ছাইৰা নাছীম

ছাইৰা নাছীম (ইংৰাজী: Saira Naseem) বা ছাহিৰা নাছীম (ইংৰাজী: Sahira Naseem) এগৰাকী পাকিস্তানী গায়িকা৷ তেওঁ নব্বৈৰ দশকৰ পাকিস্তানী চলচ্চিত্ৰ উদ্যোগ বা ললীউডৰ নেপথ্য গায়িকা আছিল। তেওঁ চাৰি বাৰ শ্ৰেষ্ঠ নেপথ্য গায়কৰ নিগাৰ বঁটা লাভ কৰিছিল।^১

কৰ্মজীৱন

১৯৮৭ চনত মুক্তি পোৱা হাম ছে হেঁ জামানা নামৰ ছবিখনৰ জৰিয়তে নাছীমে গায়িকা জীৱন আৰম্ভ কৰিছিল। এ নায়াৰ, মুনীৰ হুছেইন, মাছুদ ৰানাৰ সৈতে ছবিখনৰ বাবে এটা সমবেত সংগীতত তেওঁ কণ্ঠদান কৰিছিল। তাৰ পিছত নেপথ্য কণ্ঠশিল্পী হিচাপে তেওঁৰ কেৰিয়াৰ আগবাঢ়ি যায় আৰু তেওঁ ৮১খন উৰ্দু আৰু পঞ্জাবী ছবিত ৫৫টা গীত গাইছিল। চলচ্চিত্ৰ গীতৰ উপৰিও তেওঁ কবিতা, গজল, নাট আদিও পৰিবেশন কৰে।^২৩

বঁটা আৰু স্বীকৃতি