ছেদিকা বালখী

ছেদিকা বালখী (Sediqa Balkhi) এগৰাকী আফগান ৰাজনীতিবিদ আৰু হামিদ কাৰ্জাই চৰকাৰৰ প্ৰাক্তন মন্ত্ৰী।^১

প্ৰাথমিক জীৱন

১৯৫০ চনত আফগানিস্তানৰ বালখ প্ৰদেশৰ মাজাৰ-ই-শ্বৰীফত বালখীয়ে জন্মগ্ৰহণ কৰিছিল৷ তেওঁৰ পিতৃ ইছমাইল বালখীক আফগানিস্তানত বহুবাৰ কাৰাগাৰত ভৰাই থোৱা হৈছিল আৰু শেষত বিষাক্ত দ্ৰব্য খুৱাইছিল।^২ তেওঁ বি.এ. ইছলামিক অধ্যয়নত স্নাতক ডিগ্ৰী লাভ কৰে আৰু ইৰাণত থাকি অধিক শিক্ষা গ্ৰহণ কৰে। তেওঁ কিছুদিন শিক্ষকতা কৰিছিল আৰু মেনেজাৰ হিচাপে কাম কৰিছিল।^৩ কম বয়সতে বিয়া হৈ তেওঁ ছটা সন্তান জন্ম দিছিল। তেওঁৰ ভাতৃ ছেইয়েদ আলী বালখী আছিল এজন অৰ্থনীতিবিদ যাক আফগানিস্তানৰ কমিউনিষ্ট পিপলছ ডেম'ক্ৰেটিক পাৰ্টিৰ ৰাজত্বকালত হত্যা কৰা হৈছিল।^২

কৰ্মজীৱন

ইৰাণৰ খোৰাছান প্ৰদেশত ভিত্তি কৰি তালিবান শাসনৰ সময়ত আফগান মহিলাৰ ৰাজনৈতিক আৰু সাংস্কৃতিক কাৰ্য্যকলাপৰ ইছলামিক চেণ্টাৰৰ বালখীয়ে নেতৃত্ব দিছিল। ১৯৯১ চনত তেওঁ আফগানিস্তানলৈ যায় আৰু তাতেই তেওঁ গোপনে নিজৰ কাম অব্যাহত ৰাখে।^৪ ২০০১ চনৰ ডিচেম্বৰ মাহত বন চুক্তিত অংশগ্ৰহণ কৰা তিনিগৰাকী মহিলাৰ ভিতৰত তেওঁ অন্যতম।^৫ মেশ্ৰানো জিৰ্গা (আফগান দ্বি-সদস্যৰ সংসদৰ উচ্চ সদন)লৈ দুবাৰকৈ নিৰ্বাচিত হৈছিল। মেশ্ৰানো জিৰ্গাত মহিলা পৰিক্ৰমা সমিতিৰ অধ্যক্ষ হিচাপে কাৰ্যনিৰ্বাহ কৰিছিল।^২ ২০০৪ চনৰ পৰা ২০০৯ চনলৈকে হামিদ কাৰ্জাই চৰকাৰত শ্বহীদ আৰু প্ৰতিবন্ধী মন্ত্ৰী হিচাপে কাৰ্যনিৰ্বাহ কৰিছিল।^২২০০৫ চনত বালখী আৰু আফগান সেনা প্ৰধান বিছমিল্লা খান মহম্মদী হেলিকপ্টাৰ দুৰ্ঘটনাৰ পৰা ৰক্ষা পৰে। ঘটনাটো দুৰ্ঘটনা বুলি ভবা হয়৷^৬৭