ঘুমট

ঘুমট (Ghumot; ইষ্ট ইণ্ডিয়ান: घुमट বা ಘುಮೋಟ) বা গুমোট বা ঘুমত ভাৰতৰ গোৱাৰপৰা অহা এটি‍ মেমব্ৰেন'ফোন বাদ্যযন্ত্ৰ। ঘুমট হৈছে মাটিৰ পাত্ৰৰ দুয়োফাল খোলাকৈ নিৰ্মিত এটি টান বাদ্য; ডাঙৰ খোলাটোত গুঁইৰ চামৰাৰে‍ (ড্ৰাম মেমব্ৰেন) আৰোপণ কৰা হয়। ইয়াৰ লগত প্ৰায়ে পৰম্পৰাগত বাদ্য ‘শ্বেমেল’ অৰ্থাৎ ছাগলীৰ চামৰাৰ আৰোপণৰে প্ৰস্তুত কাঠৰ ঢোলৰ সৈতে সংগত কৰা হয়। এই বাদ্যযন্ত্ৰ পূব ভাৰতীয় মানুহৰ মাজত জনপ্ৰিয়৷ ২০১৯ চনৰ আগষ্ট মাহত গোৱাই ঘুমটক ঐতিহ্যমণ্ডিত বাদ্য হিচাপে ঘোষণা কৰিছিল।^১

ব্যৱহাৰ

ঘুমট গোৱাৰ হিন্দু আৰু খ্ৰীষ্টান উভয়ৰে লোকৰে‍ ধৰ্মীয় আৰু মন্দিৰ সংগীতৰ এক অবিচ্ছেদ্য অংগ। ই লোকগীত আৰু মাণ্ডো সংগীতৰ সংগী হিচাপে কাম কৰে। কিন্তু আটাইতকৈ গুৰুত্বপূৰ্ণ কথাটো হ’ল গণেশ উৎসৱৰ সময়ত গোৱাত বজোৱা সংগীতত ই এক গুৰুত্বপূৰ্ণ ভূমিকা পালন কৰে। ইয়াৰ উপৰিও বসন্ত কালত গোৱাৰ বেছিভাগ মন্দিৰতে সুৱৰী বদন নামেৰ এক অৰ্কেষ্ট্ৰাত ইয়াক ব্যৱহাৰ কৰা হয়।

এই বাদ্যযন্ত্ৰৰ এজন সুপৰিচিত শিল্পী আছিল খাপৰুমামা পাৰ্বটকাৰ।

অন্যান্য ৰাজ্যত

কৰ্ণাটকৰ কিছুমান অঞ্চলত লোকগীতৰ সৈতে এই বাদ্যযন্ত্ৰটোও বজোৱা হয়।

অন্ধ্ৰ প্ৰদেশত এই বাদ্যবিধক গুমমেটা বুলি জনা যায়, আৰু ইয়াক গল্প কোৱা লোক পৰম্পৰাত বজোৱা হয়।