জেনী ৰাকোটোমামনজি

জেনী ৰাকোটোমামনজি ( Jenny Rakotomamongy; জন্ম: ১৯৭৯), পৰিচিত নাম জেনী, এগৰাকী মালাগাছি জন্মৰ ফৰাচী কাৰ্টুনকাৰ আৰু এনিমেটৰ। তেওঁ চিবিমাগ কমিক্স ষ্টুডিঅ'ৰ সহ-প্ৰতিষ্ঠাপক।^১

জীৱনী

১৯৭৯ চনত মাদাগাস্কাৰৰ আণ্টানানাৰিভোত জন্মগ্ৰহণ কৰা জেনী ৰাকোটোমামনজিয়ে ৩ বছৰ বয়সত পিতৃ-মাতৃৰ সৈতে দ্বীপটো এৰি পেৰিছৰ উপকণ্ঠ অঞ্চললৈ গুচি যায়।^১ পেৰিছ বিশ্ববিদ্যালয় ১ প্যান্থেয়ন-ছ'ৰবনৰ চেণ্ট-চাৰ্লছ চেণ্টাৰত তেওঁ শিল্প অধ্যয়ন কৰে, তাৰ পিছত গ'বেলিনছত এনিমেচনৰ ওপৰত দুবছৰীয়া কাৰ্যসূচী ল’ইক’ল ডি ল’ইমেজ সম্পূৰ্ণ কৰে।^২

২০০২ চনত কেৱল নামৰ প্ৰথম অংশৰে নিজৰ কামত চহী কৰা জেনীয়ে এণ্টোৱান এণ্টিনৰ সৈতে তেওঁৰ প্ৰথম এনিমেটেড চুটি ছবি লে পেপিলন নিৰ্মাণ কৰে।^২ সেই বছৰৰ এন্নেচি আন্তঃৰাষ্ট্ৰীয় এনিমেচন চলচ্চিত্ৰ মহোৎসৱত কেনেল জে বঁটাৰ বাবে এই চুটি ছবিখন নিৰ্বাচিত কৰা হৈছিল।^৩ ইয়াৰ কিছু সময়ৰ পিছতে মাৰাথন এনিমেচনে তেওঁক মাৰ্টিন মিষ্ট্ৰী ধাৰাবাহিকৰ চৰিত্ৰ ডিজাইন আৰু টটালি স্পাইছৰ ষ্ট'ৰীব'ৰ্ডৰ কাম কৰিবলৈ নিযুক্তি দিয়ে।^৪

জেনীয়ে ২০০৫ চনত তেওঁৰ প্ৰথম কমিক শ্বোজো মাংগা-শৈলীৰ পিংক ডায়েৰী মুকলি কৰে।^৩ ফ্ৰান্সৰ ডেলক'ৰ্টৰ দ্বাৰা প্ৰকাশিত পিংক ডায়েৰী ছিৰিজে^৫ ২০০৬ চনত ফৰাচী আলোচনী এনিমেলেণ্ডৰ পৰা শ্ৰেষ্ঠ মাংগা-শৈলীৰ বেণ্ডে ডেচিনিৰ বঁটা লাভ কৰে।^৬ ই ২০০৮ চনলৈকে চলিছিল,^৩ তাৰ পিছত জেনীয়ে এখন নতুন ধাৰাবাহিক মেথিল্ড^৭ আৰম্ভ কৰে আৰু তাৰ পিছত চাৰা এট লেছ কণ্টেছ পাৰ্ডাছ।^৮ পেট্ৰিচিয়া লাইফংৰ লা ৰোজ একাৰলেট ছিৰিজৰ স্পিন অফৰ কামো কৰিছে।^৯

২০০৩ চনত তেওঁ চিবিমাগ কমিক্স ষ্টুডিঅ'ৰ প্ৰতিষ্ঠাপক সদস্যও হয়, যাৰ জৰিয়তে তেওঁ বিভিন্ন কমিক ফেনজিনত সহযোগিতা আগবঢ়াইছে।^১

জেনী ফ্ৰান্সৰ ইউৰে-এট-লয়ৰত থাকে,^১০ য'ত তেওঁ সঘনাই তেওঁৰ স্বামী, সহযোগী কমিকছ সৃষ্টিকৰ্তা এলেক্সিছ ক'ৰিডুনৰ সৈতে সহযোগিতা কৰে।^১