চাইথেৰিয়া

চাইথেৰিয়া (ইংৰাজী ভাষা: Cytherea) এগৰাকী আমেৰিকান পৰ্ণগ্ৰাফিক চলচ্চিত্ৰৰ অভিনয় শিল্পী আৰু মডেল। যৌন কাৰ্য সম্পাদন কৰাৰ সময়ত তেওঁৰ মহিলা স্খলন (যাক প্ৰাপ্তবয়স্ক উদ্যোগত "স্কুৱাৰ্টিং" বুলি জনা যায়) কৰাৰ ক্ষমতাৰ বাবে তেওঁ বিশেষভাৱে পৰিচিত।

কেৰিয়াৰ

চাইথেৰিয়াই গ্ৰীক প্ৰেম, সৌন্দৰ্য আৰু সংগীতৰ দেৱীৰ নামৰপৰা তেওঁৰ মঞ্চনামটো গ্ৰহণ কৰিছিল।^১২ তেওঁৰ প্ৰথমতে এটা 'ইয়াহু! ' (Yahoo! ) ফেন গ্ৰুপ আছিল, য’ৰপৰা এজন এজেণ্টে তেওঁক প্ৰাপ্তবয়স্ক উদ্যোগলৈ আমন্ত্ৰণ জনাইছিল। তেওঁৰ ভিডিঅ’ কেৰিয়াৰ ২০০৩ চনত আৰম্ভ হৈছিল^৩ আৰু তেওঁ ৩৫০খনতকৈও অধিক ছবিত অভিনয় কৰিছে। তেওঁৰ প্ৰথম দৃশ্যাংশ আছিল আই হেভ নেভাৰ ডান ডেট বিফ’ৰ ১৪-ত টাইচ বুনৰ সৈতে। 'এলিগেণ্ট এঞ্জেল' নামৰ নিৰ্মাণ গোষ্ঠীটোৱে তেওঁক "স্কুৱাৰ্টৱমেন" হিচাপে অভিহিত কৰি এখন চলচ্চিত্ৰ শৃংখলা নিৰ্মাণ কৰিছিল।^২ চাইথেৰিয়াই ২০০৬ চনত চাইথেৰিয়াজ এনাল হোৱৰ্ছ নামৰ ছবিখনত তেওঁৰ প্ৰথমটো এনাল দৃশ্যত অভিনয় কৰিছিল।^৩

২০০৫ চনত তেওঁ 'এভিএন শ্ৰেষ্ঠ নতুন তাৰকা বঁটা' (AVN Best New Starlet Award) লাভ কৰিছিল। সেই বছৰতে উত্তৰ কেৰ’লিনাৰ চাৰ্লটত থকা 'দা জেণ্টলমেনছ ক্লাব'ত তেওঁ নৃত্যশিল্পী হিচাপে আত্মপ্ৰকাশ কৰিছিল।^৪ চাইথেৰিয়াই ২০০৪ চনত 'চাইথেৰিয়া প্ৰডাকচন' নামৰ এটা নিৰ্মাণ কোম্পানী গঠন কৰিছিল।^৫

প্ৰায় চাৰিবছৰীয়া বিৰতিৰ পিছত তেওঁ ২০১২ চনত পুনৰ অভিনয় জগতলৈ ঘূৰি আহে।^৬

২০১৪ চনত চাইথেৰিয়াই ক্ৰাউডফাণ্ডিংৰ জৰিয়তে প্ৰাপ্তবয়স্ক উদ্যোগলৈ তেওঁৰ পুনৰাগমনৰ কথা ঘোষণা কৰিছিল। তেওঁ উল্লেখ কৰিছিল যে ২০০৫ চনত উদ্যোগটোৰপৰা অৱসৰ লোৱাৰ পাছত তেওঁ তেওঁৰ দুই সন্তানৰ সৈতে ঘৰতে সময় অতিবাহিত কৰিছিল। তেওঁ লগতে জানিবলৈ দিছিল যে পুনৰাগমনৰ বাবে প্ৰস্তুত হ’বলৈ তেওঁ প্লাষ্টিক চাৰ্জাৰিও কৰাইছিল।^৭

উপস্থিতি

তেওঁ কেইবাটাও কেবল টেলিভিছন শ্ব’ত অভিনয় কৰিছে, যাৰ ভিতৰত এইচবিঅ’/চিনেমাক্সৰ ধাৰাবাহিক চেক্স গেমছ: ভেগাছ, প্লেবয় টিভিৰ নাইট কলছ অন্যতম। ইয়াৰ উপৰি তেওঁ টম লেইকিছ শ্ব’^২ আৰু দা হাৱাৰ্ড ষ্টাৰ্ণ শ্ব’ত অতিথি হিচাপে অংশগ্ৰহণ কৰিছিল।^১

চাইথেৰিয়াই কেলিফৰ্ণিয়াৰ লছ এঞ্জেলছত কেছেক্স (KSEX) ৰেডিঅ’ত গডেছ অৱ গাশ্ব নামৰ এটা সাক্ষাৎকাৰমূলক অনুষ্ঠান পৰিচালনা কৰিছিল।^৮ তেওঁৰ ৱেবছাইটৰ মতে এই অনুষ্ঠানটো ২০০৬ চনত বাতিল কৰা হৈছিল।

প্ৰাপ্তবয়স্ক চলচ্চিত্ৰৰ উপৰি তেওঁ ২০০৭ চনত থ্ৰিলাৰ ছবি টাম্বলিন আফটাৰ^৯ আৰু কমেডী ছবি ফিনিছিং দা গেমত সৰু চৰিত্ৰত অভিনয় কৰিছিল।^১০

ব্যক্তিগত জীৱন

চাইথেৰিয়াৰ জন্ম ইউটাহৰ ছল্ট লেক চিটিত হৈছিল।^১ তেওঁ এগৰাকী প্ৰাক্তন মৰমন ধৰ্মৰ লোক।^১১

২০১৫ চনৰ জানুৱাৰী মাহত চাইথেৰিয়াৰ ঘৰত তিনিজন সশস্ত্ৰ লোকে প্ৰৱেশ কৰি লুট-পাত চলাইছিল আৰু তেওঁক যৌন নিৰ্যাতন কৰিছিল। আৰক্ষীৰ মতে এই ঘৰটো কোনো নিৰ্দিষ্ট লক্ষ্য নহয়, বৰঞ্চ যাদৃচ্ছিকভাৱে (random) বাছি লোৱা হৈছিল।^১২ সেই সময়ত চাইথেৰিয়াৰ লগতে তেওঁৰ স্বামী আৰু দুই সন্তান ঘৰতে আছিল।^{১৩১৪১৫}

তেওঁ টিমোথি হেলৰ সৈতে বিবাহপাশত আবদ্ধ হৈছিল। ২০১৬ চনৰ ২ নৱেম্বৰত ৫২ বছৰ বয়সত হেলৰ মৃত্যু হয়।