এলাহেহ মহম্মদী

এলাহেহ মহম্মদী ( Elahe Mohammadi) জন্ম: ৯ মে' ১৯৮৭) এগৰাকী ইৰাণী মহিলা সাংবাদিক। তেওঁ দৈনিক কাকত হাম-মিহানত সামাজিক আৰু মহিলা বিষয়ৰ ওপৰত প্ৰতিৱেদন প্ৰকাশ কৰিছিল। তেওঁ বহু বছৰ ধৰি ৰাজ্য নিয়ন্ত্ৰিত সংবাদ মাধ্যম যেনে শ্বাহৰবান্দ, খবৰ অনলাইন, ইতমাদ অনলাইনত কাম কৰি আহিছে।^১ ২০২৩ চনত টাইম আলোচনীয়ে তেওঁক বিশ্বৰ ১০০ জন প্ৰভাৱশালী ব্যক্তিৰ ভিতৰত অন্যতম বুলি অভিহিত কৰে।

২০২২ চনৰ ছেপ্টেম্বৰ মাহত মাহছা আমিনিৰ অন্ত্যেষ্টিক্ৰিয়াৰ বাতৰি পৰিৱেশন কৰাৰ অভিযোগত ইৰাণৰ নিৰাপত্তা বাহিনীয়ে মহম্মদীক গ্ৰেপ্তাৰ কৰিছিল। ^২

মাহছা আমিনিৰ অন্ত্যেষ্টিক্ৰিয়া আৰু গ্ৰেপ্তাৰৰ প্ৰতিৱেদন

ইৰাণৰ হাম-মিহান কাকতৰ বাবে ২২বছৰীয়া মাহছা আমিনিৰৰ অন্ত্যেষ্টিক্ৰিয়াৰ বাতৰি পৰিৱেশন কৰি থাকোঁতে স্তম্ভিত হৈ পৰে মহম্মদ। তেহৰাণৰ কুখ্যাত নৈতিকতা আৰক্ষীয়ে মাহছাক গ্ৰেপ্তাৰ কৰে, তাৰ পিছত তিনিদিন ক'মাত থাকি ১৬ ছেপ্টেম্বৰত মৃত্যু হয়।^৩

বিভাগীয় কৰ্তৃপক্ষই মহম্মদক সোধা-পোছাৰ বাবে মাতিছিল যদিও ২০২২ চনৰ ২৯ ছেপ্টেম্বৰত চোৰাংচোৱা মন্ত্ৰ্যালয়ৰ কাৰ্যালয়লৈ যোৱাৰ পথত নিৰাপত্তা বাহিনীয়ে তেওঁক গ্ৰেপ্তাৰ কৰে। মহম্মদৰ অধিবক্তা মহম্মদ আলী কামফিৰজীয়ে তেওঁৰ ছ’চিয়েল মিডিয়া পেজত এই কথা ঘোষণা কৰে। ^৪১৫

২০২২ চনৰ ৪ নৱেম্বৰত ইছলামিক ৰিভল্যুচনেৰী গাৰ্ড কৰ্পছ আৰু চোৰাংচোৱা মন্ত্ৰ্যালয়ে এক যৌথ বিবৃতি প্ৰকাশ কৰি কোনো প্ৰমাণ নোহোৱাকৈ কেইবাটাও দাবী উত্থাপন কৰে। বিবৃতিটোত মহম্মদী আৰু আন এগৰাকী মহিলা সাংবাদিক নিলৌফাৰ হামিদীক বিদেশী এজেণ্ট বুলি অভিযোগ উত্থাপন কৰা হৈছে। তেওঁলোকৰ বিৰুদ্ধে অভিযোগ উঠিছিল যে তেওঁলোকে “পশ্চিমীয়া আৰু জিয়নিষ্ট চোৰাংচোৱা সংস্থাসমূহে” চলোৱা “বহুমাত্ৰিক যুদ্ধ”ত লিপ্ত হৈছিল যাৰ লক্ষ্য আছিল “সমাজৰ বিভিন্ন অংশক, বিশেষকৈ মহিলাৰ সৈতে জড়িতসকলক প্ৰভাবিত কৰাৰ বাবে গুৰুতৰ আৰু দীৰ্ঘম্যাদী পৰিকল্পনা প্ৰস্তুত কৰা”।^৬

২০২৩ চনৰ ছেপ্টেম্বৰ মাহত তেওঁৰ ভগ্নী এলনাজ মহম্মদীক তিনি বছৰৰ কাৰাদণ্ড বিহা হৈছিল। ^৭

