিবাহৰ পিছত তাইক আন এগৰাকী মহিলাৰ বাবে ডাম্প কৰা হয় আৰু জীৱনটো আগুৱাই নিয়াৰ অতি প্ৰয়োজন। তাই উপলব্ধি কৰে যে তাইৰ মিষ্টাৰ ৰাইট আচলতে মিষ্টাৰ ৰং আছিল আৰু তাই নিজৰ জীৱনৰ বাহিৰে সকলোৰে নিয়ম অনুসৰি জীৱনটো কটাব ধৰিছিল। গ্ৰাফিক নভেলখনে জোৰ নাৰী অপৰাধবোধৰ সৈতে সংগ্ৰাম আৰু আত্মসচেতনতাৰ সন্ধানৰ বিষয়ে গভীৰভাৱে প্ৰকাশ কৰিছে।^১৫

গেটিং মেৰেড এণ্ড অদাৰ মিষ্টেকছ ২০১৩ চনৰ ১৭ মে'ত কমিক বুক ৰিচ'ৰ্ছে বাৰ্বাৰা স্লেট উইকৰ চূড়ান্ত খণ্ড হিচাপে প্ৰচাৰ কৰিছিল।^১৬