ক্যিন ছি হোৱং

ক্যিন ছি হোৱাং (Qin Shi Huang) (খ্ৰীঃ পূৰ্ব ২৫৯ – ২১০), যাৰ ব্যক্তিগত নাম আছিল ইয়িং ঝিং (Ying Zhing), চীন দেশ যুদ্ধ-বিগ্ৰহত লিপ্ত থকা সময়ত খ্ৰীঃপূৰ্ব ২৪৬-২২১ লৈকে ক্যিন ৰাজ্যৰ ৰজা আছিল। পিছত ২২১ খ্ৰীঃপূৰ্বত তেওঁ প্ৰথম বৃহত চীন সম্ৰাজ্যৰ সম্ৰাট হয়। এই সম্ৰাজ্য তেওঁ ২১০খ্ৰীঃপূৰ্ব পৰ্যন্ত তেওঁ ৫০ বছৰ বয়সত মৃত্যুলৈকে শাসন কৰে।

ক্যিন ছি হোৱাং চীনা বুৰঞ্জীৰ এজন বিবাদিত ব্যক্তি হিচাপে পৰিচিত। একক চীনা সম্ৰাজ্যৰ প্ৰতিষ্ঠাৰ পাছত তেওঁ আৰু তেওঁৰ মুখ্য পৰামৰ্শদাতা লি চি এ এলানি অৰ্থনৈতিক আৰু ৰাজনৈতিক সংস্কাৰৰ এক কাৰ্যক্ৰমণিকা আৰম্ভ কৰে। তেওঁ বহু কেইটা পৰিকল্পনা হাতত লয় - যাৰ ভিতৰত চীনৰ বৃহত প্ৰাচীৰৰ প্ৰথম সংস্কৰণ, বৰ্তমান বিখ্যাত মানৱাকাৰৰ টেৰ্ৰাকট্টা সৈনিক (Terracotta Army) ৰ দ্বাৰা পহৰা দিয়া নগৰাকাৰৰ মাউচলিয়া(Mausoleum) আৰু বিস্তৃত ৰাষ্ট্ৰীয় পথ যোগাযোগ আচনি উল্লেখ যোগ্য। ইয়াৰ বাবে বহু জীৱনৰ প্ৰাণ হানিও হৈছিল। ৰাষ্ট্ৰৰ সুস্থিৰতাৰ বাবে তেওঁ চীনা দৰ্শনক বে-আইনি বুলি ঘোষণা কৰিছিল আৰু বহু চীনা পণ্ডিতক জীৱন্তে সমাধিষ্ঠ কৰিছিল। চৰকাৰী পুথিৰ বাদে সকলো পুথিৰ প্ৰচলন বন্ধ কৰি দিছিল আৰু সেইবোৰক পুৰি পেলোৱা হৈছিল যি ঘটনাক আজি বৃহত চীনা দৰ্শন নিষ্কাশন বুলি জনা যায়। ক্ষমতাৰ দুৰ্ব্যৱহাৰ আৰু সেচ্ছাচাৰী শাসন, তথাপিও ক্যিন ছি হোৱং বুৰঞ্জীৰ এজন লেখত লব লগীয়া ব্যক্তি।

অধিক পঢ়ক

• Bodde, Derk. (1978). The Cambridge history of China. Cambridge Univ. Press. ISBN 0-521-21447-5
• Clements, Jonathan. (2006). The First Emperor of China. Sutton Publishing. ISBN 978-0-7509-3960-7
• Cotterell, Arthur. (1981). The first emperor of China: the greatest archeological find of our time. Holt, Rinehart, and Winston. ISBN 0-03-059889-3
• Guisso, R.W.L.; Pagani, Catherine; Miller, David. (1989). The first emperor of China. Birch Lane Press. ISBN 1-55972-016-6
• Yu-ning. (1975). The First Emperor of China. International Arts and Sciences Press. ISBN 0-87332-067-0
• Portal, Jane. (2007). The First Emperor, China's Terracotta Army. British Museum Press. ISBN 978-1-932543-26-1
• Qian, Sima. (1961). Records of the Grand Historian: Qin dynasty. Columbia Univ. Press
• Wood, Frances. (2007). The First Emperor of China. Profile. ISBN 1-84668-032-8
• Yap, Joseph P. (2009). Wars With the Xiongnu, A Translation From Zizhi tongjian. AuthorHouse. ISBN 978-1-4490-0604-4

বাহ্যিক সংযোগ

• History of China
• "What's Inside Qin Shi Huang's Tomb?"