ক্ৰনিক অবষ্ট্ৰাক্টিভ পালমোনাৰী ডিজিজ

ক্ৰনিক অবষ্ট্ৰাক্টিভ পালমোনাৰী ডিজিজ (Chronic obstructive pulmonary disease, সংক্ষিপ্ত ৰূপত COPD) বুলিলে হাওঁফাওঁৰ কিছুমান বিশেষ ৰোগক বুজোৱা হয় যিয়ে হাওঁফাওঁত বায়ু প্ৰবাহত বাধাৰ সৃষ্টি কৰে আৰু শ্বাস-প্ৰশ্বাসৰ সমস্যাৰ সৃষ্টি কৰে।^১ ইয়াৰ প্ৰাথমিক লক্ষণসমূহ হ’ল উশাহ লোৱাত কষ্ট আৰু কাহৰ সৈতে কফ ওলোৱা। সময়ৰ লগে লগে লক্ষণবোৰ অধিক গুৰুতৰ হৈ পৰে। খোজ কঢ়া বা চিৰি বগাই যোৱাটো কঠিন হৈ পৰে। আটাইতকৈ পৰিচিত ক্ৰনিক অবষ্ট্ৰাক্টিভ পালমোনাৰী ৰোগ হ'ল এম্ফিচিমা আৰু ক্ৰনিক ব্ৰংকাইটিছ, কিন্তু ইয়াৰ মাজত এতিয়া পাৰ্থক্য নাই। এই ৰোগ নিৰাময়ৰ বাবে হোমিঅ’পেথীৰ স্থায়ী চিকিৎসা আছে।

ৰোগৰ লক্ষণ

• কাহ
• উশাহ লোৱাত কষ্ট পোৱা
• উশাহ লোৱাৰ শব্দ
• কাহৰ লগত শ্লেষ্মা নিৰ্গত হোৱা
• খোজ কঢ়াৰ সময়ত কষ্ট অনুভৱ

ৰোগৰ কাৰণ

ধূমপান এই ৰোগৰ বাবেও দায়ী। ইয়াৰ বাহিৰেও বায়ু প্ৰদূষণ, ধূলি, ধোঁৱা আদিয়ে হাওঁফাওঁত প্ৰদাহ সৃষ্টি কৰে, যিটো COPD ৰ কাৰণ। এই ৰোগে হাওঁফাওঁৰ স্থায়ী ক্ষতি কৰে।

কাহ

ডিঙিত বা বায়ুপথত বিষাক্ত পদাৰ্থৰ উপস্থিতিৰ ফলত কাহ হয়। এই বিষাক্ত পদাৰ্থৰ উপস্থিতিয়ে মগজুৰ পৰা সংকেত পেট আৰু বুকুৰ পেশীলৈ গৈ বিৰক্তিকৰ পদাৰ্থটো হাওঁফাওঁৰ পৰা বলপূৰ্বক বায়ু বা উশাহ-নিশাহৰ দ্বাৰা বাহিৰ কৰি দিয়ে।

কাহ হঠাতে হোৱা শাৰীৰিক প্ৰক্ৰিয়া আৰু বায়ুপথৰ পৰা যিকোনো ক্ষতিকাৰক পদাৰ্থ আৰু বীজাণু বাহিৰ কৰাত সহায় কৰে। কাহৰ এই প্ৰক্ৰিয়া সাধাৰণতে তিনিটা পৰ্যায়ত হয়। প্ৰথম পৰ্যায়ত আমি উশাহ লওঁ, দ্বিতীয় পৰ্যায়ত বতাহে বন্ধ বায়ুপথত চাপ সৃষ্টি কৰে আৰু তৃতীয় আৰু অন্তিম পৰ্যায়ত বন্ধ বায়ুপথৰ মাজেৰে হাওঁফাওঁৰ পৰা বায়ু বাহিৰলৈ জোৰকৈ ওলাই যায়, যাক আমি কাহ বুলি কওঁ। কাহ ইচ্ছাকৃত বা স্বতঃস্ফূৰ্ত হ’ব পাৰে। কাহ বা কফ কম সময়ৰ বাবে হ’লে শৰীৰৰ কোনো ক্ষতি নকৰে। কিন্তু যদি ই কেইসপ্তাহমান বা তাতোকৈ বেছি সময় থাকে আৰু কফৰ সৈতে তেজ থাকে তেন্তে তৎক্ষণাত চিকিৎসকৰ পৰামৰ্শ ল’ব লাগে। কাহ দীৰ্ঘদিন ধৰি থাকিলে বিভিন্ন সমস্যা যেনে অনিদ্ৰা, মূৰৰ বিষ, প্ৰস্ৰাৱৰ অসংযমতা আৰু পাচলিৰ ক্ষতি হ’ব পাৰে।