চৈকা (ভিন ভিন ভাষাত উচ্চাৰণ, ইউক্ৰেইনীয়: чайка, chayka, হাংগেৰিয়ান: csajka, পোলিশ: czajka, চাৰ্বিয়ান: шајка / šajka, স্লোভেন: šajka বা plitka) মাস্তুল আৰু পাল থকা গেলিৰ দৰে এখন কাঠৰ নাও। ইয়াক ষোড়শ শতিকাৰপৰা পূব ইউৰোপত আদিভাগত আধুনিক যুদ্ধ আৰু মাল পৰিবহণৰ বাবে ব্যৱহাৰ কৰা হৈছিল।
প্ৰকাৰ
অষ্ট্ৰিয়ান
চৈকাৰ দৈৰ্ঘ্য হয় ৪৮ মিটাৰ (১৫৭ ফুট) (ডাবল চৈকা), ২৪ মিটাৰ (৭৯ ফুট) (গানজ ("পূৰ্ণ") ট্চাইকা), ১২ মিটাৰ (৩৯ ফুট) (হালব ("আধা") চৈকা)১ বা ৬ মিটাৰ (২০ ফুট) (চতুৰ্থাংশ ট্চাইকা) দীঘল আছিল, পালৰদ্বাৰা পৰিচালিত কৰা হৈছিল। ৩০ৰপৰা ৫০ জন লোকে ইয়াত কৰ্মৰত আছিল, এজন কমাণ্ডিং বিষয়া আছিল, এজন গুৰিয়াল, এজন শস্ত্ৰধৰ, এজন ড্ৰামবাদক, দুজন ধনুচালক আৰু ৩৬ জনলৈকে নৌকাবাইচ আছিল।২
জাপোৰ’ঝিয়ান হষ্ট (ইউক্ৰেইন)
চৈকাৰ দৈৰ্ঘ্য ১৮–২০ মিটাৰ (৫৯–৬৬ ফুট), প্ৰস্থ ৩–৩.৫ মিটাৰ (৯.৮–১১.৫ ফুট) আৰু গভীৰতা ৩.৫–৪ মিটাৰ (১১–১৩ ফুট)ৰ ভিতৰত আছিল।৩ চৈকাৰ তলৰ অংশ এটা গছৰ ডালৰপৰা খোদিত কৰা হৈছিল, কাষবোৰ কাঠৰ তক্তাৰে নিৰ্মাণ কৰা হৈছিল। শত্ৰুৰ বন্দুকৰপৰা বা ডুব যোৱাৰপৰা নাওখনক ৰক্ষা কৰিবলৈ নাওখনৰ গানৱেলত নলৰ বেল বান্ধি দিয়া হৈছিল। এনে এখন নাৱত প্ৰায় ৫০ৰপৰা ৬০জন মানুহ আৰু ৬টালৈকে ফাল্কনেট (সৰু কামান) কঢ়িয়াই নিব পাৰিছিল। কিছুমান চৈকাৰ দুটা ষ্টিয়াৰিং হাতোৰা আছিল, যাৰ বাবে নাওখনে দিশ সলনি কৰিবলৈ কেতিয়াও ঘূৰি যোৱাৰ প্ৰয়োজন নহৈছিল।৪
জাপোৰ’ঝিয়ান কছাকসকলে পৰিবহণ আৰু যুদ্ধ দুয়োটাৰে বাবে ব্যৱহাৰ কৰা একেধৰণৰ কিন্তু ডাঙৰ নাওক বাইডাক বুলি কোৱা হৈছিল।
তথ্যসূত্ৰ
- ↑ (27 January 2021). Frontier on the Water
- ↑ Hollins, Dave; Younghusband, William. (1996). Austrian auxiliary troops 1792 - 1816. Reed International Books. ISBN 1855326205
- ↑ (1984). Encyclopedia of Ukraine. University of Toronto Press
- ↑ The 1736-1739 boats discovered in the Dnipro River, Ukraine. academia.edu
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “চৈকা” প্ৰবন্ধৰ সংশোধন ৬৩২৭৬৫ (২৭ আগষ্ট ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।