কেলান্থে অ'ডোৰা

কেলান্থে অ'ডোৰা হৈছে মাটিত হোৱা এবিধ অৰ্কিডৰ প্ৰজাতি। ইংৰাজীত ইয়াক ফ্ৰেগৰেণ্ট কেলান্থে (Fragrant Calanthe) নামেৰে জনা যায়। এই অৰ্কিডবিধ বাংলাদেশ, ভূটান, কম্বোডিয়া, উত্তৰ-পূব ভাৰত, লাওছ, উত্তৰ থাইলেণ্ড আৰু ভিয়েটনামত পোৱা যায়।^১ অসমতো কেলান্থে অ'ডোৰা থলুৱাভাৱে পোৱা যায়।

বিৱৰণ

অৰ্কিডজোপাৰ উচ্চতা ২৫-৫০ চেণ্টিমিটাৰ হ'ব পাৰে। ইয়াৰ দুখিলা বা তিনিখিলা পাত থাকে আৰু ফুলাৰ সময়ত ই ভালদৰে বিকশিত নহয়। পাতৰ মূৰটো জোঙা। ফুলৰ ঠাৰিডাল আগৰ বছৰৰ পত্ৰহীন মূলৰ পৰা ওলায়। ফুলৰ ৰং বগা আৰু একোপাহ ফুল ১-১.৪ চেণ্টিমিটাৰ দীঘল হ'ব পাৰে। অৰ্কিডজোপা সমুদ্ৰপৃষ্ঠৰ ৭০০-১৩০০ মিটাৰ উচ্চতাত গজে।^১২