তিয়ঁহৰ কেক

তিয়ঁহৰ কেক হৈছে তিয়ঁহক প্ৰাথমিক উপাদান হিচাপে ব্যৱহাৰ কৰি প্ৰস্তুত কৰা এবিধ কেক। অতিৰিক্ত উপাদানসমূহৰ ভিতৰত সাধাৰণ কেকৰ উপাদান যেনে, আটা, চেনি, কণী আৰু বেকিং পাউদাৰ আদি থাকিব পাৰে।^১ ইয়াক ডেজাৰ্ট কেক হিচাপে পৰিৱেশন কৰিব পাৰি^২ আৰু কিছুমান প্ৰকাৰৰ ওপৰত আইচিং দিয়া হয়।^১

টাৱছ’লি

তিয়ঁহৰ কেকক টাৱছ’লি বা টাউছালি (কণী বিহীন কেক) বুলি ক'ব পাৰি আৰু ই গোৱাৰ খাদ্য সম্ভাৰৰ এক খাদ্য।^৩৪ তিয়ঁহ ব্যৱহাৰ কৰি টাৱছ’লি প্ৰস্তুত কৰা হয় আৰু অতিৰিক্ত উপাদানসমূহৰ ভিতৰত চাউল, নাৰিকল, গুড়, ঘিঁউ, কাজু আৰু ইলাচি থাকিব পাৰে।^৫৪ কেকৰ ওপৰত হালধিৰ পাত বেক কৰাৰ আগতে ৰাখিব পাৰি, যিয়ে সুগন্ধিযুক্ত কৰে।^৩ ইয়াক ব্ৰেকফাষ্টৰ খাদ্য হিচাপে পৰিৱেশন কৰিব পাৰি আৰু ইয়াক ঢোকলাৰ শৈলীত প্ৰস্তুত কৰিব পাৰি আৰু ভাপত দিও প্ৰস্তুত কৰা হয়।^৬