জাৰ্মানীৰ নাৰী

ইতিহাসৰ পৃষ্ঠাত জাৰ্মান মহিলাসকলৰ ভূমিকা সলনি হৈ অহা দেখা গৈছে৷ কিয়নো তেওঁলোকে বাস কৰা সংস্কৃতি আৰু সমাজখনৰ বিভিন্ন সময়ত বিভিন্ন পৰিৱৰ্তন ঘটিছে। ঐতিহাসিকভাৱে অথবা বৰ্তমান সময়তো জাৰ্মান অঞ্চলসমূহৰ মাজত মহিলাৰ পৰিস্থিতিৰ পাৰ্থক্য দৃষ্টিগোচৰ হৈছে৷ বিশেষকৈ ২০ শতিকাৰ সময়ছোৱাত যেতিয়া পূব জাৰ্মানী আৰু পশ্চিম জাৰ্মানীত দুটা বেলেগ ৰাজনৈতিক আৰু আৰ্থ-সামাজিক সংগঠন আছিল, সেই সময়ত এই পাৰ্থক্য অধিক প্ৰতিফলিত হৈছিল।^১ইয়াৰ উপৰি দক্ষিণ জাৰ্মানীৰ ইতিহাসত ৰোমান কেথলিক প্ৰভাৱ পৰিলক্ষিত।^২

শেহতীয়াকৈ জাৰ্মানীতো অন্যান্য পশ্চিমীয়া দেশৰ দৰে অবিবাহিত সহবাস আৰু বৰ্হি-বৈবাহিক জন্মৰ সংখ্যা দ্ৰুতগতিত বৃদ্ধি পাইছে।^৩ ২০১৪ চনলৈকে জাৰ্মানীত অবিবাহিত মহিলাৰ দ্বাৰা ৩৫% সন্তান জন্ম হৈছে।^৪পূৰ্বৰ পশ্চিম জাৰ্মানী আৰু পূব জাৰ্মানীৰ অঞ্চলসমূহৰ মাজত অৱশ্যে লক্ষণীয় পাৰ্থক্য আছে৷ পশ্চিম জাৰ্মানীতকৈ পূব জাৰ্মানীত বৰ্হি-বৈবাহিক জন্মৰ সংখ্যা বেছি৷ পৰিসংখ্যা মতে, ২০১২ চনত পূব জাৰ্মানীৰ ৬১.৬% আৰু পশ্চিম জাৰ্মানীত ২৮.৪% সন্তান অবিবাহিত মহিলাৰ দ্বাৰা জন্ম হৈছিল।

পূব জাৰ্মানীৰ মহিলাসকলক কৰ্মশক্তিত অংশগ্ৰহণ কৰিবলৈ উৎসাহিত কৰা হৈছিল। কিন্তু পশ্চিম জাৰ্মানীত এগৰাকী মহিলাৰ প্ৰাথমিক ভূমিকা ঘৰতে প্ৰায় সীমাবদ্ধ কৰি থোৱা হৈছিল৷ তেওঁক পৰিয়ালৰ লালন-পালন কৰাৰ দায়িত্ব দিয়া হৈছিল। শেহতীয়া বৰ্ষসমূহত অধিকসংখ্যক মহিলাই উপাৰ্জন কৰিবলৈকে কাম কৰি আছে। বেছিভাগ মহিলা কৰ্মৰত যদিও অধিকাংশই অংশকালীন হিচাপেহে কাম কৰে। ^৫সৰু ল'ৰা-ছোৱালী থকা যিসকল মহিলাই নিজৰ কেৰিয়াৰ গঢ়িব বিচাৰে, তেওঁলোকে প্ৰায়েই সামাজিক সমালোচনাৰ সন্মুখীন হোৱাৰ সম্ভাৱনা থাকে৷ এইটো মহিলাসকলৰ আন এটা সমস্যা৷^{৬ ৭৮}২০১৪ চনত শাসকীয় মিত্ৰজোঁটে ২০১৬ চনৰ পৰা কাৰ্যকৰী হোৱাকৈ তত্বাৱধায়ক পৰিষদৰ পদসমূহৰ ৩০% মহিলাৰ বাবে সংৰক্ষণ কৰিছে৷ ^৯

২০১৩ চনত ৰাষ্ট্ৰসংঘই বিশ্বৰ ২০২ খন অধিকাৰক্ষেত্ৰৰ মাজত সম্পন্ন কৰা এক অধ্যয়ন^১০ অনুসৰি জাৰ্মানীত হত্যাৰ বলি হোৱা ৪৭.৩%য়েই মহিলা বুলি পোহৰলৈ আহিছে৷ এই শতাংশটো সকলোবোৰ ন্যায়িক অধিকাৰক্ষেত্ৰৰ ভিতৰতে দশম সৰ্বাধিক আৰু বিশ্বৰ গড় ২১.৩%তকৈও বহু উচ্চত।

অন্যান্য পশ্চিমীয়া আৰু অ-পশ্চিমীয়া দেশৰ তুলনাত জাৰ্মানীত ব্যৱসায়িক নেতৃত্বৰ ভূমিকাত মহিলাৰ সংখ্যা কম৷ আনকি তুৰস্ক, মালয়েছিয়া, নাইজেৰিয়া, ইণ্ডোনেছিয়া, বটছৱানা, ভাৰততকৈও কম।^১১মূল পদত মহিলাৰ উপস্থিতি কম হোৱাৰ এটা কাৰণ হ’ল পূৰ্ণকালীন কামক মহিলাৰ বাবে অনুপযুক্ত বুলি গণ্য কৰা সামাজিক নিয়ম। বিশেষকৈ দক্ষিণ জাৰ্মানী লিংগ ভূমিকা সম্পৰ্কে তুলনামূলকভাৱে অধিক ৰক্ষণশীল।