ডিং লিৰেন

ডিং লিৰেন (জন্ম ২৪ অক্টোবৰ ১৯৯২) এজন চীনা দবা গ্ৰেণ্ডমাষ্টাৰ আৰু প্ৰাক্তন বিশ্ব দবা চেম্পিয়ন। তেওঁ ২০২৩-২০২৪ ৰ পৰা ১৭ সংখ্যক বিশ্ব দবা চেম্পিয়ন আছিল। তেওঁ তিনিবাৰৰ চীনা দবা চেম্পিয়ন। তেওঁ ২০১৯ গ্ৰেণ্ড চেছ ট্যুৰ বিজয়ী আছিল; ফাইনেলত মেক্সিম ভাচিয়েৰ-লেগ্ৰেভক পৰাস্ত কৰি ২০১৯ চনৰ চিনকফিল্ড কাপ জয় কৰিছিল।^২৩ ডিং হৈছে কেণ্ডিডেটছ টুৰ্ণামেণ্টত অংশগ্ৰহণ কৰা প্ৰথমগৰাকী চীনা খেলুৱৈ আৰু ফিডে বিশ্ব ৰেংকিঙত তেওঁ ২৮০০ এলো মাৰ্ক অতিক্ৰম কৰিছে।^৪ ২০১৬ চনৰ জুলাইত ২৮৭৫ৰ ব্লিটজ ৰেটিংৰ সৈতে তেওঁ বিশ্বৰ সৰ্বাধিক ৰেটিং থকা ব্লিটজ খেলুৱৈ হৈছিল।^৫ ২০২৩ চনৰ জুলাইত ডিঙে‍ ২৮৩০ ৰেটিংঙেৰে‍ ৰেপিড খেলুৱৈৰ ১ নং স্থান লাভ কৰে।^৬

২০১৭ চনৰ আগষ্টৰ পৰা ২০১৮ চনৰ নৱেম্বৰলৈকে ডিং ধ্ৰুপদী দবা খেলত অপৰাজিত হৈ আছিল; তেওঁ ২৯বাৰ বিজয়ী হোৱাৰ লগতে‍ ৭১বাৰ ড্ৰ খেলাৰ ৰেকৰ্ড কৰিছিল। ২০১৯ চনত মেগনাছ কাৰ্লছেনে ইয়াক অতিক্ৰম নকৰালৈকে ১০০খন খেলত অপৰাজিত হোৱাৰ ধাৰাটো শীৰ্ষ পৰ্যায়ৰ দবা ইতিহাসৰ আটাইতকৈ দীঘলীয়া আছিল।^৭৮ ডিং একেৰাহে ২০১৭ আৰু ২০১৯ চনৰ দবা বিশ্বকাপত ৰানাৰ আপ হৈছিল আৰু ২০২২ চনত কেণ্ডিডেটছ টুৰ্ণামেণ্টত দ্বিতীয় স্থান লাভ কৰিছিল। ইয়াৰ ফলত তেওঁ ইয়ান নেপোমনিয়াচিচি বিৰুদ্ধে ২০২৩ চনৰ বিশ্ব দবা চেম্পিয়নশ্বিপত খেলাৰ বাবে যোগ্যতা অৰ্জন কৰিছিল, যিহেতু কাৰ্লছেনে তেওঁৰ খিতাপ ৰক্ষা কৰিব পৰা নাছিল। ডিঙে জয়লাভ কৰি বিশ্ব দবা চেম্পিয়ন হিচাপে পৰিগণিত হয়। ক্লাছিকেল দবা খেলত ৭-৭ৰ টাইৰ পিছত ৰেপিড টাইব্ৰেকত নেপোমনিয়াচ্চিক ২১⁄২-১১⁄২-ত তেওঁ পৰাস্ত কৰে। বিশ্ব দবা চেম্পিয়নশ্বিপ ২০২৪-ৰ অন্তিম খেলত গুকেশ ড'মৰাজুৰ হাতত ৬ ১/২-ৰ পৰা ৭১/২ স্ক'ৰত উপনীত হৈ তেওঁ নিজৰ খিতাপ হেৰুৱাই।

প্ৰাৰম্ভিক জীৱন আৰু শিক্ষা

চীনৰ ৱেনঝৌত ডিংৰ জন্ম আৰু তেওঁ চাৰি বছৰ বয়সতে দবা শিকিবলৈ আৰম্ভ কৰিছিল।^৯ তেওঁ ৱেনঝৌ ঝৌয়ুয়ান প্ৰাথমিক বিদ্যালয়ত পঢ়িছিল আৰু ঝেজিয়াং ৱেনঝউ হাইস্কুল আৰু পিকিং বিশ্ববিদ্যালয় আইন বিদ্যালয়ৰ স্নাতক।^{১০১১১২১৩১৪}

