কেবেকোৱা জাতি

কেবেকোৱা (Québécois, ) হৈছে কানাডাৰ কেবেক প্ৰদেশৰ সৈতে জড়িত লোকসকল। এই শব্দটো সাধাৰণতে হয় কেবেকত বসতি স্থাপন কৰা ফৰাচী উপনিবেশকাৰীসকলৰ বংশধৰসকলক বুজাবলৈ, নহয় যিকোনো জাতিগত পৰিচয়ৰ সেইসকল লোকক বুজাবলৈ ব্যৱহাৰ কৰা হয় যিসকলে কেবেক প্ৰদেশত বাস কৰে আৰু নিজৰ উৎপত্তি সেই প্ৰদেশৰ সৈতে সংযোগ কৰে।

১৯৬০-ৰ দশকৰ পৰা নিজকে কেবেকোৱা হিচাপে আত্মপৰিচয় দিয়াটো প্ৰধান হৈ উঠে; তাৰ আগতে, কেবেকৰ ফৰাচীভাষী লোকসকলে সাধাৰণতে নিজকে ফৰাচী কানাডীয় আৰু কানাদিয়াঁ (Canadiens) হিচাপে চিনাক্ত কৰিছিল, তাৰপিছত ইংৰাজীভাষীসকলেও নিজকে কানাডিয়ান (Canadian) হিচাপে চিনাক্ত কৰিবলৈ আৰম্ভ কৰে।^১

২০০৬ চনত কানাডাৰ লোকসভাত সংখ্যাগৰিষ্ঠ সদস্যই প্ৰধানমন্ত্ৰী ষ্টিৱেন হাৰ্পাৰে উত্থাপন কৰা এটা প্ৰস্তাৱ অনুমোদন কৰে, য’ত কোৱা হৈছিল যে কেবেকোৱাসকল ঐক্যবদ্ধ কানাডাৰ ভিতৰত এটা জাতি।^২ পিছত হাৰ্পাৰে স্পষ্ট কৰে যে প্ৰস্তাৱটোত কেবেকোৱাৰ সংজ্ঞা ব্যক্তিগতভাৱে নিজকে কেবেকোৱা হিচাপে আত্মপৰিচয় দিয়াৰ সিদ্ধান্তৰ ওপৰত নিৰ্ভৰ কৰে; সেয়েহে ই এক ব্যক্তিগত পছন্দ।^৩