অসমীয়া বিশ্বকোষঅসম আৰু অসমীয়া ভাষাৰ জ্ঞানকোষ
অৱদান
জীৱনী

নামগ্যাল লামো

নামগ্যাল লামো এগৰাকী আন্তঃৰাষ্ট্ৰীয় প্ৰশংসিত তিব্বতী অপেৰা আৰু শাস্ত্ৰীয় সংগীতৰ গায়িকা তথা অভিনেত্ৰী৷ বৰ্তমান নেদাৰলেণ্ডৰ উট্ৰেখ্টত তেওঁৰ ঘৰ৷

অসমীয়া ৱিকিপিডিয়াৰ অৱদানকাৰীসকল হালনাগাদ: ২৯ ছেপ্তেম্বৰ ২০২৬ ৪৫৭ শব্দ · ৩ মিনিট সংগৃহীত ৮২
সংশোধনৰ পৰামৰ্শ

নামগ্যাল লামো এগৰাকী আন্তঃৰাষ্ট্ৰীয় প্ৰশংসিত তিব্বতী অপেৰা আৰু ভাৰতীয় ধ্ৰুপদী সংগীতৰ গায়িকা তথা অভিনেত্ৰী৷ বৰ্তমান নেদাৰলেণ্ডৰ উট্ৰেখ্টত তেওঁৰ ঘৰ৷

প্ৰাথমিক জীৱন

লামো আৰু তেওঁৰ ভগ্নী কেলছাং চুকি টেথঙে দালাই লামাই স্থাপন কৰা তিব্বতী ইনষ্টিটিউট অৱ পাৰফৰ্মিং আৰ্টছত তিব্বতী অপেৰা আৰু শাস্ত্ৰীয় সংগীতৰ মহান মাষ্টাৰৰ অধীনত প্ৰশিক্ষণ লয়। চৈধ্য বছৰ ধৰি লামোৱে প্ৰশিক্ষণ লৈছিল। ১২ তেওঁলোকৰ পিতৃৰ মৃত্যুৰ পিছত টকা উপাৰ্জন কৰিবলগীয়া হোৱাৰ বাবে তেওঁৰ ভনীয়েকে এঘাৰ বছৰ প্ৰশিক্ষণ লৈছিল।৩ লামোৱে ইনষ্টিটিউটৰ তাৰকা অভিনেতা হিচাপে পৰিগণিত হয় আৰু বিস্তৃত ভ্ৰমণ কৰে।

এই অংশৰ জৰিয়তে তেওঁ নিজৰ দেশৰ বিভিন্ন ধৰণৰ শাস্ত্ৰীয় আৰু লোকসংগীতৰ পৰম্পৰাত ভৰি দিলে। ১৭ শতিকাৰ তিব্বতী ধ্ৰুপদী গীত নাংমা এণ্ড দ্য ট’শ্বেৰ ব্যাখ্যাই সাৰ্বজনীনভাৱে প্ৰশংসা লাভ কৰিছে আৰু তেওঁক জনপ্ৰিয়ভাৱে তিব্বতৰ নাইটিংগেল নামেৰে জনাজাত হৈছে।৪

১৯৮০ চনৰ পৰা নামগ্যাল লামোৱে নেদাৰলেণ্ডত বাস কৰি আহিছে, আনহাতে ভগ্নী ভাৰতত বাস কৰিছিল।৩

লামোৱে ইউৰোপ আৰু সমগ্ৰ বিশ্বৰ কনচাৰ্টত অনুষ্ঠান পৰিৱেশন কৰি আছে, এতিয়াও তেওঁৰ সংগীতৰ জৰিয়তে তিব্বতী সংস্কৃতি সংৰক্ষণৰ অভিযান চলাই আছে।