দবা খেলৰ কেৰিয়াৰ

ডিং তিনিবাৰৰ চীনা দবা চেম্পিয়ন (২০০৯, ২০১১, ২০১২) আৰু ২০১২ৰ পৰা ২০১৮ লৈকে চাৰিটা দবা অলিম্পিয়াডত চীনক প্ৰতিনিধিত্ব কৰি ২০১৪ আৰু ২০১৮ চনত দলগত স্বৰ্ণ পদক আৰু ২০১৪ চনত ব্যক্তিগতভাৱে ব্ৰঞ্জ আৰু সোণৰ পদক লাভ কৰিছিল।^{১৫১৬১৭} তেওঁ ২০১৫ চনত বিশ্ব দলগত চেম্পিয়নশ্বিপত দলগত স্বৰ্ণ আৰু ব্যক্তিগতভাৱে‍ ৰূপৰ পদক লাভ কৰিছিল।^১৮

২০১৫

আগষ্ট মাহত ৱাং য়ুৰ পিছত ফিডে বিশ্ব ৰেংকিঙত শীৰ্ষ ১০টা স্থানৰ ভিতকত স্থান লাভ কৰা তেওঁ প্ৰথমগৰাকী চীনা খেলুৱৈ হিচাপে পৰিগণিত হৈছিল।^১৯

২০১৬

জুলাই মাহত ডিং ব্লিটজ ৰেটিং ২৮৭৫ৰ যোগেদি‍ বিশ্বৰ সৰ্বাধিক ৰেটিঙৰ ব্লিটজ খেলুৱৈ হৈছিল।^৫

২০১৭

২০১৭ চনৰ ছেপ্টেম্বৰ মাহত দবা বিশ্বকাপৰ ৰানাৰ আপ হোৱাৰ পিছত তেওঁ বিশ্ব চেম্পিয়নশ্বিপৰ চূড়ান্ত পৰ্যায়ৰ টুৰ্ণামেণ্টৰ বাবে যোগ্যতা অৰ্জন কৰা প্ৰথমগৰাকী চীনা খেলুৱৈ হিচাপে পৰিগণিত হৈছিল।^২০

২০১৮

কেণ্ডিডেটছ টুৰ্ণামেণ্ট ২০১৮-ত ডিঙে‍ এবাৰ বিজয়ী আৰু ১৩বাৰ ড্ৰ খেলি‍ চতুৰ্থ স্থান দখল কৰিছিল। তেওঁ এই প্ৰতিযোগিতাত পৰাজিত নোহোৱা একমাত্ৰ খেলুৱৈ‍ আছিল।

ছেপ্টেম্বৰ মাহত ডিং ফিডে বিশ্ব ৰেংকিঙত ২৮০০ এলো মাৰ্ক অতিক্ৰম কৰা প্ৰথমগৰাকী চীনা খেলুৱৈ হয় আৰু নৱেম্বৰ মাহত তেওঁ ২৮১৬ ৰেটিঙত উপনীত হয়, যিটো ইতিহাসৰ দশম যুটীয়া সৰ্বোচ্চ ৰেটিং। ইয়াৰ ফলত তেওঁ সেই মাহৰ বাবে বিশ্বৰ চতুৰ্থ স্থানলৈ আহে।^২১

বিশ্ব চেম্পিয়ন (২০২৩-২০২৪)

২০২৩ চনৰ এপ্ৰিলত ডিং আৰু নেপোমনিয়াচ্চিয়ে বিশ্ব চেম্পিয়নশ্বিপৰ খেল আগ-পিছৰ ধ্ৰুপদী অংশৰ সৈতে আৰম্ভ কৰিছিল যি ৭-৭ৰ সৈতে টাইত সমাপ্ত হৈছিল। তাৰ পিছত ডিঙে‍ ৰেপিড টাইব্ৰেকত নেপোমনিয়াচ্চিক পৰাস্ত কৰি চতুৰ্থখন খেলত ব্লেক হিচাপে জয়লাভ কৰে।^২২ ডিং বিশ্ব দবা চেম্পিয়নশ্বিপৰ খিতাপ দখল কৰা প্ৰথমগৰাকী চীনা খেলুৱৈ হিচাপে পৰিগণিত হয়।

