জিজি ডলিন

প্ৰিচিলা লি কেলী (ইংৰাজী ভাষা: Priscilla Lee Kelly; জন্ম: ৫ জুন, ১৯৯৭) এগৰাকী আমেৰিকা যুক্তৰাষ্ট্ৰন পেচাদাৰী মল্লযোদ্ধা আৰু প্ৰাক্তন ৰিয়েলিটী টেলিভিছন ব্যক্তিত্ব। বৰ্তমান তেওঁ নিজৰ প্ৰকৃত নামত (প্ৰিচিলা কেলী হিচাপে) স্বতন্ত্ৰ চাৰ্কিটত প্ৰদৰ্শন কৰি আছে। তেওঁ ডব্লিউ ডব্লিউ ই (WWE)-ত কৰা কামৰ বাবে সৰ্বাধিক পৰিচিত, য’ত তেওঁ জিজি ডলিন নামৰ ৰিং নামেৰে খেলিছিল আৰু অভিলেখ সংখ্যক দুবাৰকৈ এনএক্সটি (NXT) মহিলা টেগ টিম চেম্পিয়ন হৈছিল। কেলিয়ে শ্বাইন ৰেষ্টলিং-তো কাম কৰিছিল, য’ত তেওঁ আছিল উদ্বোধনী শ্বাইন নোভা চেম্পিয়ন।

পেচাদাৰী মল্লযুঁজৰ ব্যক্তিত্ব আৰু শৈলী

কেলীৰ গিমিক প্ৰথম অৱস্থাত তেওঁৰ অতীত আৰু মাই বিগ ফেট আমেৰিকান জিপচী ৱেডিং-ত কৰা অভিনয়ৰ ওপৰত আধাৰিত আছিল, যাৰ বাবে তেওঁ "জিপচী প্ৰিন্সেছ" আৰু "জিপচী কুুইন" উপনাম ব্যৱহাৰ কৰিছিল।^১২৩ অৱশ্যে, পৰৱৰ্তী সময়ত তেওঁৰ ব্যক্তিত্বই অধিক গথিক আৰু যৌন আবেদনময়ী ৰূপ লয় আৰু বৰ্তমান ই এটা ‘চাকুবাচ’ৰ চৰিত্ৰৰ ওপৰত বেছি আধাৰিত।^২৪৩ তেওঁ "হেলছ ফেভাৰিট হাৰ্লট" উপনাম ব্যৱহাৰ কৰে^১ আৰু মেচৰ সময়ত প্ৰতিপক্ষক মানসিকভাৱে বিচলিত কৰিবলৈ কামোৰা আৰু চেলেকাৰ দৰে কৌশল ব্যৱহাৰ কৰাৰ বাবে জনাজাত।^৫২ শাৰীৰিক গঠনৰ ক্ষেত্ৰত তেওঁক প্ৰায়ে ডব্লিউ ডব্লিউ ই-ৰ প্ৰাক্তন মল্লযোদ্ধা পেইজৰ সৈতে তুলনা কৰা হয়,^২ যিয়ে নিজেও প্ৰতিপক্ষক চেলেকি দিছিল।^৩

তেওঁৰ মূল ফিনিচাৰ হ’ল জিজি ড্ৰাইভাৰ, যিটো এটা এবডমিনেল ষ্ট্ৰেচ ড্ৰাইভাৰ। এগৰাকী মল্লযোদ্ধা হোৱাৰ উপৰিও কেলী এগৰাকী ভ্যালেট হিচাপেও কাম কৰে আৰু বিশেষকৈ তেওঁ অষ্টিন থিয়ৰীৰ ভ্যালেট হিচাপে কাম কৰিছিল।^৬৭

অন্যান্য মাধ্যম

ডলিনে ডব্লিউ ডব্লিউ ই ২কে২৩ (WWE 2K23) ভিডিঅ' গেমত এগৰাকী খেলিব পৰা চৰিত্ৰ (playable character) হিচাপে আত্মপ্ৰকাশ কৰে।^৮ পৰৱৰ্তী সময়ত তেওঁ ডব্লিউ ডব্লিউ ই ২কে২৪ (WWE 2K24)-তো প্ৰতিফলিত হয়।^৯

