পৰ্যাবৃত্ত তালিকা

পৰ্য্যাবৃত্ত তালিকা হৈছে পৰমাণু সংখ্যা অনুসৰি ৰাসায়নিক মৌলসমূহ(এতিয়ালৈকে আৱিষ্কৃত ১১৮ টা) সজোৱা তালিকা। তালিকাখনত ১৮টা থিয় শাৰী আৰু ৭টা পথালি শাৰী আছে। একোটা থিয় শাৰীক গ্ৰুপ বা বৰ্গ আৰু পথালি শাৰীক পিৰিয়ড বা পৰ্য্যায় বোলে। একোটা বৰ্গত থকা আটাইবোৰ মৌলৰ যোজ্যতা একে আৰু ৰাসায়নিক ধৰ্মও প্ৰায় সদৃশ। পৰ্য্যায় একোটাৰ বাওঁহাতৰ পৰা সোঁহাতলৈ মৌলবোৰৰ ধনাত্মকতা ক্ৰমান্বয়ে কমি যায়, ঋণাত্মকতা বাঢ়ি যায়। বহল পৰ্য্যাবৃত্ত তালিকাত লেন্থেন‍ইড আৰু এক্টিন‍ইডক ধৰি ৯টা পৰ্য্যায় আছে। ৰাছিয়াৰ বিজ্ঞানী ডিমিট্ৰি মেণ্ডেলীভে ১৮৬৯ চনত এই তালিকা পদ্ধতি উদ্ভাৱন কৰে। ১৯১৩ চনত হেনৰী ম’জেলে পাৰমাণবিক সংখ্যাৰ ভিত্তিত আধুনিক পৰ্য্যাবৃত্ত তালিকা প্ৰস্তুত কৰে।