কেৰিয়াৰ

১৯৯৮ চনত তিব্বত ইম্প্ৰেছনৰ সৈতে নেদাৰলেণ্ড, জাৰ্মানী আৰু বেলজিয়াম ভ্ৰমণ কৰিছিল আৰু আৰ্থ ডান্স, ৱৰ্ল্ড আৰ্টিষ্টছ ফৰ তিব্বত, ৰাষ্ট্ৰসংঘৰ মানৱ অধিকাৰ ঘোষণাৰ ৫০ বছৰীয়া জয়ন্তী আদি বিশ্বব্যাপী প্ৰকাশত অংশগ্ৰহণ কৰিছিল আৰু আমষ্টাৰডাম আৰু নিউয়ৰ্ক চহৰত ফ্ৰিডম কনচাৰ্টত দ্য বিষ্টি বয়ছ, এলানিছ মৰিছেট আৰু বিজ'ৰ্কৰ দৰে অভিনয়ৰ সৈতে অনুষ্ঠান পৰিৱেশন কৰিছিল।৫

২০০৮ চনত নামগিয়াল লামোৱে ৰক বেণ্ড দ্য উলফমেনৰ ব্ৰিটিছ সংগীতজ্ঞ ক্ৰীছ কনষ্টেন্টিনো আৰু মাৰ্কো পিৰ'নিৰ সৈতে মিলি "পেৰেডাইজ লষ্ট" একক গীতটো ৰেকৰ্ডিং কৰে। ভাৰতীয় প্ৰাক্তন চলচ্চিত্ৰ নিৰ্মাতা অৰবিন্দ আয়াৰৰ পৰিচালনাত বেইজিং অলিম্পিকৰ প্ৰাকক্ষণত মুক্তি দিয়া হয় এই ট্ৰেকটোৰ মিউজিক ভিডিঅ’। "পেৰাডাইজ লষ্ট" ২০০৯ চনৰ জানুৱাৰী মাহত এছিয়ান হটশ্বটছ বাৰ্লিন চলচ্চিত্ৰ মহোৎসৱত৬ আৰু ২০১০ চনৰ লণ্ডনত অনুষ্ঠিত হোৱা তিব্বত চলচ্চিত্ৰ মহোৎসৱত৭ প্ৰতিযোগিতামূলকভাৱে প্ৰদৰ্শিত হয় আৰু ২০০৯ চনৰ তিব্বতী সংগীত বঁটাত শ্ৰেষ্ঠ সংগীত ভিডিঅ' বঁটা লাভ কৰে।৮

তেওঁৰ প্ৰথম বৈশিষ্ট্যপূৰ্ণ ছবি দ্য নাইটিংগেল অৱ তিব্বত, য'ত লামোৱে গায়িকা য়িগা গ্যালনাঙৰ চৰিত্ৰত অভিনয় কৰিছে, শিথিলভাৱে তেওঁৰ নিজৰ জীৱনৰ ওপৰত আধাৰিত আৰু ই বিভিন্ন আন্তঃৰাষ্ট্ৰীয় চলচ্চিত্ৰ মহোৎসৱ যেনে ৩৫ সংখ্যক কায়ৰো আন্তঃৰাষ্ট্ৰীয় চলচ্চিত্ৰ মহোৎসৱত প্ৰদৰ্শিত হৈছে, য'ত ইয়াক মানৱ অধিকাৰৰ শ্ৰেষ্ঠ আন্তঃৰাষ্ট্ৰীয় চলচ্চিত্ৰৰ বাবে মনোনীত কৰা হৈছিল।৯২

চীনৰ শিল্পী আই ৱেইৱেইয়ে ছবিখন সম্পৰ্কে কৈছিল, "এইখন এখন দুখজনক আৰু মন চুই যোৱা ছবি, যিয়ে আমাক তিব্বতী জনসাধাৰণৰ দুৰ্দশা সকলো মানৱ জাতিৰ দুৰ্দশা উপলব্ধি কৰাইছিল।"১০ তিব্বতৰ প্ৰধানমন্ত্ৰী ছিকয়ং লবছাং ছাংগাই মন্তব্য কৰে যে "এই ছবিখনক যি ধৰণেৰে ব্যৱহাৰ কৰা হৈছে সেয়া সহজ, তথাপিও ইয়াৰ চিত্ৰণ অতি শক্তিশালী। ই এগৰাকী মহিলাৰ আধ্যাত্মিক, সাংস্কৃতিক আৰু কলাত্মক স্থানক জীয়াই ৰাখিবলৈ কৰা সংগ্ৰামৰ অতি মৰ্যাদাপূৰ্ণ আৰু সংযত ব্যাখ্যা।""১১

ফিল্মগ্ৰাফী

কাৰ্যবাহী প্ৰযোজক

  • দ্ৰাপচি (২০১৪)

