দাৰ ইয়াচিন

দাৰ ইয়াচিন (Dar Yasin) এজন কাশ্মীৰী সাংবাদিক। তেওঁক সাংবাদিকতাৰ আটাইতকৈ সন্মানীয় বঁটা পুলিৎজাৰ বঁটাৰে সন্মানিত কৰা হয়।^১

প্ৰাথমিক জীৱন

১৯৭৩ চনত ভাৰতৰ কাশ্মীৰত দাৰ ইয়াচিনৰ জন্ম হৈছিল। দক্ষিণ ভাৰতত তেওঁ কম্পিউটাৰ বিজ্ঞান আৰু প্ৰযুক্তিবিদ্যা অধ্যয়ন কৰিছিল। দাৰ ইয়াচিন ভাৰতৰ কাশ্মীৰৰ মূল চহৰ শ্ৰীনগৰৰ বাসিন্দা।

সাংবাদিকতা

কাশ্মীৰৰ সংঘাত, দক্ষিণ এছিয়াৰ ভূমিকম্প আৰু ইয়াৰ পাছৰ পৰিণতি আৰু বিভক্ত কাশ্মীৰৰ মাজৰ বাটত বাছৰ চলাচলৰ বিষয়ে দাৰে ব্যাপকভাৱে ক'ভাৰ কৰিছিল। আফগানিস্তানত নিয়োজিত হৈ থকাৰ সময়ত তেওঁ আফগান যুদ্ধ, আফগান শৰণাৰ্থী আৰু যুদ্ধবিধ্বস্তু আফগানসকলৰ দৈনন্দিন জীৱনৰ বিষয়ে আলোকচিত্ৰ ক'ভাৰ কৰিছিল। লগতে ম্যানমাৰৰ ব্যাপক হিংসা আৰু নিৰ্যাতনৰ ফলত পলায়ন কৰা ৰোহিংগীয়া শৰণাৰ্থী সংকটৰ কথাও তেওঁ সামৰি লৈছিল। তেওঁৰ লেখাসমূহ বিশ্বৰ সকলো প্ৰধান বাতৰি কাকত আৰু বাতৰি আলোচনীত প্ৰকাশ পাইছে। বৰ্তমান ইয়াচিনে আমেৰিকাৰ সংবাদ সংস্থা এ পিৰ সাংবাদিক হিচাপে কাম কৰি আছে।

প্ৰাপ্তি

দাৰৰ কামে কেইবা ডজনো আন্তঃৰাষ্ট্ৰীয় ফটো বঁটা লাভ কৰিছে। ভাৰতৰ কাশ্মীৰৰ অভূতপূৰ্ব পৰিস্থিতিৰ কভাৰেজৰ বাবে ২০১৯ চনৰ আগষ্ট মাহত তেওঁ আন দুজন ফটো সাংবাদিক মুখতাৰ খান আৰু চন্নী আনন্দৰ সৈতে সাংবাদিকতাৰ আটাইতকৈ সন্মানীয় বঁটা পুলিৎজাৰ বঁটা লাভ কৰিছিল।^২