মে' মাহত ডিঙে‍ জিচিটি চুপাৰবেট দবা ক্লাছিক ৰোমানিয়াত অংশগ্ৰহণ কৰি ৪/৯ (+ ১−২ = ৬) স্ক'ৰেৰে অষ্ঠম স্থান লাভ কৰিছিল।^২৩ ইয়াৰ পিছতে ডিঙে হতাশাৰে‍ সংগ্ৰামৰ কথা উল্লেখ কৰি প্ৰতিযোগিতাসমূহৰ পৰা ন মাহৰ বাবে‍ বিৰতি লৈছিল।^২৪২৫

বিশ্ব দবা চেম্পিয়নশ্বিপ 2024

খেলৰ পূৰ্বে ডিঙক ব্যাপকভাৱে এক গুৰুত্বপূৰ্ণ আণ্ডাৰডগ হিচাপে গণ্য কৰা হৈছিল মূলতঃ গোটেই বছৰজুৰি তেওঁৰ মানসিক সংগ্ৰামৰ বাবে। ছিংগাপুৰৰ বাতৰি কাকত দ্য ষ্ট্ৰেইটছ টাইমছ সৈতে হোৱা এক সাক্ষাৎকাৰত ডিঙে‍ কৈছিল, "এনে লাগিছে যেন মই আগৰ দৰে খেলি আহিছোঁ... আৰু তেওঁলোকৰ মূল্যায়ন সঠিক আৰু মই পুনৰ সেই স্তৰত উপনীত হ'ম নে নাই মই নাজানো।" অডছমেকাৰসকলে ডিঙক জয়ৰ বাবে ৩-ৰ পৰা-১ পৰ্য্যায়ৰ সুযোগ দিছিল, যি প্ৰায় ২৫% সম্ভাৱনাৰ সমান।^২৬২৭

গোটেই খেলখনতে ডিঙৰ মানসিক সংগ্ৰামৰ বিষয়ে‍ বহু বিশ্লেষণ কেন্দ্ৰীভূত হৈছে। গোটেই খেলখনতে কেইবাজনো মন্তব্যকাৰীয়ে তেওঁৰ যুঁজাৰু মনোভাৱ আৰু আত্মবিশ্বাসৰ বাবে প্ৰশংসাৰে উপচাই পেলাইছিল। গ্ৰেণ্ডমাষ্টাৰ অনিশ গিৰিয়ে ১২ নং গেমত ডিঙৰ জয়ৰ পিছত মেচখনত সমতা স্থাপন কৰি‍ কয়, "তেওঁ কালি ইমানেই ভাঙি যোৱা যেন লাগিছিল, সম্পূৰ্ণৰূপে, আৰু এতিয়া তেওঁ গোটেই সময়ছোৱাত একেবাৰে অবিশ্বাস্য খেল খেলিলে‍, ওৰেটো যাত্ৰাত!" ^২৮

গুকেশৰ ৭১⁄২ স্ক’ৰৰ বিৰুদ্ধে ৬১⁄২ স্ক’ৰ কৰি ডিঙে চেম্পিয়নশ্বিপ আৰু বিশ্ব দবা চেম্পিয়নৰ খিতাপ হেৰুৱায়। ১৪ নং গেমৰ অন্তিমখেলত ডিঙে এটা ডাঙৰ ভুল কৰিছিল; তেওঁৰ প্ৰতিদ্বন্দ্বীক পণি তলত থকাৰ সময়ত দুটা ট্ৰেড জোৰকৈ কৰিবলৈ দিছিল, যাৰ ফলত ড্ৰ’ পজিচন পৰাজয়লৈ ৰূপান্তৰিত হৈছিল।^২৯

ব্যক্তিগত জীৱন

ভ্ৰমণকালত তেওঁৰ মাক তেওঁৰ সৈতে থাকে। ২০২৪ চনৰ ফেব্ৰুৱাৰী মাহত ডাই জেইটৰ সৈতে হোৱা এক সাক্ষাৎকাৰত তেওঁ কৈছিল যে তেওঁ বৰ অসুখী আৰু টোপনিৰ সমস্যাত আছে‍।^৩০ ২০২৪ চনৰ নৱেম্বৰ মাহত তেওঁৰ উদ্ধৃতি দি কোৱা হৈছিল যে তেওঁ তেওঁৰ কাম উপভোগ কৰিব পৰা নাই আৰু মানসিক সমস্যাৰ সন্মুখীন হৈছিল।^৩১৩২