সহ-লেখক

  • দ্ৰাপচি (২০১৪)

অভিনেত্ৰী

  • দ্ৰাপচি (২০১৪)
  • পেৰাডাইজ লষ্ট (২০০৮)
  • ছেভেন ড্ৰিমছ অৱ তিব্বত (২০০১)

বঁটা আৰু মনোনয়ন

  • ২০০৬/৭: শ্ৰেষ্ঠ মহিলা তিব্বতী গায়িকা - তিব্বতী সংগীতৰ বঁটা।
  • ২০০৭: শ্ৰেষ্ঠ মহিলা একক শিল্পী তিব্বত স্বায়ত্তশাসিত অঞ্চল/ভাৰত-আন্তঃৰাষ্ট্ৰীয় সংগীত বঁটা, মিউজিকেড, ইউ.কে
  • ২০০৮: শ্ৰেষ্ঠ বিশ্ব সংগীত অভিনয়ৰ মনোনয়ন নেদাৰলেণ্ড/বেলজিয়াম- মিক্সডমেগাজিনৰ বঁটা।
  • ২০০৯: শ্ৰেষ্ঠ মিউজিক ভিডিঅ' শিল্পী-তিব্বতী সংগীতৰ বঁটা।
  • ২০১৩- শ্ৰেষ্ঠ পৰম্পৰাগত শিল্পী -তিব্বতী সংগীতৰ বঁটা।
  • ২০১৩- শ্ৰেষ্ঠ পৰম্পৰাগত এলবাম -তিব্বতী সংগীতৰ বঁটা।

ডিস্কোগ্ৰাফী

  • ভয়েচ ফ্ৰম তিব্বত (গেং চেনপাৰ সৈতে: পেপিৰ'ছ, এমডব্লিউচিডি৫০০৫, মিউজিক এণ্ড ৱৰ্ডছ, ২০০০)
  • ছংচ ফ্ৰম তিব্বত (পেপিৰ'ছ এমডব্লিউচিডি৫০১০, মিউজিক এণ্ড ৱৰ্ডছ, ২০০৫)
  • পিয়ৰ (চিল্ক ৰোড, ২০০৭)
  • দ্য এনচাণ্টেড লেণ্ড (চিল্ক ৰোড, ২০০৭)
  • মিউজিক অফাৰিং ১ - তিব্বতী গানৰ সংকলন (Papyros, Music & Words, ২০১৪)

অধিক পঠন

বাহ্যিক সংযোগ

তথ্যসূত্ৰ

  1. ↑ (14 February 2000). Music from the land of Snow. Canada Tibet Committee
  2. ↑ (1 October 2013). Human Rights film on Tibet sings its way to global success. The Tibet Post
  3. ↑ China (Taiwan), Ministry of Foreign Affairs, Republic of. (2011-01-28). Voice from Tibet builds cultural bridges. Taiwan Today
  4. ↑ Borpujari, Utpal. (30 July 2012). Drapchi – The Review. Dearcinema.com
  5. ↑ (7 October 2013). Drapchi: Putting a Human Face on the Suffering of Tibetans. The Huffington Post
  6. ↑ Staff. (16 January 2009). Paradise Lost at Berlin festival. CTA News
  7. ↑ (2 July 2010). Tibet Film Festival opens in London. Central Tibet Administration
  8. ↑ (10 October 2009). Welcome to the Fourth Tibetan Music Awards. Music Tibet
  9. ↑ Cinema, Dear. (14 November 2012). Film on Tibet to screen at 35th Cairo International Film Festival. dearcinema.com
  10. ↑ Post, The Tibet. (1 October 2013). Drapchi – The Nightingale of Tibet. thetibetpost.com
  11. ↑ News Desk. (11 March 2013). Drapchi to screen in Rome. tibet.net

সম্পৰ্কিত শ্ৰেণী

অভিনেত্ৰীগায়িকা

উৎস আৰু অনুজ্ঞাপত্ৰ

উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “নামগ্যাল লামো” প্ৰবন্ধৰ সংশোধন ৬৩৯৯১২ (২৯ ছেপ্তেম্বৰ ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।

এই প্ৰবন্ধটো উদ্ধৃত কৰক