টেড্ডি শ্ব'ৱৰ্টজ

থিঅ′ড'ৰা "টেড্ডি" শ্ব'ৱৰ্টজ (ইংৰাজী: সৰহ; ৪ জুলাই ১৯১৪ – ১৩ অক্টোবৰ ২০১৭) এগৰাকী আমেৰিকান য়িদ্দিছ ভাষাৰ গায়িকা, লেখিকা আৰু অনুবাদক আছিল। তেওঁক মূলতঃ আৰ্থাৰ কেভেছৰ সৈতে একেলগে লিখ ডোনা, ডোনা (Dona, Dona) নামৰ গীতৰ পুথিখনৰ ইংৰাজী অনুবাদৰ বাবে স্মৰণ কৰা হয়।

জীৱনী

১৯১৪ চনৰ ১৪ জুলাইত ইষ্ট হাৰ্লেমত য়িদ্দিছ ভাষী ৰাছিয়ান ইহুদী অভিবাসী পিতৃ-মাতৃৰ ঘৰত থিঅ′ড'ৰা ৰথফাৰ্বৰ জন্ম হৈছিল।^১২৩ তেওঁৰ মাকৰ নাম আছিল আন্না; তেওঁৰ পিতৃ মেণ্ডল "মেক্স" ৰথফাৰ্ব এজন বাদ্যযন্ত্ৰী আৰু দৰ্জী আছিল আৰু তেওঁৰ ককাক এজন সংগীতজ্ঞ আছিল, তেওঁ পৰিয়ালটোক সংগীত শিকাইছিল।^৪৫৬ তেওঁ প্ৰথমে ৰাজহুৱা বিদ্যালয়ত আৰু তাৰ পিছত মানহাটান স্কুল অৱ মিউজিকত অধ্যয়ন কৰে।^১ ১৯৩৭ চনত তেওঁ হেৰী শ্ব'ৱৰ্টজ নামৰ এজন উকীলৰ সৈতে বিবাহপাশত আবদ্ধ হয়।^৭

১৯৩০ আৰু ১৯৪০ চনৰ লোক-সংগীতৰ পুনৰুজ্জীৱন আৰু বিশেষকৈ এলান লোমাক্স আৰু পিট ছিগাৰৰ কামৰ দ্বাৰা তেওঁ প্ৰভাৱিত হৈছিল৷^৩২ তেওঁ আমেৰিকাৰ গীতসমূহ য়িদ্দিছলৈ অনুবাদ কৰিবলৈ আৰম্ভ কৰিছিল, আৰ্থাৰ কেভেছৰ সৈতে সহযোগিতা কৰি তেওঁ য়িদ্দিছ আৰু জাৰ্মান গীত অনুবাদ কৰিছিল।^৩১ ১৯৫৬ চনত শ্ব'ৱৰ্টজ আৰু কেভেছে য়িদ্দিছ গীতৰ এখন কিতাপ অনুবাদ কৰি প্ৰকাশ কৰে৷ এই কিতাপখনত এৰন জেইটলিন আৰু শ্ব'লম চেকুণ্ডাৰ য়িদ্দিছ গীত ডোনা, ডোনা অন্তৰ্ভুক্ত কৰা হয়।^৩১৮ ১৯৫৮ চনত ইহুদী কাৰেণ্টছ আলোচনীত তেওঁলোকৰ ইংৰাজী সংস্কৰণ টুম্বলালাইকা আৰু দ্য পাৰ্টিছান গাৰ্লৰ সৈতে পুনৰ প্ৰকাশ কৰা হয়।^৯ সেই সংস্কৰণটো ১৯৬০ চনত জোয়ান বেজে বাণীবদ্ধ কৰিছিল, লগতে ড’নভান আৰু মেৰী হপকিনেও বাণীবদ্ধ কৰিছিল। কিতাপখনৰ জনপ্ৰিয়তাই আন কেইবাটাও ভাষালৈ কিতাপখন অনুবাদৰ বাবে প্ৰেৰণা যোগাইছিল।^৩

এই সময়ছোৱাত শ্ব'ৱৰ্টজে ১৯৬৪ চনৰ নিউয়ৰ্ক বিশ্ব মেলাৰ কনচাৰ্ট, ৰেডিঅ' আৰু দূৰদৰ্শনত নিয়মিতভাৱে অনুষ্ঠান পৰিৱেশন কৰিছিল।^১৬ তেওঁ কোৰাল গ্ৰুপৰ নেতৃত্ব দিছিল আৰু শিবিৰৰ পৰিৱেশত আৰু ইহুদী ব্লাইণ্ডৰ বাবে গিল্ডত সংগীত শিকাইছিল।^৪৬১ ১৯৭০ চনত শ্ব'ৱৰ্টজে টেভি ৰেকৰ্ডছৰ বেনাৰত এল পি ৱাক ৰাইট ইন/কিমট আৰণ মুকলি কৰে।^১ ১৯৮১ আৰু ১৯৮২ চনত তেওঁ নেচনেল কাউন্সিল ফৰ দ্য ট্ৰেডিচনেল আৰ্টছৰ পুঁজিৰে ক্লেজমেৰ, য়িদ্দিছ থিয়েটাৰ, কেণ্টৰিয়েল সংগীত আৰু লোকগীতৰ ৰাষ্ট্ৰীয় ভ্ৰমণকাৰী ভেৰাইটি শ্ব' য়িদ্দিশ্বাৰ কেৰাভান ভ্ৰমণত যোগদান কৰে।^{১০১১৩}

২০১৭ চনৰ ১৩ অক্টোবৰত ১০৩ বছৰ বয়সত শ্ব'ৱৰ্টজৰ মৃত্যু হয়।^৩ নিউয়ৰ্কৰ পশ্চিম বেবিলনৰ নিউ মণ্টেফিঅ'ৰ কবৰস্থানত তেওঁক সমাধিস্থ কৰা হয়।^১২