ফাইলচ (গুগল)

ফাইলচ (Files)(আগতে ফাইলচ গ নামে জনা গৈছিল) হৈছে গুগলৰ দ্বাৰা উন্নীত কৰা এটা ফাইল ব্যৱস্থাপনা এপ, যাৰ জৰিয়তে ফাইল ব্ৰাউজিং, মিডিয়া ব্যৱহাৰ, সংৰক্ষণ পৰিষ্কাৰ আৰু অফলাইন ফাইল স্থানান্তৰ কৰা যায়। এই এপটো ৫ ডিচেম্বৰ ২০১৭ তাৰিখে গুগলে মুক্তি দিয়ে^১। ইয়াৰ উপৰিও চীনৰ বাবে এটা বিশেষ সংস্কৰণ ৩০ মে’ ২০১৮ তাৰিখে মুক্তি দিয়া হৈছিল।^২

৯ আগষ্ট ২০২১ তাৰিখে এই এপটোত Material You নক্সা সংযোজন কৰা হয়, য’ত ডাঙৰ বুটাম আৰু লেবেলৰ লগতে এণ্ড্ৰইড ১২-ৰ ডাইনামিক থিমিং সমৰ্থন অন্তৰ্ভুক্ত কৰা হয়।^৩

বৈশিষ্ট্য

এই এপটো বৰ্তমান কেৱল এণ্ড্ৰইড অপাৰেটিং চিষ্টেমত উপলব্ধ আৰু ইয়াত তিনিটা টেব আছে: ক্লিন, ব্ৰাউজ আৰু শ্বেয়াৰ। গুগল পিক্সেল ডিভাইচত শ্বেয়াৰ টেবটো মেনু বুটামত ক্লিক কৰিলে দেখা পোৱা যায়।

ক্লিন মুড

এই অংশত ব্যৱহাৰ নোহোৱা এপ, ডাঙৰ ফাইল আৰু ডুপ্লিকেট ফাইল চিনাক্ত কৰা হয়, যিবোৰ ব্যৱহাৰকাৰীয়ে হয়তো আৰু প্ৰয়োজন নাপাব পাৰে। ইয়াৰ উপৰিও সংৰক্ষণ প্ৰায় পূৰ্ণ হ’লে ব্যৱহাৰকাৰীক জাননী প্ৰদান কৰে।^৪

ইয়াত এটা ট্ৰাছ সুবিধাও আছে, য’ত ৰখা ফাইলসমূহ ৩০ দিনৰ পিছত স্থায়ীভাৱে মচি পেলোৱা হয়।^৫

ব্ৰাউজ মুড

এই অংশত ওপৰত সাম্প্ৰতিকভাৱে ব্যৱহৃত ফাইলসমূহ ফ’ল্ডাৰ অনুসাৰে দেখুওৱা হয় আৰু তলত বিভিন্ন শ্ৰেণী থাকে, যেনে— “ডাউনলোডচ”, “ইমেজেচ”, “ভিডিঅ'চ”, “অ'ডিয়”, “ডকুমেণ্ট এণ্ড আদাৰ”, আৰু “এপচ”।

ইয়াৰ লগতে “ফেভাৰিট” ফ’ল্ডাৰ, “ছেফ ফ'ল্ডাৰ” (পেটাৰ্ন বা পিন ব্যৱহাৰ কৰি ফাইল সুৰক্ষিত কৰে)^৬, আৰু “ইণ্টাৰনেল ষ্ট'ৰ” আৰু “আদাৰ ষ্ট'ৰ”লৈ নিবলৈ দুটা বুটাম অন্তৰ্ভুক্ত আছে।

এই এপটোত এটা মিডিয়া প্লেয়াৰ/ইমেজ ভিউৱাৰো আছে আৰু গুগল ড্ৰাইভলৈ ফাইল বেকআপ লোৱাৰ সুবিধা প্ৰদান কৰে।^৭

শ্বেয়াৰ মুড

ফাইলচএ ফাইল বা এপ পঠিয়াবলৈ আৰু গ্ৰহণ কৰিবলৈ পিয়াৰ-টু-পিয়াৰ শ্বেয়াৰিং ব্যৱহাৰ কৰে (যি কুইক শ্বেয়াৰৰ দ্বাৰা চালিত)। শ্বেয়াৰ কৰা বিষয়বস্তু ব্যক্তিগত ৰাখিবলৈ ই এনক্ৰিপচনো ব্যৱহাৰ কৰে।^৮