জন ডেল্টন

জন ডেল্টন (John Dalton) হৈছে এজন ইংৰাজ ৰসায়নবিদ, পদাৰ্থবিজ্ঞানী আৰু বতৰ বিজ্ঞানী। তেওঁ ৰসায়ন বিজ্ঞানত পাৰমাণৱিক তত্ত্বৰ পৰিচয় দিয়াৰ বাবে, আৰু ৰঙৰ অন্ধত্বৰ ওপৰত তেওঁৰ গৱেষণাৰ বাবে সৰ্বাধিক জনাজাত।

জন্ম আৰু বংশ পৰিচয়

জন ডেল্টনৰ জন্ম ১৭৬৬ চনৰ ৬ ছেপ্টেম্বৰ তাৰিখে ইংলেণ্ডৰ কাম্বাৰলেণ্ডৰ ককাৰমাউথৰ ওচৰৰ ঈগলছফিল্ডৰ এটা কুৱেকাৰ পৰিয়ালত হৈছিল।^১

শিক্ষা

তেওঁ তেওঁৰ দেউতাকৰ পৰা আৰু ওচৰৰ পাৰ্ডশ্ব হল গাঁৱত এখন ব্যক্তিগত বিদ্যালয় চলাই থকা কোৱেকাৰ জন ফ্লেচাৰৰ পৰা প্ৰাৰম্ভিক শিক্ষা লাভ কৰিছিল। ডাল্টনৰ পৰিয়াল দৰিদ্ৰ আছিল বাবে তেওঁক দীৰ্ঘদিন ধৰি সহায় কৰিব নোৱাৰিছিল আৰু তেওঁ দহ বছৰ বয়সৰ পৰা স্থানীয় ধনী ব্যক্তি কুৱেকাৰ এলিহু ৰবিনছনৰ সেৱাত জীৱিকা অৰ্জন কৰিবলৈ আৰম্ভ কৰিছিল। এজন অন্ধ দাৰ্শনিক জন গফৰ অনানুষ্ঠানিক নিৰ্দেশনাৰ পৰা যথেষ্ট বৈজ্ঞানিক জ্ঞান আহৰণ কৰিছিল।^২

চাকৰি জীৱন

২৭ বছৰ বয়সত, তেওঁক মানচেষ্টাৰৰ "মানচেষ্টাৰ একাডেমী"ত গণিত আৰু প্ৰাকৃতিক দৰ্শনৰ শিক্ষক হিচাপে নিযুক্ত কৰা হৈছিল, যি হৈছে এক ভিন্নমত পোষণ কৰা একাডেমী। তেওঁ সাত বছৰ কাল ৰৈছিল যেতিয়া মহাবিদ্যালয়খনৰ অৱনতি হোৱা বিত্তীয় পৰিস্থিতিৰ ফলত তেওঁ পদত্যাগ কৰিছিল। আকৌ ডেল্টনে একেটা বিষয়ত ব্যক্তিগত শিক্ষক হিচাপে এটা নতুন কেৰিয়াৰ আৰম্ভ কৰিছিল।^৩

মৃত্যু

১৮৪৪ চনৰ ২৭ জুলাইত, মানচেষ্টাৰত, ডেল্টন ৰ মৃত্যু হয়।