তানজিম খালিদ চৌধুৰী

তানজিম খালিদ চৌধুৰী (জন্ম ১৯৭৫) হৈছে কৰ্ণেল টেকৰ সমন্বিত স্বাস্থ্য আৰু প্ৰযুক্তিত ৰ’জাৰ আৰু জোৱেল বাৰ্নেল অধ্যাপক।^১ তেওঁৰ গৱেষণাৰ মুখ্য ক্ষেত্ৰ হৈছে এম-হেল্থ, য’ত স্মাৰ্টফোন আদি মোবাইল ডিভাইচ ব্যৱহাৰ কৰি স্বাস্থ্য উন্নত কৰাৰ ওপৰত গুৰুত্ব দিয়া হয়।^২

তেওঁৰ জন্ম বাংলাদেশত। তেওঁ প্ৰযুক্তিখণ্ডত এগৰাকী বাংলাদেশী মহিলাৰ অভিজ্ঞতা সন্দৰ্ভত দ্য ডেইলী ষ্টাৰ কাকতত লিখিছে।^৩ তদুপৰি তেওঁ TEDxDhaka মঞ্চতো ভাষণ দিছে।^৪

চৌধুৰীয়ে কৰ্নেল টেকত মানৱ-সচেতন কম্পিউটিং লেব^৫ আৰু নিখুঁত আচৰণ স্বাস্থ্য পদক্ষেপ^৬ নেতৃত্ব দিয়ে। তেওঁৰ গৱেষণা দলৰ কামৰ ভিতৰত স্মাৰ্টফোন ডেটা ব্যৱহাৰ কৰি স্কিজোফ্ৰেনিয়াৰ পুনৰাবৃত্তি আগতীয়াকৈ অনুমান কৰা^৭ আৰু মানসিক অৱস্থা তথা কাৰ্যকলাপ চিনাক্ত কৰিব পৰা পৰিধানযোগ্য সংবেদক উন্নয়ন কৰা কামো অন্তৰ্ভুক্ত।^৮

কেৰিয়াৰ

চৌধুৰীয়ে ৰচেষ্টাৰ বিশ্ববিদ্যালয়ত বিদ্যুৎ প্ৰযুক্তিত স্নাতক ডিগ্ৰী লাভ কৰে।^৯ তাৰ পিছত তেওঁ MIT মিডিয়া লেবত এলেক্স পেণ্টলেণ্ডৰ তত্ত্বাৱধানত পিএইচডি সম্পূৰ্ণ কৰে।^১০ পিএইচডি সম্পূৰ্ণ কৰাৰ পিছত তেওঁ ছিয়াটলস্থিত ইণ্টেল ৰিচাৰ্চ লেবত যোগ দিয়ে। পাছত তেওঁ ডাৰ্টমাউথ কলেজৰ কম্পিউটাৰ বিজ্ঞান বিভাগত অধ্যাপক হিচাপে কাম কৰে আৰু তাৰ পিছত কৰ্ণেল বিশ্ববিদ্যালয়ত শিক্ষকতা আৰম্ভ কৰে। বৰ্তমান তেওঁ আৰু তেওঁৰ গৱেষণা দল কৰ্ণেল টেক কেম্পাছ, নিউয়ৰ্ক চহৰত অৱস্থিত।^১১

স্বীকৃতি

চৌধুৰী MIT Technology Review TR35 বঁটা,^১২ NSF CAREER বঁটা,^১৩ TED Fellowship লাভ কৰিছে। তদুপৰি তেওঁ Ubiquitous Computing ১০-বছৰৰ প্ৰভাৱ বঁটাৰ প্ৰাপক আৰু ২০২১ চনত তেওঁক ACM Fellow হিচাপে মনোনীত কৰা হয়।^১৪