আতিফ আচলম

আতিফ আচলম (; জন্মগত নাম মহম্মদ আতিফ আচলম, জন্ম ১২ মাৰ্চ ১৯৮৩) এজন পাকিস্তানী পপ গায়ক আৰু চলচ্চিত্ৰ অভিনেতা। তেওঁ বলিউডৰ কেইবাখনো ছবিত কেমিঅ' ভূমিকাত অবতীৰ্ণ হৈছে। ২০১১ চনত পাকিস্তানী চলচ্চিত্ৰ বোলত তেওঁ প্ৰথম অভিনেতা হিচাপে অৱতীৰ্ণ হৈছিল। তেওঁ কেইবাটাও জনপ্ৰিয় গীত গাইছে।^১ আতিফ আচলম তেওঁৰ "ভকেল বেল্টিং" পদ্ধতিৰ বাবে বিখ্যাত।^২ তেওঁ পাকিস্তানৰ অন্যতম সৰ্বোচ্চ অসামৰিক সম্মান তামজা-ই-ইমতিয়াজৰে বিভূষিত।

প্ৰাৰম্ভিক জীৱন

আতিফ আচলম পাকিস্তানৰ ৱাজিৰাবাদৰ এটি মুছলমান পৰিয়ালত জন্মগ্ৰহণ কৰিছিল। তেওঁ লাৰকানাৰ 'কিম্বাৰলে হল' স্কুলত কিন্দাৰগাৰ্ডেন শিক্ষা আৰম্ভ কৰিছিল। ১৯৯১ চনত তেওঁ ৰাৱালপিণ্ডীলৈ আহে। তাত তেওঁ চেটেলাইট টাউনৰ চেইণ্ট পলচ্ কেমব্ৰিজ স্কুলত ভৰ্তি হয়। ১৯৯৫ চনত তেওঁ লাহোৰলৈ আহে আৰু তাত ডিভিশ্বনেল পাব্লিক স্কুলত অধ্যয়ন কৰে। তাৰ পিছত লাহোৰ কলেজ পঞ্জাবৰ পৰা তেওঁ স্নাতক ডিগ্ৰী লয়।^৩৪৫৬