ছালমা আখতাৰ

মৌচুমী আখতাৰ ছালমা^১ (ইংৰাজী: Moushumi Akhter Salma; জন্ম: ১ জানুৱাৰী ১৯৯১; সাধাৰণতে ছালমা আখতাৰ নামেৰে পৰিচিত) এগৰাকী বাংলাদেশী লোক-গায়িকা। ২০০৬ চনত এন.টিভিত (NTV) সম্প্ৰচাৰিত দূৰদৰ্শন ধাৰাবাহিক "ক্ল'জআপ ৱান তোমাকেই খুঁজছে বাংলাদেশ"ৰ দ্বিতীয় ছিজনত চনত জয়লাভ কৰি তেওঁ খ্যাতি অৰ্জন কৰে।^২

প্ৰাৰম্ভিক জীৱন

বাংলাদেশৰ খুলনা সংমণ্ডলৰ কুষ্টিয়া জিলাৰ দৌলতপুৰ উপজিলাৰ গংগাৰমপুৰ গাঁৱত ছালমা আখতাৰৰ জন্ম হৈছিল।

কৰ্মজীৱন

চাৰি বছৰ বয়সত ছালমাই বাউল ছাফি মণ্ডলৰ পৰা সংগীতৰ পাঠ ল’বলৈ আৰম্ভ কৰে। তেওঁ ছালমাক শাস্ত্ৰীয় আৰু লোক-সংগীত গাবলৈ শিকাইছিল। তেওঁ উস্তাদ সঞ্জীব দেৰ পৰাও সংগীতৰ শিক্ষা লৈছিল।

২০০৬ চনত বাৰ বছৰ বয়সত তেওঁ দূৰদৰ্শনৰ ৰিয়েলিটি অনুষ্ঠান "ক্ল'জআপ ৱান তোমাকেই খুঁজছে বাংলাদেশ"ৰ দ্বিতীয় ছিজনত চনত জয়লাভ কৰি তেওঁ খ্যাতি অৰ্জন কৰে।^৩

জনপ্ৰিয় সংগীত কোম্পানী ছানীৰ সহযোগত তেওঁ কেইবাটাও সংগীত এলবামো মুকলি কৰিছে। ক্ল’জআপ ৱানত অংশগ্ৰহণ কৰাৰ সময়তে তেওঁৰ প্ৰথমটো একক গীত বনিয়া বন্ধু মুক্তি পাইছিল।

ছালমাই ১৮ শতিকাৰ ৰহস্যবাদী লালন গীতি, বাংলা লোকগীতৰ লগতে আধুনিক বাংলা গীত পৰিবেশন কৰে। আন্তঃৰাষ্ট্ৰীয় পৰ্যায়তো তেওঁ অনুষ্ঠান পৰিৱেশন কৰিছে।^৪

ব্যক্তিগত জীৱন

২০১০ চনত দিনাজপুৰ-৬ সমষ্টিৰ বৰ্তমানৰ সংসদৰ সদস্য তথা বৰ্তমানৰ সংসদ সদস্য শিবলী ছাদিকৰ সৈতে ছালমাৰ বিবাহ সম্পন্ন হয়।^১৫ দম্পতীহালৰ এগৰাকী কন্যা সন্তান জন্ম হয়। ২০১৬ চনৰ নৱেম্বৰ মাহত তেওঁলোকৰ বিবাহ বিচ্ছেদ হয়।^১ ২০১৮ চনত তেওঁৰ পুনৰ বিবাহ হয়, আৰু দ্বিতীয় বিবাহত আন এগৰাকী কন্যা সন্তানৰ মাতৃ হয়।^৬

বঁটা

বাংলাদেশ চলচ্চিত্ৰ সাংবাদিক সমিতিৰ পৰা তেওঁক শ্ৰেষ্ঠ মহিলা গায়িকাৰ বাচাছাস বঁটা (Bachsas Awards) প্ৰদান কৰা হয়।