জয়ন্ত মল্ল বৰুৱা

জয়ন্ত মল্ল বৰুৱা এগৰাকী ভাৰতীয় ৰাজনীতিবিদ। তেওঁ ২০১১ চনৰ পৰা ২০১৬ চনলৈ আৰু ২০২১ চনৰ পৰা বৰ্তমানলৈকে অসম বিধানসভাৰ দুটা কাৰ্যকালৰ সদস্য।^১ মুখ্যমন্ত্ৰী ড° হিমন্ত বিশ্ব শৰ্মাৰ নেতৃত্বত থকা অসম চৰকাৰৰ কেবিনেট মন্ত্ৰী হিচাপেও তেওঁ কাৰ্যনিৰ্বাহ কৰি আছে। বৰ্তমান জয়ন্ত মল্ল বৰুৱাৰ হাতত জনস্বাস্থ্য,অভিযান্ত্ৰিক, দক্ষতা বিকাশ, নিয়োগ আৰু উদ্যোগীকৰণ আৰু পৰ্যটনৰ দপ্তৰ আছে।^২ ইয়াৰ পূৰ্বে তেওঁ অসমৰ মুখ্যমন্ত্ৰীৰ ৰাজনৈতিক সম্পাদক আছিল।^৩ ২০১৭ চনত তেওঁ অসম পৰ্যটন উন্নয়ন নিগমৰ অধ্যক্ষ হিচাপে নিযুক্তি লাভ কৰে। এ টি ডি চিৰ অধ্যক্ষ হিচাপে থকা সময়ছোৱাত তেওঁ অসমত ফিল্মফেয়াৰ এৱাৰ্ড শ্ব’ অনুষ্ঠিত কৰি দৃষ্টি আকৰ্ষণ কৰিছিল, যিটো শ্ব’ ৬৫ বছৰীয়া ইতিহাসত মুম্বাইৰ বাহিৰত প্ৰথমবাৰৰ বাবে অনুষ্ঠিত হৈছিল।