ফিগমা (ছফ্টৱেৰ)

ফিগমা হৈছে এক ৱেব-ভিত্তিক ভেক্টৰ গ্ৰাফিক্স সম্পাদক আৰু প্ৰ'ট'টাইপিং সঁজুলি। অথচ মেকঅ'এছ আৰু ৱিণ্ড'জৰ বাবে নিৰ্মিত ডেস্কটপ এপ্লিকেশ্যনত কিছুমান অতিৰিক্ত অফলাইন সুবিধা পোৱা যায়। এণ্ড্ৰইড আৰু আইঅ'এছ-ৰ বাবে নিৰ্মিত ফিগমা মিৰ'ৰ কম্পেনিয়ন এপৰ জৰিয়তে ম'বাইল ডিভাইচসমূহত বাস্তৱ-সময়ত ফিগমা প্ৰ'ট'টাইপসমূহ চাব পাৰি। বাস্তৱ-সময়ত সহযোগিতা কৰিব পৰা সুবিধা থকা এই এপ্লিকেশ্যনটো বিশেষভাৱে ব্যৱহাৰকাৰী আন্তঃপৃষ্ঠ আৰু ব্যৱহাৰকাৰী অভিজ্ঞতা ৰূপাংকণৰ বাবে তৈয়াৰ কৰা হৈছে।^১

ইতিহাস

ডাইলান ফীল্ড আৰু ইভান ৱালেছে ২০১২ চনত ফিগমাৰ ওপৰত কাম কৰা আৰম্ভ কৰে।^২ ব্ৰাউন বিশ্ববিদ্যালয়ত অধ্যয়ন কৰি থাকোঁতে ফীল্ড আৰু ৱালেছে ২০১১ চনত আন কেইবাটাও প্ৰকল্পৰ লগতে ৱেব-ভিত্তিক ৰূপাংকণ সঁজুলি প্ৰস্তুত কৰাৰ কথা চিন্তা-চৰ্চা কৰে। ২০১২ চনত ৱালেছে ব্ৰাউন বিশ্ববিদ্যালয়ৰপৰা স্নাতক ডিগ্ৰী লাভ কৰে আৰু ফীল্ডে বিশ্ববিদ্যালয় এৰি থিয়েল ফেল'শ্বিপ গ্ৰহণ কৰে যিয়ে তেওঁক নিজৰ ষ্টাৰ্টআপৰ ওপৰত কাম কৰিবলৈ $100,000 টকাৰ আৰ্থিক সাহায্য প্ৰদান কৰে। ফিগমাৰ ওপৰত পূৰ্ণকালীনভাৱে কাম কৰিবলৈ দুয়ো ছেন ফ্ৰাঞ্চিস্ক'লৈ গুচি যায়।^৩

ফিগমাই ৩ ডিচেম্বৰ, ২০১৫ তাৰিখে কেৱল আমন্ত্ৰিত লোকলৈ বিনামূলীয়া পূৰ্বলোকন কাৰ্যসূচী আগবঢ়োৱা আৰম্ভ কৰে।^৪ ২০১৬ চনৰ ২৭ ছেপ্টেম্বৰত ৰাজহুৱাকৈ ফিগমা মুকলি কৰা হয়।^৫

২২ অক্টোবৰ, ২০১৯ তাৰিখে ফিগমাই ফিগমা কমিউনিটী মুকলি কৰে য'ত ডিজাইনাৰসকলে নিজৰ কাম প্ৰকাশ কৰিব পাৰে আৰু আনে সেইবোৰ চাব আৰু ব্যৱহাৰ কৰিব পাৰে।^৬

প্ৰতিযোগী

• স্কেট্‌চ
• এড'বী এক্সডি
• বালছামিক ৱায়াৰফ্ৰেম

বাহ্যিক সংযোগ

• ইভান ৱালেছৰ ব্যক্তিগত ৱেবছাইট