তায়ালা আছ

তালায়েহ আশ্ৰাফী (ফাৰ্চী ভাষা: طلایه اشرفی; ^১), যাক পেচাগতভাৱে তায়ালা আছ বনামে জনা যায়, এগৰাকী ইৰানী-আমেৰিকান অভিনেত্ৰী। ২০২৪ চনত তেওঁ নাটকত শ্ৰেষ্ঠ সহ-অভিনেত্ৰীৰ টনি বঁটাৰ বাবে মনোনীত হৈছিল। তেওঁ ধাৰাবাহিক স্মাছ, দ্য গাৰ্লছ অন দ্য বাছ, এডাল্টছ, আমেৰিকান অডিশ্যী আৰু এছ দ্য ৱৰ্ল্ড টাৰ্নছৰ লগতে দ্য চিডব্লিউৰ ছুপাৰহিৰো ধাৰাবাহিক লেজেণ্ডছ অৱ টুমৰোত জাৰি টমাজ আৰু জাৰি তাৰাজিৰ চৰিত্ৰত কৰা নিয়মীয়া অভিনয়ৰ বাবে পৰিচিত।

আছে বহুতো সংগীতানুষ্ঠান আৰু নাট্য প্ৰযোজনাত অভিনয় কৰিছে, যাৰ ভিতৰত ব্ৰডৱেৰ ইংলিছ অন্যতম। এই নাটকখনৰ বাবে তেওঁ নাটকত শ্ৰেষ্ঠ সহ-অভিনেত্ৰীৰ টনি বঁটা আৰু ড্ৰামা লীগ বঁটাৰ বিশিষ্ট অভিনয়ৰ শিতানত মনোনয়ন লাভ কৰিছিল।

প্ৰাৰম্ভিক জীৱন আৰু শিক্ষা

আছৰ জন্ম ইৰানৰ তেহৰাণত হৈছিল।^২ তেওঁৰ বয়স যেতিয়া মাত্ৰ ন মাহ আছিল, তেতিয়াই তেওঁলোকে আমেৰিকা যুক্তৰাষ্ট্ৰলৈ প্ৰব্ৰজন কৰিছিল। আছ ওহাইঅৰ ৰাজধানী কলম্বাছৰ উপকণ্ঠ অঞ্চল পাৱেলত ডাঙৰ-দীঘল হৈছিল।^৩৪ তেওঁ হাইস্কুলত পঢ়ি থকা সময়ছোৱাত নাট্য প্ৰযোজনাবোৰত অভিনেত্ৰী আৰু পৰিচালক দুয়োটা ৰূপতে অংশগ্ৰহণ কৰিছিল। আছে বষ্টন বিশ্ববিদ্যালয়ৰ স্কুল অৱ থিয়েটাৰৰপৰা সূক্ষ্ম কলাৰ স্নাতক (BFA) ডিগ্ৰী লাভ কৰে। ইয়াৰ উপৰি তেওঁ লণ্ডন একাডেমী অৱ মিউজিক এণ্ড ড্ৰামেটিক আৰ্ট আৰু নিউয়ৰ্ক চহৰৰ আপৰাইট চিটিজেনছ ব্ৰিগেড থিয়েটাৰতো প্ৰশিক্ষণ গ্ৰহণ কৰিছিল। == কৰ্মজীৱন == আছে বহুতো আঞ্চলিক আৰু অফ-ব্ৰডৱে মঞ্চ প্ৰযোজনাত অভিনয় কৰি</ref> এই চলচ্চিত্ৰখনত তেওঁক তালায়েহ আশ্ৰাফী নামেৰে নামকৰণ কৰা হৈছিল, কিন্তু ইয়াৰ পিছৰ সকলো চৰিত্ৰত তেওঁক তায়ালা আছ বুলিহে উল্লেখ কৰা হয়। তেওঁ ল এণ্ড অৰ্ডাৰ, ল এণ্ড অৰ্ডাৰ: ক্ৰিমিনেল ইনটেণ্ট, ৩০ ৰক আৰু কভাৰ্ট এফিয়াৰ্ছ ধাৰাবাহিকত অতিথি শিল্পী হিচাপে অভিনয় কৰিছে।^৩ ইয়াৰ উপৰি আছৰ স্মাছ আৰু আমেৰিকান অডিশ্যী ধাৰাবাহিকত কিছুমান আৱৰ্তক চৰিত্ৰ আছিল। তেওঁ এছ দ্য ৱৰ্ল্ড টাৰ্নছ''ৰো এগৰাকী অভিনয় শিল্পী আছিল।

২০১৭ চনত আছে জাৰি টমাজৰ চৰিত্ৰত লেজেণ্ডছ অৱ টুমৰোৰ মূল অভিনয় শিল্পীৰ দলত যোগদান কৰে।^৫৬ তেওঁ "হিয়াৰ আই গো এগেইন" নামৰ এটা বিশেষ খণ্ডৰ মুখ্য চৰিত্ৰত অভিনয় কৰিছিল আৰু তেওঁৰ অভিনয়ে সমালোচক তথা অনুৰাগী উভয়ৰেপৰা ভূয়সী প্ৰশংসা বুটলিছিল।^{৭৮৯১০} ২০২২ চনত লিণ্ডা গ্ৰছ থিয়েটাৰত প্ৰদৰ্শিত অফ-ব্ৰডৱেৰ প্ৰথম নাটক ইংলিছত এলহামৰ মুখ্য চৰিত্ৰৰ বাবে আছক নিৰ্বাচিত কৰা হয়।^১১ আমেৰিকাৰ কেইবাটাও থিয়েটাৰত এই চৰিত্ৰটোত অভিনয় কৰাৰ পাছত, ২০২৫ চনৰ জানুৱাৰী মাহত ৰাউণ্ডএবাউট থিয়েটাৰ কোম্পানীৰ টড হাইমছ থিয়েটাৰত এই নাটকখনে ব্ৰডৱেত আত্মপ্ৰকাশ কৰে।^১২ তেওঁৰ এই অভিনয়ে তেওঁক নাটকত শ্ৰেষ্ঠ সহ-অভিনেত্ৰীৰ টনি বঁটাৰ মনোনয়ন আৰু ড্ৰামা লীগ বঁটাৰ বিশিষ্ট অভিনয়ৰ মনোনয়ন আনি দিয়ে।

ব্যক্তিগত জীৱন

আছ এগৰাকী ইৰানী-আমেৰিকান নাগৰিক আৰু তেওঁৰ দ্বৈত নাগৰিকত্ব আছে। তেওঁৰ নাম তালায়েহৰ অৰ্থ হৈছে পাৰ্চী ভাষাত "অগ্ৰগামী" আৰু এই নামটি শ্বাহনামাৰপৰা লোৱা হৈছে।^১ ইংৰাজীৰ উপৰি তেওঁ সাৱলীলভাৱে পাৰ্চী ভাষা ক’ব পাৰে। তেওঁৰ সহযোগী এৰ’ভাৰ্চ অভিনেত্ৰীসকলৰ সৈতে মিলি আছ শ্বিথৰিটী (Shethority) নামৰ প্ৰকল্পটোৰ এগৰাকী প্ৰতিষ্ঠাপক সদস্য, যিটো প্ৰকল্পৰ উদ্দেশ্য হৈছে মহিলাসকলক অনুপ্ৰাণিত কৰা আৰু আগুৱাই লৈ যোৱা।^১৩১৪