ব্যক্তিগত জীৱন

২০১৮ চনৰ ২১ নৱেম্বৰত কেলীয়ে সতীৰ্থ পেচাদাৰী মল্লযোদ্ধা চামুৱেল ৰাটছৰ সৈতে বিবাহপাশত আৱদ্ধ হয়, যি তেওঁৰ ৰিং নাম দাৰ্বি আলিন হিচাপে পৰিচিত।^১০ তেওঁ ২০২০ চনৰ আগষ্ট মাহত ঘোষণা কৰে যে তেওঁলোকৰ বিবাহ বিচ্ছেদ হ’বলৈ ধৰিছে।^১১১২ চাৰি মাহৰ পিছত ভিকি গুৱেৰোৰ প’ডকাষ্টত দিয়া এক সাক্ষাৎকাৰত তেওঁ নিশ্চিত কৰে যে তেওঁ আৰু আলিনৰ বিবাহিত জীৱন অন্ত পৰিছে যদিও তেওঁলোক বন্ধু হৈ আছে।^১১

কেলী বৰ্তমান পেচাদাৰী মল্লযোদ্ধা জেকাৰী ৱেণ্টজৰ সৈতে সম্পৰ্কত আছে। ২০২৩ চনৰ অক্টোবৰ মাহত তেওঁলোকৰ বাগদান সম্পন্ন হয়।^১৩১৪

চেম্পিয়নশ্বিপ আৰু সাফল্য

• এড্ৰিনেলিন চেম্পিয়নশ্বিপ ৰেষ্টলিং
  • এচিডব্লিউ ফায়াৰ উইমেনছ চেম্পিয়নশ্বিপ (১ বাৰ)^১৫
• এৰিজোনা ৰেষ্টলিং ফেডাৰেচন
  • এডব্লিউএফ উইমেনছ চেম্পিয়নশ্বিপ (১ বাৰ)^১৬
• ডেষ্টিনী ৱৰ্ল্ড ৰেষ্টলিং
  • ডেষ্টিনী উইমেনছ চেম্পিয়নশ্বিপ (১ বাৰ)^১৭
• এফ১আৰএছটি ৰেষ্টলিং
  • এফ১আৰএছটি ৰেষ্টলিং আপটাউন ভিএফডব্লিউ চেম্পিয়নশ্বিপ (১ বাৰ)^১৮
• জৰ্জিয়া প্ৰিমিয়াৰ ৰেষ্টলিং
  • টুগেদাৰ উই ফাইট টুৰ্ণামেণ্ট (১ বাৰ) – চিপ ডে’ৰ সৈতে^১৯
• প্ৰ’ ৰেষ্টলিং ইলাষ্ট্ৰেটেড
  • ২০২০ চনত পি ডব্লিউ আই উইমেনছ ১০০-ৰ শীৰ্ষ ১০০ মহিলা মল্লযোদ্ধাৰ ভিতৰত ৩৮ নম্বৰ স্থান লাভ কৰিছিল^২০
  • ২০২২ চনত পি ডব্লিউ আই টেগ টিম ১০০-ৰ শীৰ্ষ ১০০ টেগ টিমৰ ভিতৰত ১৪ নম্বৰ স্থান লাভ কৰিছিল – টক্সিক এট্ৰাকশ্যনৰ সৈতে^২১
• ৰ’গ ৰেষ্টলিং
  • ৰ’গ টেগ টিম চেম্পিয়নশ্বিপ (১ বাৰ) – ভিপ্ৰেছৰ সৈতে^২২
• শ্বাইন ৰেষ্টলিং
  • শ্বাইন নোভা চেম্পিয়নশ্বিপ (১ বাৰ, উদ্বোধনী)^২৩
  • শ্বাইন নোভা চেম্পিয়নশ্বিপ উদ্বোধনী টুৰ্ণামেণ্ট (২০১৭)^২৪
• ডব্লিউ ডব্লিউ ই (WWE)
  • এনএক্সটি মহিলা টেগ টিম চেম্পিয়নশ্বিপ (২ বাৰ) – জেচি জেনৰ সৈতে^২৫২৬