জেনা অৰ্টেগা

জেনা মাৰি অৰ্টেগা (জন্ম ২৭ ছেপ্টেম্বৰ ২০০২) এগৰাকী মাৰ্কিন অভিনেত্ৰী। তেওঁ টেলিভিছন ধাৰাবাহিক জেইন দ্য ভাৰ্জিন-ত কৰা অভিনয়ৰ জৰিয়তে জনপ্ৰিয়তা লাভ কৰে। ইয়াৰ পিছত ডিজনি চেনেলত প্ৰচাৰিত হাস্যৰসাত্মক পৰিয়ালভিত্তিক ধাৰাবাহিক ষ্টাক ইন দ্য মিডলত হাৰ্লে ডিয়াজ নামৰ মুখ্য চৰিত্ৰত অভিনয় কৰি তেওঁ বিশেষ পৰিচিতি লাভ কৰে।^১ তেওঁ ডিজনিৰ এনিমেটেড ধাৰাবাহিক এলেনা অব এভালৰত "প্ৰিন্সেছ ইছাবেল" চৰিত্ৰটোত কণ্ঠদান কৰে।^২ ২০২২ চনত নেটফ্লিক্স ধাৰাবাহিক ৱেন্সডেত ‘‘ৱেন্সডে এডামছ’’ চৰিত্ৰত অভিনয় কৰি জেনা অৰ্টেগা আন্তৰ্জাতিক খ্যাতি লাভ কৰে।

জীৱন আৰু কৰ্মজীৱন

অৰ্টেগাৰ পিতৃ মেক্সিকান বংশোদ্ভূত আৰু মাতৃ মিশ্ৰিত মেক্সিকান আৰু পুৱেৰ্টো ৰিকান বংশোদ্ভূত। তেওঁ পিতৃ-মাতৃৰ ছয়জন সন্তানৰ ভিতৰত চতুৰ্থ। এই কাৰণতে তেওঁ নিজকে তেওঁৰ অভিনীত ধাৰাবাহিক ষ্টাক ইন দ্য মিডল-ৰ চৰিত্ৰ ‘‘হাৰ্লে ডিয়াজ’’ৰ সৈতে তুলনা কৰে, যি সাতজন সন্তান থকা পৰিয়ালৰ মাজৰ সন্তান। অৰ্টেগাই মাত্ৰ ছয় বছৰ বয়সতেই অভিনয়ৰ প্ৰতি আগ্ৰহ প্ৰকাশ কৰে। প্ৰথমে তেওঁৰ মাতৃয়ে এই আগ্ৰহক গুৰুত্ব নিদিলেও, আঠ বছৰ বয়সৰ ভিতৰত মাতৃ আৰু অভিনয় ব্যৱস্থাপকৰ সহায়ত তেওঁ অভিনয় পৰীক্ষাত অংশগ্ৰহণ কৰিবলৈ আৰম্ভ কৰে।

২০১৮ চনৰ মাৰ্চ মাহত, অৰ্টেগাই মাৰ্কিন টেলিভিছন নেটৱৰ্ক ABC-ৰ টেলিভিছন পাইলট ‘‘মেন অৱ দ্য হাউচ’’ৰ অভিনয় শিল্পীদলত যোগদান কৰে। ইয়াত তেওঁ ‘‘এলেনা’’ নামৰ চৰিত্ৰটোত অভিনয় কৰে, যাক এজন সুন্দৰ কিন্তু অন্তৰ্মুখী একমাত্ৰ সন্তান হিচাপে বৰ্ণনা কৰা হৈছিল, যিয়ে নিজৰ মামাতো আৰু চাচাতো ভাই-ভনীৰ সৈতে ভালদৰে খাপ খাব নোৱাৰে।^৩

ইয়াৰ পিছত নেটফ্লিক্সৰ জনপ্ৰিয় ধাৰাবাহিক ৱেন্সডেত মুখ্য চৰিত্ৰ ‘‘ৱেন্সডে এডামছ’’ৰ ভূমিকাত অভিনয় কৰি তেওঁ ব্যাপক জনপ্ৰিয়তা লাভ কৰে।

অৰ্টেগাই টিম বাৰ্টনৰ পৰিচালনাত নিৰ্মিত চলচ্চিত্ৰ বিটেলজুছ বিটেলজুছতো অভিনয় কৰে।^৪

চলচ্চিত্ৰ আৰু টেলিভিছন