আইনী কাৰ্য্যবিধি আৰু দোষমুক্ত কৰা

২০২৪ চনৰ ১১ আগষ্টত মহম্মদীৰ অধিবক্তাই ঘোষণা কৰে যে সাংবাদিকগৰাকীক "এখন শত্ৰুতাপূৰ্ণ বিদেশী চৰকাৰ আমেৰিকাৰ সৈতে সহযোগিতা কৰা"ৰ অভিযোগত আপীল আদালতে দোষমুক্ত কৰিছে। বাকী অভিযোগৰ সন্দৰ্ভত ২০২১ চনৰ ক্ষমা আদেশৰ অধীনত তেওঁক আইনগতভাৱে সুৰক্ষিত কৰা হৈছিল।^৮২০২৫ চনৰ ১১ ফেব্ৰুৱাৰীত ১৯৭৯ চনৰ ইছলামিক বিপ্লৱৰ বৰ্ষপূৰ্তি উপলক্ষ্যে ইৰাণৰ সৰ্বোচ্চ ন্যায়িক কৰ্তৃপক্ষই মহম্মদী আৰু নিলৌফাৰ হামিদীক ক্ষমা কৰা বুলি প্ৰকাশ পাইছিল। এই ক্ষমাৰ ফলত "ৰাষ্ট্ৰীয় নিৰাপত্তাৰ বিৰুদ্ধে ষড়যন্ত্ৰ" আৰু "চৰকাৰৰ বিৰুদ্ধে অপপ্ৰচাৰ"ৰ বাকী থকা অভিযোগ প্ৰত্যাহাৰ কৰা হয়, যাৰ ফলত তেওঁলোকৰ গোচৰ বন্ধ হৈ পৰে। ১৭ মাহ কাৰাগাৰত থকাৰ পিছত আপিলৰ অপেক্ষাত থকাৰ পিছত ২০২৪ চনৰ জানুৱাৰী মাহত দুয়োগৰাকী মহিলাক সাময়িকভাৱে জামিনত মুকলি কৰি দিয়া হয় আৰু পিছত আপীল আদালতে “আমেৰিকাৰ সৈতে সহযোগিতা” কৰাৰ অভিযোগৰপৰা মুক্ত কৰে। ^৯ ২৫ ফেব্ৰুৱাৰীত তেওঁক সোধা-পোছাৰ বাবে মাতি অনা হয় যদিও কেইঘণ্টামানৰ পিছত তেওঁক মুকলি কৰি দিয়া হয়।^১০

বঁটা আৰু স্বীকৃতি

1. কানাডাৰ সাংবাদিকসকলৰদ্বাৰা আন্তৰ্জাতিক সংবাদ স্বাধীনতা বঁটা (CJFE), নিলুফৰ হামেদিৰ সৈতে একেলগে প্ৰদান, ফেব্ৰুৱাৰী ২০২৩^১১১২
2. ২০২৩ হাৰ্ভাৰ্ডৰ লুই এম লায়ন্সৰ সাংবাদিকতাত বিবেক আৰু সততাৰ বাবে বঁটা, নিলুফাৰ হামেদিৰ সৈতে একেলগে প্ৰদান, মাৰ্চ ২০২৩^১৩১৪
3. ২০২৩ চনৰ মাৰ্চ মাহত টুৰিন চহৰ পৰিষদে ইৰাণৰ সাংবাদিক এলাহে মহম্মদীক সন্মানীয় নাগৰিকত্ব প্ৰদান কৰে।^১৫
4. ২০২৩ চনৰ ইউনেস্কো/গুইলাৰমো কেনো বিশ্ব সংবাদ স্বাধীনতা বঁটা, নিলুফৰ হামেদি আৰু নৰ্গেছ মহম্মদীৰ সৈতে একেলগে প্ৰদান কৰা হয়।^১৬
5. ২০২৩ চনৰ এপ্ৰিল মাহত মহম্মদী আৰু নিলুফৰ হামেদিক টাইম আলোচনীৰ বিশ্বৰ ১০০ জন আটাইতকৈ প্ৰভাৱশালী লোকৰ তালিকাত অন্তৰ্ভুক্ত কৰা হয়।^১৭
6. ২০২৩ চনৰ জুন মাহত WAN-IFRA ৰপৰা গোল্ডেন পেন বঁটা, নিলুফৰ হামেদিৰ সৈতে একেলগে প্ৰদান কৰা হয়।^১৮